ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ

ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ - advert banner 728 90 728x90 - ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ

      ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ ກ່າວ​ໃນ​ວັນ​ທີ 25 ​ເມສາ​ນີ້​ວ່າ: ສປປ ​ເກົາຫລີ ຕ້ອງການ​ໃຫ້​ມີ​ການ​ຮັບປະກັນ​ເລື່ອງ​ຄວາມ​ໝັ້ນຄົງ​ປອດ​ໄພ ​ແລະ ການ​ປົດ​ອາວຸດ​ນິວ​ເຄຼຍນັ້ນ ຈະ​ສາມາດ​ບັນລຸ​ຜົນສຳ​ເລັດ​ໄດ້​ຜ່ານ​ທາງ​ກົດໝາຍ​ສາກົນ.

      ປະທານາທິບໍດີ ປູ​ຕິນ ກ່າວ​ພາຍຫລັງ​ການ​ພົບ​ປະ​ເຈລະຈາ​ກັບ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ໃນ​ວັນ​ທີ 25 ​ເມສາ​ວ່າ: ສປປ ​ເກົາຫລີ ຕ້ອງການ​ໃຫ້​ຮັບປະກັນ​ເລື່ອງ​ຄວາມ​ໝັ້ນຄົງ​ປອດ​ໄພ​ຂອງ ສປປ ​ເກົາຫລີ ​ແລະ ປົກ​ປ້ອງ​ອຳນາດ​ອະທິປະ​ໄຕ​ຂອງ​ປະ​ເທດ​ເອົາ​ໄວ້. ຜູ້ນຳຣັດ​ເຊຍ​ກ່າວ​ອີກ​ວ່າ: ນອກຈາກ​ນັ້ນ ມີ​ຄວາມ​ຈຳ​ເປັນ​ຈະ​ຕ້ອງ​ຟື້ນຟູ​ກົດໝາຍ​ສາກົນ ​ເພື່ອ​ໃຫ້​ເປັນ​ກົນ​ໄກ​ໃນ​ການ​ຮັກສາ​ສະຖານະ​ການ​ຂອງ​ໂລກ, ບໍ່​ແມ່ນ​ການ​ໃຊ້​ກົດ​ຂອງ​ຜູ້​ທີ່​ມີ​ຄວາມ​ແຂງ​ແກ່ນ​ກວ່າ. ປະທານາທິບໍດີ ປູ​ຕິນ ກ່າວ​ວ່າ: ທ່ານ​ຈະ​ຫາລື​ກັບ​ລັດຖະບານ​ອາ​ເມ​ລິ​ກາ​ກ່ຽວ​ກັບ​ການ​ເຈລະຈາ ລະຫວ່າງ​ທ່ານ​ກັບ​ຜູ້ນຳ ສປປ ​ເກົາຫລີ. ທ່ານ​ລະບຸ​ວ່າ: ບ່ອນ​ນີ້​ບໍ່​ມີ​ຄວາມ​ລັບ, ບໍ່​ມີ​ການ​ສົມຮູ້​ຮ່ວມ​ຄິດ​ໃດໆ​, ທ່ານ ກິມ ​ເອງ ​ໄດ້​ຂໍ​ໃຫ້ຣັດ​ເຊຍ​ແຈ້ງ​ຕໍ່​ອາ​ເມ​ລິ​ກາ​ໃຫ້​ຮູ້​ກ່ຽວ​ກັບ​ທ່າ​ທີ​ຂອງຣັດ​ເຊຍ ​ແລະ ສປປ ​ເກົາຫລີ ​ໃນ​ການ​ພົບ​ປະ​ເຈລະຈາ​ກັນ​ຄັ້ງນີ້. ປະທານາທິບໍດີ ປູ​ຕິນ ກ່າວ​ອີກ​ວ່າ: ຄວາມ​ສົນ​ໃຈ​ຂອງຣັດ​ເຊຍ​ກົງ​ກັບ​ອາ​ເມ​ລິ​ກາ​ທີ່​ຕ້ອງການ​ໃຫ້​ມີ​ການ​ປົດ​ອາວຸດ​ນິວ​ເຄຼຍຢ່າງ​ສິ້ນ​ເຊີງ, ການ​ຫລຸດ​ໄພ​ຄຸກ​ຄາມ​ທີ່​ກ່ຽວ​ກັບ​ຄວາມ​ຂັດ​ແຍ່ງ​ດ້ານ​ນິວ​ເຄຼຍຖື​ເປັນຄວາມ​ສຳຄັນ​ອັນ​ດັບ​ຕົ້ນໆ​ຂອງຣັດ​ເຊຍ ​ແລະ ອາ​ເມ​ລິ​ກາ.

ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ - 1 1 - ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ
ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ - lattana 1 - ສປປ ເກົາຫລີ ຕ້ອງການໃຫ້ຮັບປະກັນເລື່ອງ ຄວາມໝັ້ນຄົງແລກກັບການປົດອາວຸດນິວເຄຼຍ
error: Content is protected !!