ວັນ​ທີ 30/4/1975 ປົດ​ປ່ອຍ ​ໄຊ​ງ່ອນ ບັ້ນຮົບ​ໂຮ່ຈິ​ມິນ ມີ​ໄຊ

- advert banner 728 90 728x90 - ວັນ​ທີ 30/4/1975 ປົດ​ປ່ອຍ ​ໄຊ​ງ່ອນ ບັ້ນຮົບ​ໂຮ່ຈິ​ມິນ ມີ​ໄຊ

(​ເນື່ອງ​ໃນ​ໂອກາດ​ວັນ​ປົດ​ປ່ອຍ​ພາກ​ໃຕ້​ຫວຽດນາມ​ຄົບຮອບ 44 ປີ)

- new3 - ວັນ​ທີ 30/4/1975 ປົດ​ປ່ອຍ ​ໄຊ​ງ່ອນ ບັ້ນຮົບ​ໂຮ່ຈິ​ມິນ ມີ​ໄຊ

ຮຸ່ງເຊົ້າ ວັນທີ 30/4/ 1975, ກອງກຳລັງໄຟ ແລະ ກຳລັງພາຍໃນໄດ້ພ້ອມກັນລຸກຮື້ຂຶ້ນພາບດຽວ ເຂົ້າຕົວ ເມືອງ ໄຊງ່ອນ. ເວລາ 9 ໂມງ 30 ນາທີ ເຢືອງວັນມິງອອກມາປະກາດຍອມຈຳນົນອອກທາງວິທະຍຸກະຈາຍສຽງ ຂອງໄຊງ່ອນ, ຮຽກຮ້ອງໃຫ້ກອງທັບປົດປ່ອຍປະຊາຊົນ ຫວຽດນາມ ຢຸດຕິການບຸກໂຈມຕີ ເພື່ອພ້ອມກັນປຶກສາ ຫາລື ແລະ ມອບອຳນາດ ດ້ວຍຄວາມສະຫງົບ.

ແຕ່ໂດຍປະຕິບັດຕາມມະຕິຕົກລົງຂອງກົມການເມືອງ, ກອງບັນຊາການບັ້ນຮົບໂຮ່ຈິມິນ ໄດ້ອອກຄຳສັ່ງສືບຕໍ່ຕະຫຼຸມບອນບຸກໂຈມຕີຕາມແຜນການ. ກຳລັງແຕ່ລະ ປີກກໍໄດ້ບຸກໂຈມຕີ ແລະ ຢຶດເອົາທີ່ໝັ້ນຕາມການແບ່ງຄວາມຮັບຜິດຊອບ. ເຖິງແມ່ນວ່າ ຈະມີຄຳສັ່ງຈາກນາຍເໜືອຫົວຂອງພວກເຂົາບໍ່ໃຫ້ຍິງຕ້ານກັບກຳລັງອາວຸດ ຂອງກອງທັບປົດປ່ອຍປະຊາຊົນຫວຽດນາມກໍຕາມແຕ່ກໍ ຍັງມີບາງປີກຂອງພວກສັດຕູຍັງພະຍາຍາມດື້ຍິງຕ້ານ ກອງທັບຂອງຫວຽດນາມ.

ເວລາ 9 ໂມງ 30 ນາທີ ຂອງວັນທີ 30/4, ປີກທີ 2 ຂອງກອງທັບໄດ້ຂ້າມຂົວ ໄຊງ່ອນບຸກເຂົ້າໄປດັບສູນ ພວກທະຫານສັດຕູທີ່ພະຍາຍາມຍິງຕ້ານຢູ່ຮ່າງແຊັງ,  ຂົວທິແງ່  ແລະ ບຸກເຂົ້າໄປ ທຳນຽບເອກະລາດ. ລົດຖັງ ເບີ 843(ໜ່ວຍບຸກໂຈມຕີທີ  4 ກອງພັນລົດຖັງ 203) ໄດ້ບຸກທະລຸເຂົ້າໃສ່ປະຕູສຳຮອງ ຢູ່ເບື້ອງຊ້າຍຂອງທຳນຽບ ດັ່ງກ່າວ ແລະ  ລົດຖັງອີກຄັນໜຶ່ງເລກທີ 390 ບຸກທະລຸເຂົ້າໃສ່ປະຕູໃຫ່ຍ ແລະ ບຸກເຂົ້າໄປໃນທຳນຽບ. ຕໍ່ຈາກນັ້ນ, ໜ່ວຍທະຫານລາບທີ 66 (ກອງພັນທີ 2) ແລະ ກອງຕີພິເສດ( ໄຊງ່ອນ- ຢາດິງ)ກໍໄດ້ບຸກເຂົ້າໄປໃນທຳນຽບ ເຊັ່ນດຽວກັນ.

- lattana 1 - ວັນ​ທີ 30/4/1975 ປົດ​ປ່ອຍ ​ໄຊ​ງ່ອນ ບັ້ນຮົບ​ໂຮ່ຈິ​ມິນ ມີ​ໄຊ

ປະທານາທິບໍດີທະຫານຫຸ່ນໄຊ ງ່ອນ ເຢືອງວັນມິງ  ແລະ ພັກພວກຂອງພວກເຂົາ ໄດ້ອອກມາຍອມຈຳນົນໃນ ເວລາ 11 ໂມງ 30 ນາທີ ຂອງວັນທີ 30/4/ 1975, ທຸງຊາດກາດາວ 5 ແຈຂອງ ຫວຽດນາມໄດ້ປິວສະບັດຢູ່ ເທິງຫໍທຳນຽບເອກະລາດ ໄດ້ຢ່າງມີໄຊໃນວັນ ດຽວກັນ ວັນທີ 30/4,  ບັນດາແຂວງ ທີ່ຍັງເຫຼືອຢູ່ທາງທິດຕາເວັນອອກ ແລະ ຕາເວັນຕົກຂອງພາກໃຕ້ກໍໄດ້ຮັບການ ປົດປ່ອຍ. ວັນທີ 1/5, ບັນດາ ແຂວງຢູ່ໃນທົ່ງພຽງຂອງແມ່ ນໍ້າຂອງໄດ້ຮັບການປົດປ່ອຍ, ເກາະຢູ່ກາງທະເລ ແລະ ເຂດຊົນເຜົ່າສາດສະໜາຫົ່ວຫາວກໍໄດ້ຮັບການປົດປ່ອຍເຊັ່ນກັນ. ບັ້ນຮົບລຸກຮື້ຂຶ້ນໃນລະດູບານໃໝ່ ປີ 1975 ໄດ້ຮັບໄຊຊະນະຢ່າງສົມບູນ.

ຮຽບຮຽງໂດຍ: ລູກເມືອງພວນ

- 3697 1 - ວັນ​ທີ 30/4/1975 ປົດ​ປ່ອຍ ​ໄຊ​ງ່ອນ ບັ້ນຮົບ​ໂຮ່ຈິ​ມິນ ມີ​ໄຊ
(ລົດຖັງກອງທັບປົດປ່ອຍ ປະຊາຊົນ ຫວຽດນາມ ບຸກເຂົ້າທຳນຽບເອກະລາດ ຂອງທະຫານຫຸ່ນໄຊງ່ອນ ວັນທີ 30/4/1975)
error: Content is protected !!