ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ

ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ - advert banner 728 90 728x90 - ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ

      ປະທານ​ປະ​ເທດ ສີ ຈິ້ນຜິ​ງ ກ່າວ​ຕໍ່​ກອງ​ປະຊຸມ​ການ​ຮ່ວມ​ມື​ລະຫວ່າງ​ປະ​ເທດ​ຕາມ​ແຜນ​ຍຸດ​ທະ​ສາດ “ໜຶ່ງ​ແລວ ໜຶ່ງ​ເສັ້ນທາງ” ວ່າ​ຄື​ການ​ຮ່ວມ​ມື​ທາງ​ການ​ຄ້າ​ລະຫວ່າງ​ປະ​ເທດ​ທີ່​ປອດ​ໃສ ​ແລະ ຍືນ​ຍົງ ​ເພື່ອ​ການ​ຮັກສາ​ການ​ພົວພັນ​ລະຫວ່າງຈີນ​ກັບ​ທຸກ​ປະ​ເທດ​ທີ່​ເຂົ້າຮ່ວມ.

ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ - new3 - ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ

       ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານ​ປະ​ເທດ ສີ ຈິ້ນຜິ​ງ ກ່າວ​ເປີດ​ກອງ​ປະຊຸມ “ໜຶ່ງ​ແລວ ໜຶ່ງ​ເສັ້ນທາງ​ເພື່ອ​ການ​ຮ່ວມ​ມື​ສາກົນ” (BRF) ​ແລະ ກອງ​ປະຊຸມ “ຂໍ້​ລິ​ເລີ່​ມໜຶ່ງ​ແລວ​ໜຶ່ງ​ເສັ້ນທາງ” (BRI) ​ເຊິ່ງມີ​ຜູ້ນຳ​ຈາກ 37 ປະ​ເທດ​ເຂົ້າຮ່ວມ ຢູ່​ນະຄອນຫລວງ​ປັກ​ກິ່ງ ​ໃນ​ວັນ​ທີ 26 ​ເມສາ​ນີ້ ມີ​ວາລະ​ສຳຄັນ​ໃນ​ຕອນໜຶ່ງ​ວ່າ: ​ແຜນ​ຍຸດ​ທະ​ສາດ​ໜຶ່ງ​ແລວ​ໜຶ່ງ​ເສັ້ນທາງ ຫລື ​ເສັ້ນທາງ​ສາຍ​ໄໝ​ແຫ່ງ​ສະຕະວັດ​ທີ 21 ບໍ່​ແມ່ນ “ກັບ​ດັກ​ໜີ້” ​ແລະ ບໍ່​ແມ່ນ​ການວາງ​ກົນລະຍຸດ​ດ້ານ​ພູມ​ສາດ​ການ​ເມືອງ​ຂອງ​ລັດຖະບານ​ປັກ​ກິ່ງ ​ເພື່ອ​ປູ​ທາງ​ສູ່​ການ​ເປັນ​ປະ​ເທດ “ອະພິ​ມະຫາ​ອຳນາດ” ​ໂດຍ​ຜູ້ນຳ​ຈີນ​ກ່າວ​ວ່າ: ​ເສັ້ນທາງ​ສາຍ​ໄໝ​ໃໝ່​ບໍ່​ແມ່ນ “ສະ​ໂມ​ສອນ​ພິ​ເສດ” ສະ​ເພາະ​ກຸ່ມ​ປະ​ເທ​ດ​ໃດ​ປະ​ເທດ​ໜຶ່ງ. ພ້ອມ​ເນັ້ນວ່າ: ​ແຜນການ​ນີ້ ຄື​ການ​ຄ້າ​ແບບ​ແລກປ່ຽນ​ເຊິ່ງກັນ ​ແລະ ກັນ “ບໍ່​ແມ່ນ​ການ​ຄ້າຂາຍ​ທາງ​ດຽວ” ​ເພື່ອ “ຄວາມ​ຍຸຕິ​ທຳ ​ແລະ ຮັກສາ​ສົມ​ດຸນ​ທາງ​ການ​ຄ້າ” ລະຫວ່າງ​ປະ​ເທດ​ທີ່​ຮ່ວມ​ມື.

