ປະທານປະເທດ ບຸນຍັງ ວໍລະຈິດ ຕີລາຄາສູງຕໍ່ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.

- advert banner 728 90 728x90 - ປະທານປະເທດ ບຸນຍັງ ວໍລະຈິດ ຕີລາຄາສູງຕໍ່ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.

ໃນໂອກາດເຂົ້າຮ່ວມກອງປະຊຸມເວທີປຶກສາຫາລື “ໜຶ່ງແລວ ໜຶ່ງເສັ້ນທາງ” ເພື່ອການຮ່ວມມືສາກົນຄັ້ງທີ 2 ທີ່ນະຄອນຫລວງປັກກິ່ງ ສປ ຈີນໃນວັນທີ 26 ເມສານີ້, ພະນະທ່ານ ບຸນຍັງ ວໍລະຈິດ ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໄດ້ຂຶ້ນມີຄໍາເຫັນວ່າ: ພາຍຫລັງປະທານປະເທດ ສີ ຈິ້ນຜິງ ໄດ້ປະກາດຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ໃນປີ 2013 ເປັນຕົ້ນມາ, ຂໍ້ລິເລີ່ມດັ່ງກ່າວໄດ້ສ້າງຄວາມສົນໃຈຢ່າງກວ້າງຂວາງຢູ່ໃນເວທີສາກົນ ແລະ ໄດ້ສະແດງໃຫ້ເຫັນຜົນສໍາເລັດທີ່ເປັນຮູບປະທໍາຕົວຈິງໃນເບື້ອງຕົ້ນ ກໍຄືໄດ້ເປີດສັງກາດໃໝ່ໃຫ້ແກ່ການເປີດກວ້າງ ແລະ ເພີ່ມທະວີການຮ່ວມມືການພັດທະນາເສດຖະກິດ-ສັງຄົມຂອງອະນຸພາກພື້ນ, ພາກພື້ນ ແລະ ສາກົນ. ສປປ ລາວ ຕີລາຄາສູງຕໍ່ໝາກຜົນຂອງການຮ່ວມມືພາຍໃຕ້ຂໍ້ລິເລີ່ມດັ່ງກ່າວ, ພ້ອມທັງໄດ້ປະກອບສ່ວນຢ່າງຕັ້ງໜ້າຕາມພາລະບົດບາດ ແລະ ຄວາມສາມາດຂອງຕົນເຂົ້າໃນການຈັດຕັ້ງປະຕິບັດຕໍ່ຂໍ້ລິເລີ່ມນັ້ນ. ສປປ ລາວ ຢືນຢັນວ່າຈະສືບຕໍ່ຮ່ວມມື ແລະ ສະໜັບສະໜູນຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ເພື່ອຮ່ວມກັນສ້າງສັນຕິພາບ, ນຳເອົາຄວາມຈະເລີນສີວິໄລ ແລະ ການພັດທະນາແບບຍືນຍົງມາສູ່ທຸກປະເທດລຽບຕາມ ໜຶ່ງແລວ ໜຶ່ງເສັ້ນທາງ.

- lattana 1 - ປະທານປະເທດ ບຸນຍັງ ວໍລະຈິດ ຕີລາຄາສູງຕໍ່ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.
- 2 - ປະທານປະເທດ ບຸນຍັງ ວໍລະຈິດ ຕີລາຄາສູງຕໍ່ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.

 ໃນວັນທີ 28 ເມສານີ້, ທ່ານ ບຸນຍັງ ວໍລະຈິດ ກໍໄດ້ເຂົ້າຮ່ວມຊົມງານວາງສະແດງຮູບພາບການທ່ອງທ່ຽວລາວທີ່ຈັດຂຶ້ນໃນແຂວງຟູຈ້ຽນ ສປ ຈີນ, ເຊິ່ງເປັນກິດຈະກຳໂຄສະນາສົ່ງເສີມການທ່ອງທ່ຽວລາວ-ຈີນ 2019 ເພື່ອໃຫ້ປະຊາຊົນສອງຊາດລາວ-ຈີນ ໄດ້ຮັບຮູ້ກວ້າງຂວາງຍິ່ງຂຶ້ນ ໂດຍຜ່ານຮູບພາບປະຫວັດສາດ, ວັດທະນະທຳ ແລະ ທຳມະຊາດ. ນອກນີ້, ກໍມີການສະແດງສິລະປະວັນນະຄະດີ ເພື່ອເປັນການແລກປ່ຽນວັດທະນະທຳ ແລະ ສ່ອງແສງໃຫ້ເຫັນສາຍພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງສອງປະເທດລາວ-ຈີນ ທີ່ນັບມື້ແໜ້ນແຟ້ນຍິ່ງໆຂຶ້ນ.

- 1 1 - ປະທານປະເທດ ບຸນຍັງ ວໍລະຈິດ ຕີລາຄາສູງຕໍ່ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.