ປະໂຫຍດ ແລະ ຜົນເສຍ ຈາກການໃຊ້ສື່ສັງຄົມອອນລາຍ

- advert banner 728 90 728x90 - ປະໂຫຍດ ແລະ ຜົນເສຍ ຈາກການໃຊ້ສື່ສັງຄົມອອນລາຍ

ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພີວເຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ຮູ້ວ່າ: ສື່ສັງຄົມອອນລາຍ (Social Media) ແມ່ນການເຜີຍແຜ່, ນໍາສະເໜີ, ປະກອບຄໍາຄິດເຫັນ, ຮູບພາບ, ວີດີໂອ ໃນຮູບແບບຂໍ້ມູນຂ່າວສານໂດຍຜ່ານເຄື່ອງມື ເຊັ່ນ: ເຟສບຸກ (Facebook), ວອສແອບ (WhatsApp) ທະວີດເຕີ (Twitter) ແລະ ອື່ນໆ. ເຊິ່ງເລີ່ມແຕ່ປີ 1995 ໄດ້ມີເວບໄຊ WWW.clssmater.com ຖືກສ້າງຂຶ້ນເພື່ອເກັບກໍາປະຫວັດນັກຮຽນ ແລະ ຂໍ້ມູນການສືກສາອື່ນໆ. ນອກຈາກຄົ້ນຫາຂໍ້ມູນ​ໄດ້ແລ້ວ ກໍຍັງສາມາດສື່ສານກັນໄດ້​ອີກເຊັ່ນ: ການສົ່ງຂໍ້ຄວາມ ແລະ ແລກປ່ຽນຂໍ້ມູນຮ່ວມກັນລະຫວ່າງເພື່ອນນັກສຶກສາດ້ວຍ​ກັນ. ຕົກມາຮອດປີ 1999 ກໍໄດ້ມີເວບໄຊ WWW.epinions.com ໄດ້ມີການພັດທະນາຂຶ້ນໄປອີກລະດັບໜຶ່ງ, ໂດຍຜູ້ຊົມໃຊ້ສາມາດສ້າງບັນຊີຂອງຕົນເອງເພື່ອເຂົ້ານໍາໃຊ້ ແລະ ຕອບຮັບກັນຜ່ານເວບໄຊດັ່ງກ່າວ ແລະ ຈາກນັ້ນກໍໄດ້ພັດທະນາເປັນແອບພຣີເຄຊັ້ນທີ່ໃຊ້ໃນມືຖືເປັນຕົ້ນ: ເຟສບຸກ, ວອດແອບ, ຢູທູບ, ທະວິດເຕີ, ລາຍ ແລະ ອື່ນໆ ທີ່ມີຄວາມວ່ອງໄວ ​ແລະ ກໍເປັນທີ່ນິຍົມຊົມໃຊ້ກັນຫລາຍໃນປັດຈຸບັນ.

- lattana 1 - ປະໂຫຍດ ແລະ ຜົນເສຍ ຈາກການໃຊ້ສື່ສັງຄົມອອນລາຍ

  ແຕ່ແນວໃດກໍຕາມ, ການນໍາໃຊ້ສື່ສັງຄົມອອນລາຍແມ່ນມີທັງປະໂຫຍດ ແລະ ຜົນເສຍຫາຍ ຄື: ດ້ານຜົນປະໂຫຍດແມ່ນ: ສາມາດແລກປ່ຽນ ແລະ ສຶກສາຂໍ້ມູນຕ່າງໆໄດ້ຢ່າງວ່ອງໄວ, ປະຢັດຄ່າໃຊ້ຈ່າຍ ແລະ ສະດວກວ່ອງໄວໃນການຕິດຕໍ່ສື່ສານ, ເຜີຍແຜ່ຂ່າວສານ ແລະ ສາລະໜ້າຮູ້, ສະເໜີຜົນງານຕ່າງໆ, ໂຄສະນາປະຊາສໍາພັນ, ສ້າງ ແລະ ເພີ່ມລາຍຮັບໃນການດໍາເນີນທຸລະກິດ, ສ້າງຄວາມສໍາພັນລະຫວ່າງໝູ່ເພື່ອນ ແລະ ຄອບຄົວໄດ້ໃກ້ສິດກັນຫລາຍຂຶ້ນ, ເປັນເຄື່ອງມືຊ່ວຍເຕືອນຄວາມຊົງຈໍາ ແລະ ເປັນແຫລ່ງບັນເທິງຕ່າງໆໄດ້ເປັນຢ່າງດີ. ສ່ວນຜົນເສຍຂອງມັນນັ້ນກໍແມ່ນ: ເຮັດໃຫ້ເສຍເວລາ, ເສຍສຸຂະພາບ, ເສຍເງິນ, ເສຍການຮຽນ ແລະ ເສຍວຽກງານ, ຖືກຫລອກຫລວງ ແລະ ປອມແປງຂໍ້ມູນ, ຖືກລະເມີດລິຂະສິດຜົນງານຕ່າງໆໄດ້ງ່າຍ, ເປັນຊ່ອງທາງຍຸຍົງ, ຊວນເຊື່ອ ແລະ ສົ່ງເສີມການແບ່ງແຍກຄວາມສາມັກຄີ ແລະ ກວດສອບວ່າຂໍ້ມູນແທ້ ຫລື ຂໍ້ມູນປອມ​ໄດ້​ຍາກ.

  ສະນັ້ນການນໍາໃຊ້ສື່ສັງຄົມອອນລາຍທີ່ປອດໄພຕ້ອງຄໍານຶງຫລັກການຄື: ບໍ່ໃຊ້ຄໍາຫຍາບຄາຍ, ບໍ່ເຜີຍແຜ່ຮູບລາມົກອານາຈານ, ເຄົາລົບຄວາມເປັນສ່ວນຕົວຂອງຄົນອື່ນ, ຄິດກ່ອນເຜີຍແຜ່ ແລະ ໃຊ້ຢ່າງພໍດີ. ຊື່​ງພຽງແຕ່ປະຕິບັດຫລັກການເທົ່ານີ້ ກໍຈະເຮັດໃຫ້ພວກເຮົານໍາໃຊ້ສື່ສັງຄົມອອນລາຍ​ໄດ້ຢ່າງຖືກຕ້ອງ, ມີປະໂຫຍດ ແລະ ປອດໄພ.   

- Tiger Head 728x90 - ປະໂຫຍດ ແລະ ຜົນເສຍ ຈາກການໃຊ້ສື່ສັງຄົມອອນລາຍ
- 1 1 - ປະໂຫຍດ ແລະ ຜົນເສຍ ຈາກການໃຊ້ສື່ສັງຄົມອອນລາຍ
error: Content is protected !!