ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ

- 04 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
- AGL banner - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ

ທ່ານຮອງປະທານສູນກາງສະຫະພັນກໍາມະບານລາວ ສີມູນ ອຸ່ນລາສີ ໃຫ້ຮູ້ວ່າ: ເພື່ອຕ້ອນຮັບວັນກຳມະກອນສາກົນ 1 ພຶດສະພາຄົບຮອບ 133 ປີ (1 ພຶດສະພາ 1886-1 ພຶດສະພາ 2019) ທີ່ໄດ້ໝູນວຽນມາອີກວາລະໜຶ່ງນີ້, ສູນກາງສະຫະພັນກຳມະບານຈະຈັດຫລາຍກິດຈະກໍາເພື່ອຕ້ອນຮັບ ແລະ ສະເຫລີມສະຫລອງຄື: ໄດ້ແຈ້ງການໃຫ້ຄະນະບໍລິຫານງານສູນກາງສະຫະພັນກຳມະບານທຸກຂັ້ນຢູ່ບັນດາກະຊວງ, ແຂວງ ແລະ ນະຄອນຫລວງວຽງຈັນຈັດຕັ້ງເຜີຍແຜ່ປາຖະກະຖາມູນເຊື້ອວັນກຳມະກອນສາກົນ ໃຫ້ແກ່ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານລາວໄດ້ຮັບຮູ້ເລິກເຊິ່ງຕື່ມກ່ຽວກັບປະຫວັດຄວາມເປັນມາຂອງວັນດັ່ງກ່າວ ແລະ ທ້ອງຖິ່ນໃດມີເງື່ອນໄຂກໍໃຫ້ຈັດຕັ້ງຂະບວນການຕ່າງໆເຊັ່ນ: ຍ່າງເພື່ອສຸຂະພາບ, ແຂ່ງຂັນກິລາມວນຊົນ, ອະນາໄມຕາມສຳນັກງານອົງການ, ຈັດກິດຈະກຳຖາມຕອບກ່ຽວກັບມູນເຊື້ອຊົນຊັ້ນກຳມະກອນສາກົນ ແລະ ມູນເຊື້ອຂອງຊົນຊັ້ນກຳມະກອນລາວ, ຈັດການສະແດງສິລະປະ ແລະ ກິດຈະກໍາອື່ນໆທີ່ມີກ່ຽວພັນໃນການປົກປ້ອງສິດ ແລະ ຜົນປະໂຫຍດອັນຊອບທຳຂອງຊາວຜູ້ອອກແຮງງານລາວ ແລະ ສະເພາະຢູ່ນະຄອນຫລວງວຽງຈັນ ໃນວັນທີ 1 ພຶດສະພາ ຈະຈັດຂະບວນຍ່າງເພື່ອສຸຂະພາບ ແຕ່ປະຕູໄຊຫາຫໍຄຳແລ້ວກັບຄືນປະຕູໄຊ, ຊຶ່ງຈະເລີ່ມແຕ່ເວລາ 5:30 ໂມງ ເປັນຕົ້ນໄປ, ພ້ອມທັງມີການສະແດງສີລະປະວັນນະຄະດີ ແລະ ແຂ່ງຂັນກິລາມວນຊົນ ເພື່ອສ້າງຂະບວນການຕ້ອນຮັບວັນດັ່ງກ່າວໃຫ້ມີບັນຍາກາດຟົດຟື້ນມ່ວນຊື່ນ.

- Wave100S AD to Website 2020 0 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
- WhatsApp Image 2020 05 27 at 5 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
- WhatsApp Image 2020 05 27 at 5 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
- WhatsApp Image 2020 05 27 at 5 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
- WhatsApp Image 2020 05 27 at 5 - ຈະຈັດຫລາຍກິດຈະກຳຕ້ອນຮັບວັນກຳມະກອນສາກົນ 1 ພຶດສະພາ
error: Alert: Content is protected !!