- DSC 5860 copy -
- AGL banner -

ຫາລືການນໍາໃຊ້ພາສາລາວໃຫ້ຖືກຕ້ອງ

ກອງປະຊຸມສໍາມະນາການນໍາໃຊ້ພາສາລາວ, ການຄຸ້ມຄອງ ແລະ ນໍາໃຊ້ສື່ສັງຄົມອອນລາຍຄັ້ງທີ II ໄດ້ຈັດຂຶ້ນໃນວັນທີ 29 ເມສານີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ, ໂດຍການເປັນປະທານຂອງທ່ານ ຈະເລີນ ເຢຍປາວເຮີ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ມີບັນນາທິການໜັງສືພິມ , ວິທະຍຸ, ໂທລະພາບ, ສື່ສິ່ງພິມ, ຜູ້ເຮັດວຽກເລຂານຸການຈາກບັນດາກະຊວງເຂົ້າຮ່ວມເປັນຈໍານວນຫລາຍ.   ກອງປະຊຸມໄດ້ຮັບຟັງການສະເໜີບັນຫາພື້ນຖານໃນການນໍາໃຊ້ພາສາລາວຈາກຜູ້ຕາງໜ້າສະຖາບັນວິທະຍາສາດສັງຄົມແຫ່ງຊາດ, ມະຫາວິທະຍາໄລແຫ່ງຊາດ ແລະ ວິທະຍຸກະຈາຍສຽງແຫ່ງຊາດ. ພ້ອມທັງຮັບຟັງການສະເໜີກ່ຽວກັບວຽກງານການຄຸ້ມຄອງ ແລະ ນໍາໃຊ້ສື່ສັງຄົມອອນລາຍ, ການຄຸ້ມຄອງຂໍ້ມູນຂ່າວສານໃຫ້ມີຄວາມປອດໄພ ແລະ ຮັບປະກັນປະສິດທິຜົນ ແລະ ການຄຸ້ມຄອງ ແລະ ສົ່ງເສີມສື່ມວນຊົນລາວໃນຍຸກ 4.0 ຈາກສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພີວເຕີ.

- Wave100S AD to Website 2020 0 -
- 58588454 2188919211418628 8900308543924600832 n -

  ທ່ານ ຈະເລີນ ເຢຍປາວເຮີ ໄດ້ມີຄໍາເຫັນກ່າວເປີດກອງປະຊຸມວ່າ: ຍາມໃດ ພັກ-ລັດຖະບານ, ໄດ້ໃຫ້ຄວາມສໍາຄັນໃນການປົກປັກຮັກສາ ແລະ ພັດທະນາວັດທະນະທໍາຂອງຊາດ, ໂດຍສະເພາະແມ່ນພາສາທີ່ເປັນພາຫະນະສື່ສານຂອງສັງຄົມ ຍິ່ງຕ້ອງໄດ້ຮັບການນໍາໃຊ້ໃຫ້ຖືກຕ້ອງ ແລະ ມີຄວາມເປັນເອກະພາບສູງ ເປັນຕົ້ນແມ່ນຜູ້ທີ່ເຮັດວຽກດ້ານຂໍ້ມູນຂ່າວສານ, ເລຂານຸການທີ່ເປັນເສນາທິການໃຫ້ແກ່ການນໍາ, ໂຄສົກ, ບັນນາທິການໜັງສືພີມ, ໂທລະພາບ, ວິທະຍຸ ສື່ສິ່ງພີມຕ່າງໆ ແລະ ສື່ອອນລາຍຂອງບັນດາອົງການສື່ມວນຊົນ ຕ້ອງຂຽນ, ເວົ້າ ໃຫ້ຖືກປະໂຫຍກ ແລະ ໄວຍາກອນ ເພື່ອແນໃສ່ໃຫ້ສັງຄົມໄດ້ຮຽນຮູ້ ແລະ ນໍາໃຊ້ຢ່າງຖືກຕ້ອງ, ພ້ອມທັງບໍລິໂພກຂໍ້ມູນຂ່າວສານ ແລະ ນໍາໃຊ້ສື່ສັງຄົມອອນລາຍຕ່າງໆຢ່າງມີສະຕິ.

- WhatsApp Image 2020 05 27 at 5 -
- WhatsApp Image 2020 05 27 at 5 -
- WhatsApp Image 2020 05 27 at 5 -
- WhatsApp Image 2020 05 27 at 5 -
error: Alert: Content is protected !!