ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້

- advert banner 728 90 728x90 - ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້

   ການດື່ມນົມນັ້ນມີປະໂຫຍດຕໍ່ຮ່າງກາຍ, ແຕ່ທ່ານອາດຍັງບໍ່ຮູ້ວ່າ ຄວາມຈິງແລ້ວການດື່ມນົມນັ້ນຖ້າເລືອກປະເພດຂອງນົມທີ່ກ່ຽວຂ້ອງກັບລະບົບຮ່າງກາຍໃນຊ່ວງເວລາຕ່າງໆ ຈະຍິ່ງເຮັດໃຫ້ຮ່າງກາຍໄດ້ຮັບປະໂຫຍດຈາກການດື່ມນົມໄດ້ຢ່າງມີປະສິດທິພາບ.

- lattana 1 - ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້
- 022904 2019 - ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້

    – ເວລາ 5:00  ຫາ 07:00 ໂມງກະຕຸ້ນລຳໄສ້ໃຫຍ່ : ຊ່ວງເຊົ້າເວລານີ້ຄວນດື່ມນົມສົ້ມທີ່ມີຈຸລິນຊີ ເພາະເປັນຊ່ວງການເຮັດວຽກຂອງລຳໄສ້ໃຫຍ່ ເຊິ່ງຈຸລິນຊີຈະເຮັດໃຫ້ການເຮັດວຽກຂອງລຳໄສ້ໃຫຍ່ນັ້ນມີປະສິດທິພາບຫລາຍຍິ່ງຂຶ້ນ ສົ່ງຜົນໃຫ້ລະບົບຂັບຖ່າຍມີການເຮັດວຽກຢ່າງເຕັມປະສິດທິພາບ ຫາກເຮັດເປັນປະຈຳຈະຖ່າຍໄດ້ທຸກເຊົ້າ. ນອກຈາກຈະເຮັດໃຫ້ຮູ້ສຶກສະບາຍ ທ້ອງ, ສະບາຍອາລົມແລ້ວ ຍັງເຮັດໃຫ້ຜິວພັນສົດໃສນຳອີກ.

     – ເວລາ 7:00 ຫາ 09:00 ໂມງ ກະຕຸ້ນການເຮັດວຽກຂອງກະເພາະອາຫານ :  ຊ່ວງເວລາເຂົ້າເຊົ້າຄາບສຳຄັນກ່ອນຈະໄປເລີ່ມດຳລົງຊີວິດໃນແຕ່ລະມື້ ນອກຈາກກິນເຂົ້າເຊົ້າໃຫ້ເຕັມທີ່ແລ້ວ ການດື່ມນົມພາສເຈີໄຣ ຫລື ນົມປະສົມມອລໃນຊ່ວງເວລານີ້ຈະຊ່ວຍເຮັດໃຫ້ກະຕຸ້ນການເຮັດວຽກຂອງກະເພາະອາຫານໄດ້ດີຂຶ້ນ ສົ່ງຜົນໃຫ້ຮູ້ສຶກສົດຊື່ນໄປໝົດມື້.

     – ເວລາ 09:00 ຫາ12:00 ໂມງ ກະຕຸ້ນການເຮັດວຽກຂອງສະໝອງ : ເປັນຊ່ວງເວລາທີ່ທຸກຄົນຕ້ອງໃຊ້ສະໝອງ ອາດຈະຮຽນ ຫລື ເຮັດວຽກ ການດື່ມນົມປະສົມໂຢເກິດ ຫລື ຈະກິນໂຢເກິດໄຂມັນຕໍ່າ ຈະສາມາດໄປຊ່ວຍກະຕຸ້ນການເຮັດວຽກຂອງສະໝອງໃຫ້ມີປະສິດທິພາບຫລາຍຍິ່ງຂຶ້ນ ໃຫ້ຄວາມຮູ້ສຶກປອດໂປ່ງ, ຄວາມຄິດວ່ອງໄວ, ມີຄວາມຈື່ຈຳທີ່ດີ, ຄິດຕັດສິນໃຈໄດ້ຄ່ອງແຄ້ວຂຶ້ນ.

