ເອົາແທ້ ! ເປແອສເຊ ທຸ້ມເຕັມທີ່ດຶງ ເດເຄອາ

- advert banner 728 90 728x90 - ເອົາແທ້ ! ເປແອສເຊ ທຸ້ມເຕັມທີ່ດຶງ ເດເຄອາ

      ​ແຟນບານ ​ແມນ​ເຊັສ​ເຕີ ຢູ​ໄນ​ເຕັດ ມີ​ໜາວໆ​ຮ້ອນໆ ​ເມື່ອ​ຫລ້າ​ສຸດ​ມີ​ຂ່າວ​ວ່າ: ປາຣີ ​ແຊງ​ແຊກ​ແມງ ພ້ອມ​ຍື່ນ​ຂໍ້​ສະ​ເໜີ​ຄ່າ​ເມື່ອຍ​ສຸດ​ງາມ ຫວັງ​ດຶງ ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ຄົນ​ເກັ່ງ ​ແມນ​ເຊັສ​ເຕີ ຢູ​ໄນ​ເຕັດ ມາ​ຮ່ວມ​ທັບ​ຫລັງ​ຈົບ​ລະດູ​ການ​ນີ້.

- lattana 1 - ເອົາແທ້ ! ເປແອສເຊ ທຸ້ມເຕັມທີ່ດຶງ ເດເຄອາ

      ປາຣີ ​ແຊງ​ແຊກ​ແມງ ຍອດ​ສະ​ໂມ​ສອນ​ບານ​ເຕະ​ໃນ​ລີກ ​ເອິງ ຝຣັ່ງ ກຽມ​ຈະ​ຍື່ນ​ຂໍ້​ສະ​ເໜີ​ຄ່າ​ເມື່ອຍ​ຈຳນວນ​ມະຫາສານ​ລະດັບ 450.000 ປອນຕໍ່​ອາທິດ ​​ໄປ​ໃຫ້ ​ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ມື​ໜຶ່ງ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ອັງກິດ ພິຈາລະນາ.

      ​ເປ​ແອ​ສ​ເຊ ກຳລັງ​ຊອກ​ຫາ​ຕົວ​ແທນ​ໃນ​ໄລຍະ​ຍາວ​ຂອງ ຈານ​ລຸຍ​ຈິ ບຸບ​ຟ່ອນ ຜູ້​ຮັກສາ​ປະຕູ​ຊາວ​ອິຕາ​ລີ ​ແລະ ​ໄດ້​ລ໊ອກ​ເປົ້າ​ໃສ່ ​ເດ ​ເຄອາ ​ເຊິ່ງປັດຈຸບັນ​ເຫລືອ​ສັນຍາ​ໃນ​ຖິ່ນ ​ໂອລ ​ແທຣັບຟອດ ອີກ​ພຽງ​ປີ​ດຽວ​ເທົ່າ​ນັ້ນ ​ໂດຍ​ເຊື່ອ​ກັນ​ວ່າ ຍອດ​ຜູ້​ຮັກສາ​ປະຕູ​ທີ​ມຊາດ​ສະ​ເປ​ນ​ໄວ 28 ປີ ມີ​ໂອກາດ​ຍ້າຍ​ທີ​ມຫລັງ​ຈົບ​ລະດູ​ການ​ນີ້​ເຊັ່ນ​ກັນ ຫລັງ​ຈາກ​ມີ​ຜົນງານ​ບໍ່​ຄ່ອຍ​ດີ​ໃນ​ໄລຍະ​ຫລັງ.

      ຫລ້າ​ສຸດ ​ເດ​ລີ ສະຕາ ລະບຸ​ວ່າ: ​ເປ​ແອ​ສ​ເຊ ​ເອົາ​ຈິງ​ກັບ​ການ​ລ່າ​ຕົວ ​ເດ ​ເຄອາ ມາ​ຮັກສາ​ປະຕູ​ໃນ​ຖິ່ນ ປາຣກ ​ເດ​ສ ​ແພຣັງ ​ໂດຍ​ພ້ອມ​ຈ່າຍ​ຄ່າ​ເມື່ອຍ​ໃຫ້​ສູງ​ເຖິງ​ອາທິດ​ລະ 450.000 ປອນ. ຂະນະ​ທີ່ ​ແມນ​ເຊັສ​ເຕີ ຢູ​ໄນ​ເຕັດ ​ເລີ່​ມຊອກ​ຫາ​ຜູ້​ຮັກສາ​ປະຕູ​ຄົນ​ໃໝ່​ແລ້ວ​ເຊັ່ນ​ກັນ ​ໂດຍ​ມີ​ຂ່າວ​ກ່ຽວ​ພັນ​ກັບ ຍານ ​ໂອບ​ລັກ ຜູ້​ຮັກສາ​ປະຕູ​ຂອງ ​ແອດ​ເລ​ຕິ​ໂກ ມາດຣິດ.

- 1 1 - ເອົາແທ້ ! ເປແອສເຊ ທຸ້ມເຕັມທີ່ດຶງ ເດເຄອາ

      ທັງ​ນີ້ ​ເດ ​ເຄອາ ລົງ​​ເຝົ້າ​ເສົາ​ໃຫ້ ​ແມນ​ເຊັສ​ເຕີ ຢູ​ໄນ​ເຕັດ ​ໄປ​ແລ້ວ​ທັງ​ໝົດ 360 ນັດ ນັບ​ແຕ່​ຍ້າຍ​ມາ​ຈາກ ​ແອດ ມາດຣິດ ​ໃນ​ປີ 2011.