4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ

4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ - advert banner 728 90 728x90 - 4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ

    ເລື່ອງຂອງຄວາມຮູ້ສຶກ ບາງຄົນອາດປາກແຂງບໍ່ກ້າເຜີຍຄວາມໃນໃຈໃຫ້ອີກຝ່າຍໜຶ່ງໄດ້ຮູ້ ອາດຍ້ອນຢ້ານການຖືກປະຕິເສດ, ຢ້ານການຜິດຫວັງ, ຢ້ານບໍ່ເປັນທີ່ຍອມຮັບ ຫລື ບາງຄົນກໍບໍ່ຮູ້ຈະເລີ່ມແນວໃດ ແລະ ຄວາມຮູ້ສຶກເຫລົ່ານັ້ນກໍອັດແໜ້ນຢູ່ເຕັມເອິກຂອງທ່ານຢູ່ແບບນັ້ນຕະຫລອດເວລາ ຫາກທ່ານເປັນໜຶ່ງໃນຄົນທີ່ບໍ່ກ້າບອກຄວາມຮູ້ສຶກໃຫ້ຄົນທີ່ແອບຮັກໄດ້ຮູ້ ລອງອ່ານຂໍ້ດີຂອງ 4 ເຄັດລັບການເຜີຍຄວາມໃນໃຈກັບຄົນທີ່ແອບຮັກຕໍ່ໄປນີ້ເບິ່ງ ອາດຈະຊ່ວຍໃຫ້ທ່ານສາມາດລວບລວມຄວາມກ້າໃຫ້ທ່ານໄປບອກເຂົາຕອນນີ້ເລີຍກໍເປັນໄດ້.

4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ - new3 - 4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ
4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ - 092504 2019 - 4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ

     1. ຄວາມຮູ້ສຶກຄືຍົກພູອອກຈາກເອິກ : ລອງລວບລວມຄວາມກ້າຈັກເທື່ອ ແລ້ວເວົ້າຄວາມຮູ້ສຶກອອກໄປເລີຍ ແລ້ວຈະຮູ້ວ່າຄວາມອຶດອັດທີ່ເກັບໄວ້ຕະຫລອດ ເມື່ອໄດ້ຮັບການປົດປ່ອຍອອກໄປແລ້ວ ຈະເຮັດໃຫ້ທ່ານໂລ່ງໃຈຫລາຍເທົ່າໃດ ເມື່ອໄດ້ບອກຄວາມຮູ້ສຶກອອກໄປແລ້ວ ທ່ານຈະໃຈເຕັ້ນຕຶກໆກ່ອນໃນຕອນທຳອິດ ຈາກນັ້ນທ່ານຈະຍິ້ມໜ້າບານ ແລະ ກໍຜ່ອນຄາຍຂຶ້ນທັນທີທີ່ໄດ້ເວົ້າອອກໄປຈັກເທື່ອ ບໍ່ຕ້ອງເຊື່ອງຄວາມຮູ້ສຶກອີກຕໍ່ໄປ.

     2. ຮຽນຮູ້ຄວາມສົມຫວັງ ແລະ ການຜິດຫວັງ : ເມົາແຕ່ກ້າໆຢ້ານໆ ບາງເທື່ອອີຝ່າຍໜຶ່ງອາດລໍຖ້າໃຫ້ທ່ານບອກຢູ່ກໍມີ, ກ້າໆແດ່ ທ່ານອາດຈະສົມຫວັງ ໄດ້ຄົບຫາກັບເຂົາ ຫລື ທ່ານອາດຈະຜິດຫວັງ ເມື່ອອີກຝ່າຍບໍ່ໄດ້ຮູ້ສຶກຫຍັງນຳເລີຍ, ແຕ່ບໍ່ວ່າຜົນມັນຈະອອກມາເປັນແບບໃດ ທ່ານຈະໄດ້ຮຽນຮູ້ປະສົບການຕ່າງໆຈະເຮັດໃຫ້ທ່ານແຂງແກ່ນ ແລະ ຮູ້ວິທີຮັບມືແກ້ໄຂບັນຫາໃນເທື່ອຕໍ່ໄປໄດ້ຢ່າງເຂັ້ມແຂງຂຶ້ນ.

4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ - lattana 1 - 4 ຂໍ້ດີຂອງການເຜີຍຄວາມໃນໃຈກັບຄົນທີ່ທ່ານແອບຮັກ

     3. ທ່ານຈະມີຄວາມກ້າ ແລະ ຢ້ານສິ່ງທີ່ຍັງບໍ່ເກີດຂຶ້ນໜ້ອຍລົງ : ລອງໄດ້ເຮັດສິ່ງທີ່ຢ້ານຈັກເທື່ອໜຶ່ງ ຄວາມຢ້ານມັນຈະຈາງຫາຍໄປກາຍເປັນຄວາມກ້າເຂົ້າມາແທນບ່ອນ ຫາກທ່ານໄດ້ພົບເຫດການຫຍັງໃນລັກສະນະນີ້ອີກ ເຊື່ອໄດ້ເລີຍວ່າຕໍ່ໄປທ່ານຈະມີຄວາມກ້າຫລາຍຂຶ້ນ ຄວາມຢ້ານຈະໜ້ອຍລົງ ແລະ ພ້ອມລຸຍຫລາຍຂຶ້ນນຳ.

     4. ໄດ້ຮູ້ຈັກໂຕເອງຫລາຍຂຶ້ນ : ທ່ານຈະຮູ້ວ່າໂຕເອງມີຄວາມຢ້ານ, ມີຄວາມກ້າ ແລະ ມີອາການເປັນແນວໃດກັບເຫດການໃນຄວາມຮັກເທື່ອນີ້ ແລະ ທ່ານຈະໄດ້ຮຽນຮູ້ທັງໂຕເອງ ແລະ ຜູ້ອື່ນໄປພ້ອມໆກັນ ຖືເປັນບົດຮຽນທີ່ຈະເຮັດໃຫ້ທ່ານມີປະສົບການໃນການໃຊ້ຊີວິດ ແລະ ເຕີບໃຫຍ່ຂຶ້ນ ເປັນຜູ້ໃຫຍ່ທີ່ມີເຫດມີຜົນ ແລະ ເຂົ້າໃຈສັດຈະທຳຂອງຊີວິດຫລາຍຍິ່ງຂຶ້ນຕໍ່ໄປ.

error: Content is protected !!