ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ

ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ - advert banner 728 90 728x90 - ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ

       ສຳນັກງານ​ບໍລິຫານ​ການບິນ​ແຫ່ງ​ຊາດ​ອາ​ເມ​ລິ​ກາ ຫລື FAA ກຽມ​ເຊີນ​ໜ່ວຍ​ງານ​ທີ່​ຄວບ​ຄຸມ​ການບິນ​ພົນລະ​ເຮືອນ​ຈາກ​ທົ່ວ​ໂລກ ມາ​ປະຊຸມ​ຮ່ວມ​ກັນ​ໃນ​ເດືອນ​ໜ້າ ​ເພື່ອ​ຫາລື​ກ່ຽວ​ກັບ​ເຮືອບິນ​ໂດຍສານ​ໂບອິ້ງ 737 ​ແມັກ ​ເພື່ອ​ພະຍາຍາມ​ຮື້ຟື້ນຄວາມ​ເຊື່ອ​ໝັ້ນ ຫລັງ​ຈາກ​ເກີດ​ອຸປະຕິ​ເຫດ​ຕໍ່​ເຮືອບິນ​ລຸ້ນນີ້ 2 ຄັ້ງ​ໃນ​ເວລາ​ໃກ້ໆ​ກັນ ​ແລະ ມີ​ຜູ້​ເສຍ​ຊີວິດ​ຈຳນວນ​ຫລາຍ.

ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ - new3 - ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ

      ​ໂຄສົກຂອງ FAA ​ເປີດ​ເຜີຍ​ວ່າ: ກອງ​ປະຊຸມ​ກຳນົດ​ຈະ​ຈັດ​ຂຶ້ນຢູ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ທີ 23 ພຶດສະພາ ​ໂດຍ​ກອງ​ປະຊຸມ​ມີ​ເປົ້າໝາຍ​ໃນ​ການ​ແຈ້ງ​ແນວທາງ​ໃຫ້​ໜ່ວຍ​ງານ​ເບິ່ງ​ແຍງ​ກິດຈະການ​ການບິນ​ພົນລະ​ເຮືອນ​ໄດ້​ຮູ້ ກ່ຽວ​ກັບ​ຂະ​ບວນການ​ຂອງ FAA ​ໃນ​ການ​ນຳ​ເຮືອບິນ​ໂບອິ້ງ 737 ​ແມັກ ກັບ​ມາ​ໃຫ້​ບໍລິການ​ອີກ​ເທື່ອ​ໜຶ່ງ, ​ເຮືອບິນ​ໂດຍສານ​ລຸ້ນນີ້​ຖືກ​ສັ່ງ​​ໂຈະ​ການ​​ໃຊ້​ທົ່ວ​ໂລກ​ໃນ​ກາງ​ເດືອນ​ມີນາ ຫລັງ​ຈາກ​ສາຍ​ການບິນ​ເອທິ​ໂອ​ປີ ​ແອ​ລາຍ ​ແລະ ​ໄລ​ອອນ ​ແອ ຕົກ​ໃນ​ເວລາ​ຫ່າງ​ກັນ​ບໍ່​ເທົ່າ​ໃດ​ເດືອນ ​ເຮັດ​ໃຫ້​ມີ​ຜູ້​ເສຍ​ຊີວິດ 346 ຄົນ, ປະ​ເທດ​ທີ່​ໄດ້​ຮັບ​ເຊີນ​ໃຫ້​ເຂົ້າຮ່ວມ​ປະຊຸມ​ນັ້ນ ມີ​ຈີນ, ກາ​ນາ​ດາ, ​ເບຣຊິນ, ​ເອທິ​ໂອ​ປີ, ອິນ​ໂດ​ເນ​ເຊຍ ​ແລະ ປະ​ເທດ​ໃນ​ເອີຣົບ. ​ໂຄສົກ FAA ກ່າວ​ອີກ​ວ່າ: ກອງ​ປະຊຸມ​ຄັ້ງນີ້ ຈະ​ຫາລື​ກ່ຽວ​ກັບ​ກິດຈະກຳ​ຂອງ FAA ​ເພື່ອ​ນຳ​ໄປ​ສູ່​ຄວາມ​ໝັ້ນ​ໃຈ​ທີ່​ຈະ​ນຳ​ເອົາ​ເຮືອບິນ​ໂບອິ້ງ 737 ​ແມັກ ກັບ​ມາ​ໃຊ້​ໄດ້​ຢ່າງ​ປອດ​ໄພ. ນອກຈາກ​ນັ້ນ ຍັງ​ກຽມ​ຜູ້​ຊ່ຽວຊານ​ດ້ານ​ຄວາມ​ປອດ​ໄພ​ໄວ້​ຕອບ​ຄຳ​ຖາມ​ຂອງ​ຜູ້​ເຂົ້າຮ່ວມ​ປະຊຸມ ​ເພື່ອ​ຊ່ວຍ​ໃນ​ການ​ຕັດສິນ​ໃຈ​ເລື່ອງ​ການ​ອະນຸຍາດ​ໃຫ້​ເຮືອບິນ​ລຸ້ນນີ້​ກັບ​ມາ​ໃຫ້​ບໍລິການ​ອີກ​ເທື່ອ​ໜຶ່ງ.

ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ - lattana 1 - ອາເມລິກາເຊີນໜ່ວຍງານຄວບຄຸມການບິນ ທົ່ວໂລກຫາລືເລື່ອງໂບອິ້ງ 737 ແມັກ
error: Content is protected !!