ບັນຫາຢູ່ເບື້ອງຫລັງຂອງຮອຍຍິ້ມ ຂອງຜູ້ນຳຣັດເຊຍ-ສປປ ເກົາຫລີ

- advert banner 728 90 728x90 - ບັນຫາຢູ່ເບື້ອງຫລັງຂອງຮອຍຍິ້ມ ຂອງຜູ້ນຳຣັດເຊຍ-ສປປ ເກົາຫລີ

     ການ​ພົບ​ປະສຸ​ດຍອດ​ຄັ້ງທຳ​ອິດ ລະຫວ່າງ ປະທານາທິບໍດີຣັດ​ເຊຍ ວະ​ລາ​ດິ​ເມຍ ປູ​ຕິນ ​ແລະ ຜູ້ນຳ ສປປ ​ເກົາຫລີ ກິມ ຈ໋ອງອຸນ ​ໄດ້​ເລີ່​ມຕົ້ນຂຶ້ນດ້ວຍ​ການ​ຈັບ​ມື​ກັນ ​ແລະ ຈົບ​ລົງ​ດ້ວຍ​ການ​ຍົກ​ຈອກ​ຂອງ​ຜູ້ນຳ​ທັງ​ສອງ.

- lattana 1 - ບັນຫາຢູ່ເບື້ອງຫລັງຂອງຮອຍຍິ້ມ ຂອງຜູ້ນຳຣັດເຊຍ-ສປປ ເກົາຫລີ

      ຢ່າງ​ໃດ​ກໍ​ຕາມ, ພິທີການ​ຕ້ອນຮັບ​ທີ່​ດີ​ຂອງ​ປະທານາທິບໍດີ ປູ​ຕິນ ມີ​ຕໍ່​ກັບ ກິມ ຈ໋ອງອຸນ ນັ້ນ ມັນ​ໄດ້​ສົ່ງ​ສັນຍານ​ບາງ​ຢ່າງ​ຕໍ່​ກັບ​ສະຫະລັດ​ອາ​ເມ​ລິ​ກາ.

     ທ່ານ ກິມ ຈ໋ອງອຸນ ​ໄດ້​ຕອບ​ຮັບ​ການ​ເຊື້ອ​ເຊີນ​ໃຫ້​ໄປ​ຢາມ​ນະຄອນ​ວະ​ລາ​ດີ​ວົສຕົກ ​ໃນ​ທ່າມກາງ​ການ​ເຈລະຈາ​ກັບ​ວໍ​ຊິງ​ຕັນ​ກຳລັງ​ໄປ​ສູ່​​ເສັ້ນທາງ​ຕັນ. ການ​ທີ່​ພຽງ​ຢາງ​ຫັນ​ທິດ​ໄປ​ຫາ​ມົດ​ສະ​ກູນັ້ນ ມັນ​ໄດ້​ກາຍ​ເປັນ​ສັນຍານ​ຝາກ​ເຖິງ​ປະທານາທິບໍດີ ທຣຳ ວ່າ: ວໍ​ຊິງ​ຕັນ​ບໍ່​ແມ່ນ​ໃບ​ໄພ້​ໜຶ່ງ​ດຽວ​ທີ່​ຈະ​ຫລິ້ນນຳ.

     ປະທານາທິບໍດີ ປູ​ຕິນ ​ໄດ້​ເປີດ​ເຜີຍ​ຕໍ່​ໜັງສືພິມ ພາຍຫລັງ​ພາ​ເຂົ້າສາມັກຄີ​ທີ່​​ເຕັມ​ໄປ​ດ້ວຍ​ຄວາມ​ສະໜິດສະໜົມ​ວ່າ: “ຜູ້ນຳ​ ສປປ ​ເກົາຫລີ ​ໄດ້​ຮຽກຮ້ອງ​ໃຫ້​ພວກ​ເຮົາ​ແຈ້ງ​ຕໍ່​ສະຫະລັດ​ອາ​ເມ​ລິ​ກາ​ກ່ຽວ​ກັບ​ຫລັກ​ໝັ້ນຂອງ ກິມ ຈ໋ອງອຸນ. ບໍ່​ໄດ້​ມີ​ຄວາມ​ປິດ​ລັບ​ຫຍັງ​ໃນ​ທີ່​ນີ້”.

