- advert banner 728 90 728x90 - ປ້າຍ!

ໂດຍ: ທ່ຽງ​ທຳ

- lattana 1 - ປ້າຍ!

ສະບາຍດີເພື່ອນຜູ້ອ່ານທີ່ຮັກແພງທັງຫລາຍ, ດົນແລ້ວ ທີ່ວົງການສື່ພວກເຮົາບໍ່ໄດ້ເວົ້າກັນຫຍັງຫລາຍກ່ຽວກັບ ເລື່ອງປ້າຍເພາະເວົ້າມາກໍບໍ່ມີຫຍັງປ່ຽນແປງໄປດີກວ່າ ນີ້ຖ້າເວົ້າເລື່ອງລະບຽບຂອງມັນ, ເບິ່ງຢ່າງໜຶ່ງກໍຄືວ່າເບື້ອງມະຫາພາກຜູ້ຄຸ້ມຄອງດ້ານ ນີ້ກໍບໍ່ໄດ້ເອົາໃຈໃສ່ຢ່າງຈິງໃຈ ພໍເທົ່າໃດ, ຖ້າເບິ່ງພຽງລະບຽບລະບຸວ່າ: ທຸກໆປ້າຍຕ້ອງຂຽນຕົວໜັງສືອັກສອນລາວ ຂຶ້ນກ່ອນແຕ່ແລ້ວກໍເກືອບເປັນໂມຄະ.

ປັດຈຸບັນນີ້ຫລາຍປ້າຍ ຂອງຫາງຮ້ານ, ບໍລິສັດ ຫລື ຫົວໜ່ວຍທຸລະກິດຕ່າງໆ ຕະຫລອດຮອດປ້າຍໂຄສະ ນາສິນຄ້າ ແລະ ການບໍລິການ ອື່ນໆ ກໍເກືອບຈະບໍ່ມີຕົວອັກ ສອນລາວເລີຍ,   ພົ້ນເດັ່ນກວ່າ ໝູ່ແມ່ນເຂດ ສອງຝາກທາງ ຂອງທະໜົນເຕ2 (T2) ແລະ ບັນດາຈຸດ ສູນການຄ້າຕ່າງໆ ໃນນະຄອນຫລວງວຽງຈັນ, ຖ້າເຮົາ ອອກໄປຍາມກາງຄືນ ຫລາຍຄົນກໍຈະຫລົງວ່າ ນີ້ບໍ່ ແມ່ນ ເມືອງລາວອີກແລ້ວ, ເພາະຕົວໜັງສືສີແດງ, ສີ ເຫລືອງທີ່ບົງບອກຂອງປ້າຍ ຕ່າງໆ ເຫລົ່ານັ້ນມັນບໍ່ມີຕົວໜັງສືລາວເລີຍ; ທຸກບ່ອນ ເຫລື່ອມຍິບໆຍັບໆ ນັ້ນກໍລ້ວນ ແລ້ວແຕ່ແມ່ນຕົວໜັງສື ຂອງຕ່າງຊາດເທົ່ານັ້ນ, ເບິ່ງແລ້ວກໍ ເປັນຕາລະອາຍ ຊາດອື່ນເຂົາ…

ເວົ້າມາຮອດນີ້, ກໍຢາກ ເນັ້ນຕື່ມຕໍ່ພາກສ່ວນເຮັດ ວຽກບໍລິຫານຄຸ້ມຄອງປ້າຍ ຢູ່ປະເທດເຮົາເບິ່ງຄືວ່າ ບໍ່ມີ ຄວາມເຂັ້ມງວດໃນການ ກວດກາແຕ່ຢ່າງໃດເພາະ ຕ່າງຝ່າຍຕ່າງມີຜົນ, ເມື່ອອະນຸຍາດປ້າຍໃດໜຶ່ງໄປກໍຈະຕ້ອງມີລາຍຮັບຢ່າງສົມເຫດ ສົມຜົນຂອງມັນ.

ມີເພື່ອນຜູ້ໜຶ່ງເຂົາເວົ້າ  ແບບຕະລົກອອກມາວ່າ: ການຄຸ້ມຄອງປ້າຍຈະມີປະ ສິດທິພາບແນວໃດ ໃນເມື່ອ ຜູ້ເຮັດວຽກມະຫາພາກນັ້ນ “ເປັນທັງຜູ້ຫລິ້ນ ແລະ ທັງ ເປັນກຳມະການເປົ່າຫວີດ”, ເອົາລະເວົ້າ  ມາກໍຍັງມີຫລາຍ ອັນທີ່ຍັງຄົງຄ້າງ ແລະ ບໍ່ທັນ ເຮັດໄດ້ຢ່າງ  ຈິ່ງຈັງໃນເລື່ອງ ນີ້, ແຕ່ໃນອະນາຄົດກໍຫວັງ ວ່າຈະມີການປ່ຽນແປງທີ່ດີ ຂຶ້ນ, ເພາະສິ່ງນີ້ມັນກໍມີສ່ວນ ພົວພັນຫລາຍກັບວັດທະນະ ທຳ ແລະ ຄວາມເປັນອິດສະລະພາບຂອງຊາດບ້ານເມືອງເຮົາ…/.

- 1 1 - ປ້າຍ!
- 3567 - ປ້າຍ!
(ພາບປະກອບ)