ຕໍາຫລວດເລັ່ງຕິດຕາມມືປືນຍິງນັກທຸລະກິດ​ຢູ່ແຂວງ​ຄຳ​ມ່ວນ​ເສຍ​ຊີວິດ.

- advert banner 728 90 728x90 - ຕໍາຫລວດເລັ່ງຕິດຕາມມືປືນຍິງນັກທຸລະກິດ​ຢູ່ແຂວງ​ຄຳ​ມ່ວນ​ເສຍ​ຊີວິດ.

ເມື່ອວັນທີ 28 ເມສາຜ່ານມານີ້, ໄດ້ມີເຫດການສະເທືອນຂວັນເກີດຂຶ້ນໃນເທສະບານເມືອງທ່າແຂກແຂວງຄໍາມ່ວນ ຄືມີຄົນຮ້າຍຈໍານວນໜຶ່ງ​ໃຊ້ອາວຸດ​ປືນ​​ຍິງ​​ທ້າວ ຈຶກ ອາຍຸ 50 ປີ​ເຊື້ອຊາດ​ໄທ, ສັນຊາດ​ລາວ ນັກທຸລະກິດ ຢູ່​ບ້ານ​ໂພນ​ສະອາດ​ເມືອງ​ທ່າ​ແຂກ​ເສຍ​ຊີວິດຄາທີ່​ຢູ່​ໃນ​ຮ້ານເສີມສວຍແຫ່ງໜຶ່ງ​ໃນ​ເຂດ​ບ້ານ​ທ່າ​ແຂກ​ເໜືອ.

- new3 - ຕໍາຫລວດເລັ່ງຕິດຕາມມືປືນຍິງນັກທຸລະກິດ​ຢູ່ແຂວງ​ຄຳ​ມ່ວນ​ເສຍ​ຊີວິດ.

  ຕຳຫລວດ​ສືບສວນ-ສອບ​ສວນ​ແຂວງ​ຄຳ​ມ່ວນ ​ໃຫ້​ຮູ້​ວ່າ: ພາຍຫລັງ​​ໄດ້​ຮັບ​ແຈ້ງວ່າມີ​ເຫດ​ຄາດ​ຕະກຳ, ຈຶ່ງ​ໄດ້ລົງ​ກວດກາ​ເກັບ​ກຳ​ຂໍ້​ມູນ​ໃນ​ສະຖານ​ທີ່​ເກີດ​ເຫດພົບເຫັນ​ກະສອບ​ລູກປືນ​ 8 ລູກ ແລະ ​ປືນສັ້ນ 1 ກະບອກພ້ອມ​ລູກປືນອີກ 7 ລູກ ແລະ ມີ​ຜູ້​ເສຍ​ຊີວິດ 1 ຄົນ ໂດຍມີຮ່ອງຮອຍ​ຖືກຍິງຕາມຮ່າງກາຍຈຳນວນ 8 ນັດ.

- lattana 1 - ຕໍາຫລວດເລັ່ງຕິດຕາມມືປືນຍິງນັກທຸລະກິດ​ຢູ່ແຂວງ​ຄຳ​ມ່ວນ​ເສຍ​ຊີວິດ.