      ການ​ພົບ​ປະ​ໄດ້​ດຳ​ເນີນ​ໄປ​ເປັນ​ເວລາ​ຫລາຍ​ກວ່າ 2 ຊົ່ວ​ໂມງ, ປະທານາທິບໍດີ ປູ​ຕິນ ​​ໃຫ້​ຮູ້​ວ່າ: ການ​ພົບ​ປະ​ແມ່ນ​ດຳ​ເນີນ​ໄປ​ດ້ວຍ​ບັນຍາກາດ “​ເປັນ​ກັນ​ເອງ ​ແລະ ຈິງ​ໃຈ​ຕໍ່​ກັນ”. ທ່ານ​ຍັງ​ໃຫ້​ຮູ້​ວ່າ: ຜູ້ນຳ​ທັງ​ສອງ​ໄດ້​ປຶກສາ​ຫາລື​ກັນ​ຫລາຍ​ບັນຫາ​ເຊັ່ນ: ບັນຫາ​ນິວ​ເຄຼຍ, ການ​ລົງ​ໂທດ​ຂອງ​ສະຫະ​ປະຊາ​ຊາດ, ອະນາຄົດ​ຂອງ​ຄົນ​ງານ ສປປ ​ເກົາຫລີ ຢູ່ຣັດ​ເຊຍ​ຈະ​ຖືກ​ສົ່ງ​ກັບ​ຄືນ​ປະ​ເທດ ຕາມ​ມະຕິ​ຕົກລົງ​ຂອງ​ສະພາ​ຄວາມ​ໝັ້ນຄົງ​ຂອງ​ສະຫະ​ປະຊາ​ຊາດ.

      “ການ​ປົດ​ອາວຸດ​ນິວ​ເຄຼຍ ໝາຍ​ຄວາມ​ວ່າ: ບໍ່​ມີ​ອາວຸດ​ນິວ​ເຄຼຍອີກ. ບັນຫາ​ດັ່ງກ່າວ​ອາດ​ເກີດ​ຂຶ້ນ​ໄດ້ ​ແຕ່​ຕ້ອງ​ມີ​ສິ່ງ​ຮັບປະກັນ​ໃຫ້ ສປປ ​ເກົາຫລີ… ຂ້າພະ​ເຈົ້າມີ​ຄວາມ​ຮູ້ສຶກ​ວ່າ: ທ່ານ ກິມ ຈ໋ອງອຸນ ກໍ​ເຫັນ​ດີ​ນຳ​ບັນຫາ​ດັ່ງກ່າວ ​ແຕ່​ທຸກ​ສິ່ງ​ທຸກ​ຢ່າງ​ແມ່ນ​ຢາກ​ໃຫ້​ມີ​ສິ່ງ​ຄ້ຳປະກັນ​ຄວາມ​ສະຫງົບ​ປອດ​ໄພ ​ແລະ ​ເຄົາລົບ​ສິດ​ອຳນາດ​ອະທິປະ​ໄຕ​ຂອງ​ເຂົາ” ປູ​ຕິນ ມີ​ຄຳ​ເຫັນ.

- 1 1 - ບັນຫາຢູ່ເບື້ອງຫລັງຂອງຮອຍຍິ້ມ ຂອງຜູ້ນຳຣັດເຊຍ-ສປປ ເກົາຫລີ

      ທ່ານ ປູ​ຕິນ ຮຽກຮ້ອງ​ວ່າ: ຖ້າ​ຢາກ​ປົດ​ອາວຸດ​ນິວ​ເຄຼຍຂອງ ສປປ ​ເກົາຫລີ, ພວກ​ເຮົາ​ຕ້ອງ​ມາ​ເບິ່ງ​ຄືນ​ກົດໝາຍ​ຂອງ​ສາກົນ ​ແລະ ກົດໝາຍ​ຂອງ​ສາກົນ​ຕ້ອງ​ຢູ່​ເໜືອກົດ “ກຳປັ້ນ”.

      ສປປ ​ເກົາຫລີ ​ໄດ້​ພະຍາຍາມ​ພົບ​ປະ​ກັບ​ອາ​ເມ​ລິ​ກາ​ກ່ຽວ​ກັບ​ບັນຫາ​ນິວ​ເຄຼຍມາ​ໄດ້​ຫລາຍ​ເດືອນ​ແລ້ວ ​ແຕ່​ກໍ​ບໍ່​ມີ​ຜົນສຳ​ເລັດ. ຍ້ອນ​ແນວ​ນັ້ນ ຈຶ່ງ​ຫັນ​ມາ​ເພິ່ງຣັດ​ເຊຍ ອັນ​ທີ່​ເປັນຄວາມ​ຫວັງ​ໃໝ່​ໃນ​ການ​ແກ້​ໄຂ​ບັນຫາ​ແຫລມ​ເກົາຫລີ.

    # ລູກ​ເມືອງ​ພວນ, https://dantri.com.ve, 26/4