FA ປັບໃໝ ຊາຣີ ພຶດຕິກຳບໍ່ເໝາະສົມ

fa ປັບໃໝ ຊາຣີ ພຶດຕິກຳບໍ່ເໝາະສົມ - advert banner 728 90 728x90 - FA ປັບໃໝ ຊາຣີ ພຶດຕິກຳບໍ່ເໝາະສົມ

      ສະມາຄົມ​ບານ​ເຕະ​ອັງກິດ (FA) ສັ່ງ​ລົງ​ໂທດ​ປັບ​ໃໝ​ເງິນ ​ເມົາຣິຊິ​ໂອ ຊາຣີ ຜູ້​ຈັດການ​ທີ​ມ ​ເຊ​ລຊີ  ທີ​ມດັງ​ໃນ ພຣີ​ເມຍ​ລີກ ​ຈຳນວນ 8.000 ປອນ ຂໍ້​ຫາ​ມີ​ພຶດຕິ​ກຳ​ບໍ່​ເໝາະ​ສົມ ຫລັງ​ຜູ້​ຈັດການ​ທີ​ມຊາວ​ອີ​ຕາ​ລີ ຖືກ​ຜູ້​ຕັດສິນ​ໄລ່​ຂຶ້ນບ່ອນ​ນັ່ງ ລະຫວ່າງ​ເກ​ມທີ່ ​ເຊ​ລຊີ ​ເປີດ​ບ້ານ​ສະ​ເໝີ ​ເບິນ​ລີ 2-2 ​ໃນ​ວັນ​ທີ 22 ​ເມສາ​ຜ່ານ​ມາ ຈາກ​ກໍລະນີ​ທີ່​ລາວ​ເຂົ້າ​ໄປ​ຫ້າມ ມາ​ເຕ​ໂອ ​ໂຄ​ວາ​ຊິດ ຫ້ອງ​ເຄື່ອງ​ຂອງ​ທີ​ມທີ່​ຈະ​ເຂົ້າ​ໄປ​ເອົາ​ເລື່ອງ​ນັກ​​ເຕະ​ທີ​ມຢາມ​​ໃນ​ບ່ອນ​ນັ່ງ​ສຳຮອງ ​ໃນ​ຊ່ວງ​ທົດ​ເວລາ​ບາດ​ເຈັບ​ຂອງ​ເກ​ມດັ່ງກ່າວ.

fa ປັບໃໝ ຊາຣີ ພຶດຕິກຳບໍ່ເໝາະສົມ - new3 - FA ປັບໃໝ ຊາຣີ ພຶດຕິກຳບໍ່ເໝາະສົມ

      ​ເກ​ມດັ່ງກ່າວ​ທັງ​ສອງ​ຫລິ້ນຂ້ອນ​ຂ້າງ​ດຸ​ເດືອດ ​ໂດຍ​ກ່ອນ​ໜ້າ​ເຫດການ​ໃນ​ຊ່ວງ​ທົດ​ເວລາ​ບາດ​ເຈັບ​ນັ້ນ ຊາຣີ ມີ​ການ​ຕົບມື​ປະ​ຊົດ​ໄປ​ຍັງ​ບ່ອນ​ນັ່ງ​ສຳຮອງ​ທີ​ມຢາມ ​ເນື່ອງ​ຈາກ​ເຊື່ອ​ວ່າ​ຕັ້ງ​ໃຈ​ໃຊ້​ເຕັກນິກ​ຖ່ວງ​ເວລາ. ຂະນະ​ທີ່ ຫລັງ​ຈົບ​ເກ​ມ ຜູ້​ຈັດການ​ທີ​ມຍັງ​ບໍ່​ຍອມ​ເຂົ້າຫ້ອງ​ຖະ​ແຫລ​ງຂ່າວ ​ໂດຍ​ສົ່ງ ຈານ​ຟຣັງ​ໂກ ​ໂຊ​ລາ ​ເຊິ່ງ​ເປັນ​ມື​ຂວາ​ມາ​ຖະ​ແຫລ​ງ​ແທນ​ນຳອີກ ສົ່ງ​ຜົນ​ໃຫ້​ຜູ້​ຈັດການ​ທີ​ມ ​ເຊ​ລຊີ ​ຖືກ FA ສັ່ງ​ລົງ​ໂທດ​ປັບ​ໃໝ​ເງິນ ​ໂດຍ​ອົງການ​ບານ​ເຕະ​ອັງກິດ ລະບຸ​ຜ່ານ​ຖະ​ແຫລ​ງການ​ວ່າ: ​ເມົາຣິຊິ​ໂອ ຊາຣີ ຖືກ​ລົງ​ໂທດ​ປັບ​ໃໝ 8.000 ປອນ ຫລັງ​ຍອມຮັບ​ຂໍ້​ກ່າວ​ຫາ​ມີ​ພຶດຕິ​ກຳ​ບໍ່​ເໝາະ​ສົມ​ຂອງ FA ​ແລະ ຍອມຮັບ​ໃນ​ບົດ​ລົງ​ໂທດ​ຕາມ​ກົດ.

fa ປັບໃໝ ຊາຣີ ພຶດຕິກຳບໍ່ເໝາະສົມ - lattana 1 - FA ປັບໃໝ ຊາຣີ ພຶດຕິກຳບໍ່ເໝາະສົມ
error: Content is protected !!