ສປປ ເກົາຫລີ ເຕືອນຈະເກີດຜົນລັບທີ່ບໍ່ ເພິ່ງປາຖະໜາຖ້າອາເມລິກາບໍ່ປ່ຽນທ່າທີ

- advert banner 728 90 728x90 - ສປປ ເກົາຫລີ ເຕືອນຈະເກີດຜົນລັບທີ່ບໍ່ ເພິ່ງປາຖະໜາຖ້າອາເມລິກາບໍ່ປ່ຽນທ່າທີ

      ທ່ານ ​ໂຊ ຊຸນ ຮຸຍ ຮອງ​ລັດຖະມົນຕີ​ຕ່າງປະ​ເທດ ສປປ ​ເກົາຫລີ ກ່າວ​ໃນ​ວັນ​ທີ 30 ​ເມສາ​ແລ້ວ​ນີ້​ວ່າ: ອາ​ເມ​ລິ​ກາ​ຈະ​ຕ້ອງ​ຜະ​ເຊີນ​ຜົນ​ລັບ​ທີ່​ບໍ່​ເພິ່ງ​ປາຖະໜາ, ຖ້າ​ຍັງ​ບໍ່​ຍອມ​ປ່ຽນ​ແປງ​ທ່າ​ທີ​ໃນ​ການ​ເຈລະຈາ​ເລື່ອງ​ການ​ປົດ​ອາວຸດ​ນິວ​ເຄຼຍຂອງ ສປປ ​ເກົາຫລີ ພາຍ​ໃນ​ປີ​ນີ້.

- lattana 1 - ສປປ ເກົາຫລີ ເຕືອນຈະເກີດຜົນລັບທີ່ບໍ່ ເພິ່ງປາຖະໜາຖ້າອາເມລິກາບໍ່ປ່ຽນທ່າທີ

     ລັດຖະບານ ສປປ ​ເກົາຫລີ ​ແລະ ອາ​ເມ​ລິ​ກາ ກັບ​ມາ​ຜະ​ເຊີນ​ໜ້າ​ກັນ​ນັບ​ແຕ່​ກອງ​ປະຊຸມ​ສຸດ​ຍອດ​ຄັ້ງທີ 2 ລະຫວ່າງ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ແລະ ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໃນ​ເດືອນ​ກຸມພາ ຢູ່​ນະຄອນຫລວງ​ຮ່າ​ໂນ້ຍ ສສ ຫວຽດນາມ ຕ້ອງ​ລົ້ມລົງ​ກະທັນຫັນ ​ໂດຍ​ບໍ່​ມີ​ການ​ບັນລຸ​ຂໍ້​ຕົກລົງ​ໃດໆ​ກ່ຽວ​ກັບ​ການ​ປົດ​ອາວຸດ​ນິວ​ເຄຼຍຂອງ ສປປ ​ເກົາຫລີ. ຫລັງ​ຈາກ​ນັ້ນ ຄວາມ​ເຄັ່ງ​ຕຶງ​ລະຫວ່າງ​ທັງ​ສງ​ຝ່າຍ​ເພີ່ມ​ຂຶ້ນ​ເລື້ອຍໆ ​ແລະ ​ໃນ​ອາທິດ​ຜ່ານ​ມາ, ທ່ານ ​ໄມ ປອມ​ເປ​ໂອ ລັດຖະມົນຕີ​ຕ່າງປະ​ເທດອາ​ເມ​ລິ​ກາ ​ໃຫ້​ສຳພາດ​ທາງ​ໂທລະພາບ CBS ວ່າ: ອາ​ເມ​ລິ​ກາ​ອາດ​ຈະ​ຕ້ອງ​ປ່ຽນ​ເສັ້ນທາງ​ເດີນ, ຖ້າ​ທ່ານ ກິມ ບໍ່​ຍອມ​ເຈລະຈາ​ຢ່າງ​ຈິງ​ຈັງ​ເລື່ອງ​ການ​ຍົກ​ເລີກ​ໂຄງການ​ນິວ​ເຄຼຍ ​ແລະ ​ໃນ​ວັນ​ທີ 30 ​ເມສາ, ສຳນັກ​ຂ່າວ​ກາງ​ເກົາຫລີ ຫລື KCNA ຂອງ​ທາງ​ການ ສປປ ​ເກົາຫລີ ລາຍ​ງານ​ວ່າ: ຮອງ​ລັດຖະມົນຕີ​ຕ່າງປະ​ເທດ ສປປ ​ເກົາຫລີ ກ່າວ​ວ່າ: ຄຳ​ຖະ​ແຫລ​ງຂອງ​ທ່ານ ປອມ​ເປ​ໂອ ນັ້ນ ບໍ່​ສະຫລາດ ​ແລະ ​ເປັນ​ແນວຄິດ​ທີ່​ເປັນ​ອັນຕະລາຍ ທີ່​ສະ​ແດງ​ເປັນ​ໄນ​ວ່າ: ຈະ​ໂຄ່ນ​ລົ້ມລັດຖະບານ ສປປ ​ເກົາຫລີ ດ້ວຍ​ການ​ໃຊ້​ກຳລັງ​ທະຫານ. ທ່ານ​ກ່າວ​ວ່າ: ສປປ ​ເກົາຫລີ ຍັງ​ຕັ້ງ​ໃຈ​ຈະ​ປົດ​ອາວຸດ​ນິວ​ເຄຼຍ ​ແລະ ຈະ​ລົງມື​ດຳ​ເນີນ​ການ​ເມື່ອ​ເຖິງ​ເວລາ​ທີ່​ເໝາະ​ສົມ, ​ແຕ່​ທັງ​ນີ້​ຈະ​ຕ້ອງ​ຂຶ້ນຢູ່​ກັບ​ວ່າ: ອາ​ເມ​ລິ​ກາ​ຈະ​ຕ້ອງ​ປ່ຽນ​ແປງ​ທ່າ​ທີ​ນຳ​ອີກ ​ເຊິ່ງຖ້າ​ອາ​ເມ​ລິ​ກາ​ຍັງ​ບໍ່​ປ່ຽນ​ແປງ​ພາຍ​ໃນ​ປີ​ນີ້ ຈະ​ຕ້ອງ​ພົບ​ກັບ​ຜົນ​ລັບ​ທີ່​ບໍ່​ເພິ່ງ​ປາຖະໜາ​ໄດ້, ​ແຕ່​ທ່ານ​ບໍ່​ໄດ້​ລະບຸ​ລາຍ​ລະອຽດ​ວ່າ: ຜົນ​ລັບ​ທີ່​ວ່າ​ນີ້​ຄື​ຫຍັງ.

- 1 1 - ສປປ ເກົາຫລີ ເຕືອນຈະເກີດຜົນລັບທີ່ບໍ່ ເພິ່ງປາຖະໜາຖ້າອາເມລິກາບໍ່ປ່ຽນທ່າທີ
- Tiger Head 728x90 - ສປປ ເກົາຫລີ ເຕືອນຈະເກີດຜົນລັບທີ່ບໍ່ ເພິ່ງປາຖະໜາຖ້າອາເມລິກາບໍ່ປ່ຽນທ່າທີ
error: Content is protected !!