   ຜ່ານ​ການ​ສອບ​ຖາມຜູ້ເຫັນເຫດການ ແລະ ຈາກກ້ອງວົງຈອນປິດ​ໃນ​ສະຖານ​ທີ່​ເກີດ​ເຫດ​ຮູ້​ວ່າ: ​ໃນ​ເວລາ 7:00 ​ໂມງ, ທ້າວ ຈຶກ ​ໄດ້​ເອົາ​ລົດ​ກະບະ​ໂຕ​​ໂຢຕາຣີ​ໂວ້ສີຂາວໝາຍ​ເລກ​ທະບຽນ ຮດ 6699 ຄຳ​ມ່ວນມາ​ລ້າ​ງຢູ່​ຮ້ານ​ລ້າງ​ລົດ​ບ້ານ​ທ່າ​ແຂກ​ເໜືອ. ຈາກ​ນັ້ນ​ໄດ້​ຂຶ້ນລົດ​ເກັງຍີ່​ຫໍ້​ເລັກ​ຊັດສີດຳ ໝາຍ​ເລກ​ທະບຽນ 5678 ຄຳ​ມ່ວນ ພ້ອມ​ກັບ​ເມຍ​ອອກ​ໄປນອກ, ພາຍຫລັງ​ກັບ​ມາ​ປະມານ 9:00 ​ໂມງ ຜູ້ກ່ຽວ​ກໍ​ເຂົ້າໄປ​ຮ້ານ​ຕັດ​ເລັບທີ່ຢູ່​ຕິດ​ກັບ​ຮ້ານ​ລ້າງ​ລົດ, ​ໃນ​ຂະນະນັ້ນ​ໄດ້​ມີ​ລົດ​ກະບະ​ໂຕ​ໂຢຕາ​ວີ​ໂກແຊ້ມສີດຳບໍ່​ຕິດ​ປ້າຍ​ທະບຽນ ມາ​ຈອດ​ຢູ່​ໜ້າຮ້ານ​ຊີ້ນ​ດາດ​ກົງກັນຂ້າມ​ກັບ​ຮ້ານ​ຕັດ​ເລັບ​ປະມານ 40 ກວ່າ​ແມັດແລ້ວ ຈາກ​ນັ້ນຄົນ​ຮ້າຍ​ທີ່ຢູ່​ໃນ​ລົດ​ໄດ້​​ໃຊ້​ອາວຸດ​ປືນອາກາ​ຍິງ​ໃສ່​ທ້າວ ຈຶກ ຈຳນວນ 3 ນັດ ຈົນ​ລົ້ມລົງ, ຈາກນັ້ນລົດ​ກະບະ​ຄັນດັ່ງກ່າວກໍ​ຂີ່​ມາ​ຈອດ​ຢູ່​ໜ້າ​ຮ້ານ​ລ້າງ​ລົດ​ແລ້ວມີ​ຄົນ​ຮ້າຍ​​ໃສ່​ເສື້ອຢືດ​ແຂນ​ສັ້ນສີດຳ, ​ໃສ່​ໝວກ​ສີດຳ, ​ໃສ່​ແພ​ອັດ​ປາກ​ສີດຳ, ​ໃສ່​ໂສ້ງ​ຂາ​ຍາວ​ສີຂຽວ​ອ່ອນ ​ແລະ ​ໃສ່​ເກີບ​ຂັດ​ມັນ​ສີດຳ​ລົງມາ​ຈາກ​ລົດ ພ້ອມ​ອາວຸດ​ປືນ​ອາກາ​ເຂົ້າມາ​ຍິງ​ທ້າວ ຈຶກ ຊ້ຳ​ອີກ​ຫລາຍ​ນັດ​ແລ້ວ​ຂຶ້ນລົດ​ຫລົບໜີ ໄປ ແລະ ພ້ອມ​ນີ້ເຈົ້າຂອງ​ຮ້ານ​ຕັດ​ເລັບກໍຖືກລູກປືນ​ໄດ້​ຮັບ​ບາດ​ເຈັບ.       ປັດຈຸບັນ ຄະດີ​ດັ່ງກ່າວ​ຍັງ​ຢູ່​ໃນ​ຂັ້ນຕອນ​ການ​ເກັບ​ກຳ​ຂໍ້​ມູນ​ຫລັກ​ຖານ ​ເພື່ອ​ຕິດຕາມ​ຜູ້​​ລົງມື​ກໍ່​ເຫດ​ຄາດ​ຕະກຳມາ​ດຳ​ເນີນ​ຄະດີ​ຕາມ​ກົດໝາຍ

error: Content is protected !!