10 ຄຸນປະໂຫຍດດີໆຈາກອາຫານລົດຊາດເຜັດ

- advert banner 728 90 728x90 - 10 ຄຸນປະໂຫຍດດີໆຈາກອາຫານລົດຊາດເຜັດ

   1. ເຄື່ອງປຸງລົດຊາດເຜັດຊ່ວຍຂັດຂວາງການອັກເສບ : ນັກວິທະຍາສາດເຊື່ອວ່າການອັກເສບອາດເປັນສາເຫດຂອງພະຍາດຊຳ້ເຮື້ອຕ່າງໆໃນເຄື່ອງປຸງ ຫລື ເຄື່ອງອົບທີ່ມີຄວາມເຜັດຈາກສ່ວນປະສົມຂອງຂີ້ໝິ້ນ, ພິກໄທ, ຂີງ, ຂ່າ ມີສານປະກອບເຄີຄູມິນ ມີສັບພະຄຸນທີ່ຊ່ວຍຫລຸດການອັກເສບໃນຮ່າງກາຍຂອງທ່ານໄດ້.

- lattana 1 - 10 ຄຸນປະໂຫຍດດີໆຈາກອາຫານລົດຊາດເຜັດ
- 032604 2019 - 10 ຄຸນປະໂຫຍດດີໆຈາກອາຫານລົດຊາດເຜັດ

     2. ຊ່ວຍຫລຸດນຳ້ໜັກ : ການສຶກສາຕ່າງໆສະແດງໃຫ້ເຫັນວ່າເຄື່ອງປຸງ ຫລື ເຄື່ອງອົບບາງຊະນິດສາມາດເພີ່ມອັດຕາການເຜົາຜານພະລັງງານໄດ້, ສາມາດລະງັບຄວາມຫິວ ແລະ ຄວບຄຸມຄວາມຢາກອາຫານຂອງທ່ານ ເຊັ່ນ : ໝາກເຜັດ, ຂີ້ໝິ້ນ, ຂີງ, ຂ່າ, ພິກໄທ, ເຄື່ອງອົບ. ນັກວິທະຍາສາດຍັງພົບຕື່ມວ່າ ຂີ້ໝິ້ນສາມາດຂັດຂວາງການຈະເລີນເຕີບໃຫຍ່ຂອງເນື້ອເຍື່ອໄຂມັນໄດ້.

     3. ດີຕໍ່ຫົວໃຈ : ນອກຈາກຈະຊ່ວຍເລື່ອງການອັກເສບແລ້ວ ຍັງຫລຸດຄວາມສ່ຽງຂອງພະຍາດຫົວໃຈ ຫລື ພະຍາດຫລອດເລືອດສະໝອງ, ສາມາດລະລາຍເກັດເລືອດກ້າມໄດ້. ນັກວິໄຈໄດ້ຄົ້ນພົບວ່າ ໝາກເຜັດ ສາມາດຊ່ວຍກຳຈັດຄໍເລສເຕີໂຣນໃນຮ່າງກາຍຂອງທ່ານໄດ້ນຳ.

     4. ອາຫານລົດຊາດເຜັດສາມາດຊ່ວຍຕໍ່ສູ້ກັບພະຍາດມະເຮັງ : ໃນໝາກເຜັດມີສານແຄບໄຊຊິນທີ່ສາມາດຂັດຂວາງການຈະເລີນເຕີບໃຫຍ່ຂອງແຊນມະເຮັງໄດ້.

     5. ເຄື່ອງອົບນັ້ນດີຕໍ່ການຍ່ອຍ : ອາຫານທີ່ມີລົດຊາດເຜັດທີ່ມີສ່ວນປະສົມຂອງເຄື່ອງອົບຈຳພວກຂີ້ໝິ້ນນັ້ນຊ່ວຍໃຫ້ການຍ່ອຍອາຫານເຮັດວຽກດີຂຶ້ນ ເພາະໃນຂີ້ໝິ້ນຂຶ້ນຍັງສາມາດປິ່ນປົວອາການລຳໄສ້ ແລະ ຄວາມຮູ້ສຶກບໍ່ສະບາຍທ້ອງໄດ້.