     – ເວລາ 12:00 ຫາ 15:00 ໂມງ ກະຕຸ້ນການເຮັດວຽກຂອງລຳໄສ້ນ້ອຍ : ເຂົ້າສວາຍຄວນດື່ມນົມສົ້ມສູດໄຂມັນ 0% ເພາະຈະຊ່ວຍໃຫ້ຍ່ອຍ ແລະ ດູດຊຶມສານອາຫານເຂົ້າສູ່ຮ່າງກາຍໄດ້ດີທີ່ສຸດ ແລະ ເພື່ອໃຫ້ລຳໄສ້ນ້ອຍໄດ້ມີເວລາຍ່ອຍດູດຊຶມໄດ້ດີສຸດຄວນກິນອາຫານບໍ່ເກີນ  ເວລາ 13:00 ໂມງ.

     – ເວລາ 15:00 ຫາ 17:00 ໂມງ ເພີ່ມປະສິດທິພາບການເຮັດວຽກຂອງພົກຍ່ຽວ : ຊ່ວງເວລານີ້ ຫາກຮຽນ ຫລື ນັ່ງເຮັດວຽກຢູ່ ຄວນຫາຊ່ວງພັກເບຣກມາດື່ມນົມສົ້ມລົດຊາດໝາກໄມ້ ຈະຊ່ວຍໃຫ້ລະບົບການເຮັດວຽກຂອງພົກຍ່ຽວຂັບຖ່າຍຂອງເສຍເຮັດວຽກໄດ້ຢ່າງມີປະສິດທິພາບຫລາຍຂຶ້ນ.

- 1 1 - ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້
- Tiger Head 728x90 - ດື່ມນົມໃຫ້ຖືກຕ້ອງຕາມເວລາ ຊ່ວຍໃຫ້ສຸຂະພາບແຂງແຮງຂຶ້ນໄດ້

     – ເວລາ 17:00 ຫາ  21:00 ໂມງ ກະຕຸ້ນລະບົບຫົວໃຈ : ໃນຊ່ວງເວລານີ້ຫາກດື່ມນົມທີ່ມີສ່ວນປະສົມຂອງວິຕາມິນເຊ ແລະ ເອີຫລາຍ (ແທນເຂົ້າແລງ) ນອກຈາກຈະໄດ້ຮັບປະໂຫຍດແທ້ໆແລ້ວ ຫາກໄດ້ອອກກຳລັງກາຍນຳຈະຍິ່ງດີຫລາຍ ຈະຊ່ວຍໃຫ້ຮ່າງກາຍປັບຄວາມດຸ່ນດ່ຽງກະຕຸ້ນການໄຫລວຽນຂອງເລືອດ ແລະ ຫົວໃຈໄດ້.

     – ເວລາ 21:00 ຫາ 23:00 ໂມງ ຫລັບສະບາຍ ຕື່ນມາພ້ອມຄວາມສົດໃສ : ຊ່ວງເວລານີ້ເໝາະສົມກັບການນອນຫລັບພັກຜ່ອນ ລະບົບຄວາມຮ້ອນໃນຮ່າງກາຍເລີ່ມເຮັດວຽກ ຫາກກິນຫຍັງເຂົ້າໄປ ຮ່າງກາຍກໍສາມາດຮັບສານອາຫານໄດ້ດີ. ດັ່ງນັ້ນ ການດື່ມນົມອຸ່ນກ່ອນເຂົ້ານອນຈະເຮັດໃຫ້ຮ່າງກາຍໄດ້ຮັບທາດການຊຽມຢ່າງດີທີ່ສຸດຫລັບສະບາຍ ແລະ ຕື່ນເຊົ້າຂຶ້ນມາດ້ວຍຄວາມສົດໃສ ພ້ອມຮັບເຊົ້າມື້ໃໝ່ດ້ວຍອາລົມສົດຊື່ນໄດ້ໝົດມື້.

error: Content is protected !!