ລາວ​ເລັ່ງສ້າງ​ເງື່ອນ​ໄຂ​ສະດວກ​ໃຫ້​ແກ່​ນັກ​ທ່ອງ​ທ່ຽວ

- advert banner 728 90 728x90 - ລາວ​ເລັ່ງສ້າງ​ເງື່ອນ​ໄຂ​ສະດວກ​ໃຫ້​ແກ່​ນັກ​ທ່ອງ​ທ່ຽວ

ໃນປີ 2018 ຜ່ານມາ, ຈໍານວນນັກທ່ອງທ່ຽວທີ່ເດີນທາງເຂົ້າມາທ່ອງທ່ຽວປະ ເທດລາວເຮົາມີຫລາຍກວ່າ    4 ລ້ານຄົນ ແລະ ມາຮອດປີ 2019 ນີ້ ເຊິ່ງເປັນປີທ່ອງທ່ຽວ ລາວ-ຈີນ, ສປປ ລາວ ໄດ້  ເລັ່ງສ້າງເງື່ອນໄຂສະດວກ ຕ່າງໆ ເພື່ອດຶງດູດນັກທ່ອງ ທ່ຽວຈີນໃຫ້ເຂົ້າມາຢ້ຽມ ຢາມປະເທດເຮົາ ບໍ່ໃຫ້ຫລຸດ  1 ລ້ານຄົນຕາມຄາດໝາຍ ວາງໄວ້.

- new3 - ລາວ​ເລັ່ງສ້າງ​ເງື່ອນ​ໄຂ​ສະດວກ​ໃຫ້​ແກ່​ນັກ​ທ່ອງ​ທ່ຽວ

ທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ໃຫ້ສໍາພາດ ວ່າ: ພາຍຫລັງເປີດ ປີທ່ອງ ທ່ຽວ ລາວ-ຈີນ 2019 ຢ່າງ ເປັນທາງການ ໃນເດືອນກຸມ ພາຜ່ານມາ ທີ່ນະຄອນຫລວງ ວຽງຈັນ, ມາຮອດປັດຈຸບັນ ທັງສອງຝ່າຍໄດ້ພ້ອມກັນ ຈັດກິດຈະກໍາຕ່າງໆຮ່ວມກັນ ເປັນຕົ້ນພິທີຕ້ອນຮັບນັກທ່ອງທ່ຽວຈີນເທື່ອທໍາອິດ ທີ່ເດີນທາງມາທ່ອງທ່ຽວ ລາວ ຈໍານວນ 1.000 ຄົນ ເມື່ອຕົ້ນເດືອນເມສາຜ່ານມາ, ງານວາງສະແດງຮູບ ແຕ້ມຢູ່ຫໍວັດທະນະທໍາແຫ່ງ ຊາດ ແລະ ຫໍພິພິທະພັນ ແຫ່ງຊາດ ທີ່ຈັດຂຶ້ນໃນຕົ້ນເດືອນເມສານີ້ເຊັ່ນກັນ ຢ່າງ ເປັນຂະບວນຟົດຟື້ນ. ນອກ ຈາກນີ້, ໃນວັນທີ 25 ເມສາ, ພະນະທ່ານ ບຸນຍັງ ວໍລະຈິດ ປະທານປະເທດ ສປປ ລາວ ພ້ອມດ້ວຍຄະນະ ກໍໄດ້ເດີນ ທາງໄປ ສປ ຈີນ ເພື່ອຢ້ຽມ ຢາມລັດຖະກິດ ແລະ ເຂົ້າຮ່ວມກອງປະຊຸມເວທີປຶກ ສາຫາລືການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 2 ທີ່ ສປ ຈີນ ແຕ່ວັນທີ 25 ເມສາ ຫາວັນທີ 1 ພຶດສະພາ 2019. ໃນໂອກາດ ດຽວກັນນີ້, ກໍໄດ້ນໍາເອົາການ ສະແດງສິລະປະວັນນະຄະດີ ແລະຜະລິດຕະພັນຫັດຖະ ກຳຂອງລາວເຮົາຈໍານວນ ໜຶ່ງໄປວາງສະແດງຢູ່ປະເທດ ຈີນເພື່ອສ້າງສີສັນໃນໂອກາດເປີດປີທ່ອງທ່ຽວ ລາວ- ຈີນ ປີນີ້ໃຫ້ມີບັນຍາ ກາດຟົດຟື້ນ.