     6. ຫລຸດອາການໄຂ້ຫວັດໄດ້ : ໄຂ້ຫວັດໃຫຍ່ບໍ່ໄດ້ເປັນອັນຕະລາຍຫລາຍກໍແມ່ນ, ແຕ່ມັນສາມາດເຮັດໃຫ້ທ່ານເສຍເວລາໝົດອາທິດໄປໄດ້ ຍ້ອນຈະເຮັດໃຫ້ທ່ານບໍ່ສາມາດເຮັດວຽກ ຫລື ນອນຫລັບໄດ້ຢ່າງປົກກະຕິ. ໃນອາຫານລົດຊາດເຜັດທີ່ມີສ່ວນປະກອບຂອງໝາກເຜັດ ເຊິ່ງມີສານແຄບໄຊຊິນ ສາມາດຊ່ວຍໃຫ້ທາງເດີນຫາຍໃຈເຮັດວຽກໄດ້ດີຂຶ້ນ.

     7. ກິນເຜັດຊ່ວຍໃຫ້ອາຍຸຍືນຂຶ້ນ: ຈາກການວິໄຈຂອງມະຫາວິທະຍາໄລຮາເວີດ ແລະ ສະຖາບັນວິທະຍາສາດການແພດຂອງຈີນ ທົດລອງຈາກອາສາສະໝັກຜູ້ເຂົ້າຮ່ວມ 5 ແສນຄົນ ພົບວ່າ : ຄົນທີ່ກິນອາຫານລົດຊາດເຜັດໄດ້ຈະມີອາຍຸຍືນກ່ວາຄົນທີ່ບໍ່ກິນເຜັດເລີຍ.

- 1 1 - 10 ຄຸນປະໂຫຍດດີໆຈາກອາຫານລົດຊາດເຜັດ

     8. ດີຕໍ່ສະໝອງ : ຂີ້ໝິ້ນຂຶ້ນໃນເຄື່ອງອົບ-ເຄື່ອງປຸງຂອງອາຫານລົດຊາດເຜັດນັ້ນ ບໍ່ພຽງສາມາດປ້ອງກັນພະຍາດອັລໄຊເມີ ແລະ ພາຄິນສັນ, ແຕ່ຍັງຊ່ວຍໃຫ້ອາລົມດີຂຶ້ນນຳອີກ. ສານປະກອບໃນຂີ້ໝິ້ນຍັງສາມາດຊ່ວຍຫລຸດຄວາມເຄັ່ງຄຽດ ແລະ ປັບປຸງການເຮັດວຽກຂອງໜ່ວຍຄວາມຈື່ຈຳໃນສະໝອງ.

     9. ຊ່ວຍຫລຸດອາການປວດໄດ້: ອາຫານເຜັດບາງຊະນິດສາມາດປ່ອຍເຊໂຣໂທນີນໃນຮ່າງກາຍ ເຊິ່ງຊ່ວຍຫລຸດຄວາມເຈັບປວດ ແລະ ເຮັດໃຫ້ຮູ້ສຶກດີ ແລະ ແຄບໄຊຊິນໃນໝາກເຜັດຍັງຊ່ວຍຫລຸດການອັກເສບໃນຮ່າງກາຍ. ນອກຈາກນີ້, ການແພດອິນເດຍບູຮານຍັງໃຊ້ຂີ້ໝິ້ນເປັນຢາປິ່ນປົວບາດແຜນຳອີກ.

     10. ອາຫານເຜັດປ້ອງກັນພະຍາດເບົາຫວານ : ເພາະໝາກເຜັດສາມາດຫລຸດຄວາມຕ້ອງການອິນຊູລິນໃນຮ່າງກາຍຂອງເຮົາໄດ້.