      ​ເຖິງ​ຢ່າງ​ໃດ​ກໍ​ຕາມ, ທ່ານ ສີ ຈິ້ນຜິ​ງ ກ່າວ​ວ່າ: ລັດຖະບານ​ປັກ​ກິ່ງ​ມີ​ຄວາມ​ເຂົ້າ​ໃຈ ​ແລະ ຍອມຮັບ​ຕໍ່​ທຸກ​ສຽງ​ວິຈານ ຕະຫລອດ​ຮອດ​ຄວາມ​ກັງວົນ​ຕໍ່​ບັນຫາ​ເລື່ອງ​ກັບ​ດັກ​ໜີ້ ຈາກ​ການ​ເຂົ້າຮ່ວມ​ໂຄງການ​ດັ່ງກ່າວ​ກັບ​ຈີນ ທີ່​ເກີດ​ຂຶ້ນຈາກ​ແນວ​ຄິດ​ລິ​ເລີ່​ມຂອງ​ທ່ານ​ໃນ​ປີ 2016 ​ເຊິ່ງໜ່ວຍ​ງານ​ທີ່​ກ່ຽວຂ້ອງ​ກຳລັງ​ດຳ​ເນີນ​ການສະ​ເໜີ​ແຜນ​ງານ​ເພື່ອ​ສ້າງ​ຄວາມ​ເຊື່ອ​ໝັ້ນ​ໃຫ້​ທຸກ​ພາກສ່ວນ​ວ່າ: ທຸກ​ການ​ຮ່ວມ​ມື​ຈະ​ມີ​ຄວາມ​ຍືນ​ຍົງ​ ທັງ​ໃນ​ດ້ານ​ເສດຖະກິດ ​ແລະ ການ​ຄ້າ​ຕາມ​ເປົ້າໝາຍ​ທີ່​ກຳນົດ​ໄວ້ ​ໂດຍ​ທ່ານ ຫລິວ ຄຸນ ລັດຖະມົນຕີ​ກະຊວງ​ການ​ເງິນຂອງ​ຈີນ ກ່າວ​ວ່າ: ລັດຖະບານ​ປັກ​ກິ່ງ​ຈະ​ນຳ​ສະ​ເໜີ​ຮ່າງ​ແຜນ​ຍຸດ​ທະ​ສາດ​ປ້ອງ​ກັນ “ຄວາມ​ສ່ຽງ​ເລື່ອງ​ກັບ​ດັກ​ໜີ້” ​ແລະ “​ເພື່ອ​ຄວາມ​ປອດ​ໃສ” ​ເຊິ່ງ​ໄດ້​ຮັບ​ກະ​ແສ​ຕອບ​ຮັບ​ທາງ​ບວກ​ຈາກ​ກອງ​ທຶນ​ການ​ເງິນ​ສາກົນ (IMF).

ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ - lattana 1 - ຜູ້ນຳຈີນຢືນຢັນ ໜຶ່ງແລວໜຶ່ງເສັ້ນທາງ ປອດໃສ ແລະ ຍືນຍົງ

      ທັງ​ນີ້, ບັນດາ​ຜູ້ນຳ​ປະ​ເທ​ດທີ່​ເຂົ້າຮ່ວມ​ກອງ​ປະຊຸມ​ຄັ້ງນີ້ ລວມ​ເຖິງ 10 ປະ​ເທດ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ເຊິ່ງກຳລັງ​ເປັນ “​ເປົ້າໝາຍ​ສຳຄັນ”, ປະທານາທິບໍດີ ປູ​ຕິນ ຜູ້ນຳຣັດ​ເຊຍ, ນາຍົກລັດຖະມົນຕີ ​ເຊ​ບາສຕຽນ ຄົວ ຜູ້ນຳ​​ໂອ​ຕຣິດ, ນາຍົກລັດຖະມົນຕີ ຈູ​ເຊບ​ເປ ກອນ​ເຕ ຜູ້ນຳ​ອີ​ຕາ​ລີ ​ເຊິ່ງ​ເປັນ​ສະມາຊິກ​ກຸ່ມ G7 ປະ​ເທດ​ທຳ​ອິດ​ທີ່​ລົງ​ນາມ​ຮ່ວມ​ເປັນ​ພັນທະ​ມິດ​ໜຶ່ງ​ແລວ​ໜຶ່ງ​ເສັ້ນທາງ ​ແລະ ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການ​ສະຫະ​ປະຊາ​ຊາດ (UN) ​ເຂົ້າຮ່ວມ​ນຳ, ​ແຕ່​ອາ​ເມ​ລິ​ກາ​ບໍ່​ໄດ້​ສົ່ງ​ຜູ້​ແທນ​ເຂົ້າຮ່ວມ​ກອງ​ປະຊຸມ​ໃນ​ປີ​ນີ້.

error: Content is protected !!