ທ່ານຮອງລັດຖະມົນຕີ ຖວທ ໃຫ້ຮູ້ຕື່ມວ່າ: ທັງສອງ ຝ່າຍ ລາວ-ຈີນ ຈະພ້ອມກັນ ສືບຕໍ່ຈັດກິດຈະກໍາ ຮ່ວມກັນຢູ່ ສອງປະເທດ ໂດຍສະເພາະ ຢູ່ປະເທດລາວ ກໍຈະມີການ ຈັດ ສັບປະດາວັດທະນະທໍາ ລາວ-ຈີນ ເພື່ອສະເຫລີມສະ ຫລອງວັນສ້າງຕັ້ງສາຍພົວ ພັນ ລາວ-ຈີນ ຄົບຮອບ 58 ປີ ຢູ່ນະຄອນຫລວງວຽງຈັນໃນ ຕົ້ນເດືອນພຶດສະພາໜ້ານີ້, ພ້ອມຈະມີການຈັດກອງປະ ຊຸມສໍາມະນາວິຊາການດ້ານ ການທ່ອງທ່ຽວ ຢູ່ນະຄອນຈໍາ ປາສັກ ໃນລະຫວ່າງເດືອນ ມິຖຸນາຫາເດືອນກໍລະກົດ ໜ້ານີ້ ແລະ ຈັດເທສະການ ໄຫວ້ພະຈັນໃນເດືອນກັນຍາ ຢູ່ນະຄອນຫລວງພະບາງ ລວມທັງກິດຈະກໍາອື່ນໆ ທີ່ ສອງຝ່າຍຈະຈັດຮ່ວມກັນ ຢູ່ ປະເທດຈີນຕື່ມອີກເຊັ່ນ: ການສະແດງສິລະປະແລກ ປ່ຽນວັດທະນະທໍາ ຢູ່ນະຄອນ ສາງຊາ ແຂວງຫູໜານ, ການຈັດສັບປະດາວັດທະນະທໍາ ຈີນ-ລາວ ຢູ່ນະຄອນເສິງຕູ ແຂວງເສສວນ ແລະ ການ ປິດກິດຈະກໍາຢູ່ນະຄອນຫລວງປັກກິ່ງ. ປັດຈຸບັນ, ລັດ ຖະບານເຮົາແມ່ນມີນະໂຍ ບາຍສົ່ງເສີມການລົງທຶນ ດ້ານການທ່ອງທ່ຽວ ເພື່ອອໍານວຍຄວາມສະດວກໃຫ້ນັກ ທ່ອງທ່ຽວ ແລະ ເພື່ອເຮັດໃຫ້ຈໍານວນນັກທ່ອງທ່ຽວ ທີ່ເຂົ້າມາທ່ອງທ່ຽວລາວນັບມື້ນັບເພີ່ມຂຶ້ນ ແລະ ໄດ້ຮັບຄວາມສະດວກສະບາຍ; ຈຳນວນໂຮງແຮມໄດ້ເພີ່ມຂຶ້ນ ຈາກ 388 ແຫ່ງໃນປີ 2010 ມາເປັນ 600 ກວ່າແຫ່ງໃນປີ 2018; ເຮືອນພັກກໍ ມີຈຳນວນເພີ່ມຂຶ້ນຈາກ 1.482 ແຫ່ງ ໃນປີ 2010 ມາເປັນ 3.000 ກວ່າແຫ່ງ ໃນປີ 2018.

- lattana 1 - ລາວ​ເລັ່ງສ້າງ​ເງື່ອນ​ໄຂ​ສະດວກ​ໃຫ້​ແກ່​ນັກ​ທ່ອງ​ທ່ຽວ

- 37 - ລາວ​ເລັ່ງສ້າງ​ເງື່ອນ​ໄຂ​ສະດວກ​ໃຫ້​ແກ່​ນັກ​ທ່ອງ​ທ່ຽວ
(ພາບປະກອບ)
error: Content is protected !!