ຝັ່ງໂຂງ ຊະນະນັອກນັກຊົກໄທ ຄວ້າຂັນແຊ້ມ ປະທານມວຍໂລກ ຮຸ່ນ 57 ກິໂລ

- advert banner 728 90 728x90 - ຝັ່ງໂຂງ ຊະນະນັອກນັກຊົກໄທ ຄວ້າຂັນແຊ້ມ ປະທານມວຍໂລກ ຮຸ່ນ 57 ກິໂລ

      ທ້າວ ທອງ​ບາງ ​ເຊື່ອ​ພົມ ຫລື ຝັ່ງ​ໂຂງ ນັກຊົກ​ຈາກ​ກະຊວງ​ປ້ອງ​ກັນ​ຄວາມ​ສະຫງົບ (ປກສ) ສາມາດ​ເອົາ​ຊະນະ​ນັອກທ້າວ ​ເພັດ​ດຸນ​ສາດ ກຽດ​ສົມ​ນຶກ ນັກຊົກ​ຈາກ​ແຂວງ​ຂອນ​ແກ່ນ ປະ​ເທດ​ໄທ ​ໃນ​ມວຍ​ຄູ່​ເອກ ຮຸ່ນ​ນ້ຳໜັກ 57 ກິ​ໂລ ​ໃນ​ຍົກ​ທີ 3 ຄວ້າ​ຂັນ​ແຊ້ມ ການ​ແຂ່ງຂັນ​ມວຍ​ມິດຕະພາບ ລາວ-​ໄທ ຊີງ​ຂັນ​ທ່ານ​ປະທານ​ສະຫະພັນ​ມວຍ​ໂລກ ​ເພື່ອ​ສ້າງ​ຂະ​ບວນການສະ​ເຫລີ​ມສະຫລອງ​ເປີດ​ສັງວຽນ​ຄ້າຍ​ມວຍ​ຄຳ​ເສັງ​ແຫ່ງ​ໃໝ່​ຢ່າງ​ເປັນ​ທາງ​ການ.

- new3 - ຝັ່ງໂຂງ ຊະນະນັອກນັກຊົກໄທ ຄວ້າຂັນແຊ້ມ ປະທານມວຍໂລກ ຮຸ່ນ 57 ກິໂລ

     ການ​ແຂ່ງຂັນ​ດັ່ງກ່າວ​ຈັດ​ຂຶ້ນ​ໃນ​ຕອນ​ແລງ​ວັນ​ທີ 26 ​ເມສາ​ຜ່ານ​ມາ ທີ່​ສັງວຽນ​ມວຍ​ໃໝ່​ມວຍ​ຄຳ​ເສັງ ສະ​ໂມ​ສອນ​ກິລາ​ໃນ​ຮົ່ມ​ຄົບ​ວົງ​ຈອນ (ບຶງ​ຂະ​ຫຍອງ) ​ເມືອງ​ສີ​ສັດຕະ​ນາກ ​ໂດຍ​ໃຫ້​ກຽດ​ເຂົ້າຮ່ວມ ​ແລະ ມອບ​ລາງວັນ​ຂອງ​ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ ທັງ​ເປັນ​ຮອງ​ປະທານ ​ແລະ ​ເລຂາທິການ​ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ ​ແລະ ທ່ານ ສາຍສະໝອນ ​ໄຊ​ຍະ​ສອນ ປະທານ​ສະຫະພັນ​ມວຍ​ລາວ​ແຫ່ງ​ຊາດ, ທັງ​ເປັນ​ປະທານ​ສະຫະພັນ​ມວຍ​ໂລກ ​ແລະ ທ່ານ ຄຳ​ເສັງ ສູນ​ດາລາ ປະທານ​ສະຫະພັນ​ມວຍ​ລາວ, ມວຍ​ວູຊູ ​ແລະ ມວຍ​ປັນ​ຈັກ​ສີ​ລັດ ນະຄອນຫລວງ​ວຽງ​ຈັນ, ປະທານ​ບໍລິສັດ ຄຳ​ເສັງ ຈຳກັດ, ​ເຈົ້າຂອງ​ຄ້າຍ​ມວຍ​ຄຳ​ເສັງ.

      ການ​ແຂ່ງຂັນ​ລາຍການ​ດັ່ງກ່າວ​ເປັນ​ການ​ຮ່ວມ​ມື​ກັນ ​ລະຫວ່າງ​ສະຫະພັນ​ມວຍ​ລາວ​ແຫ່ງ​ຊາດ ​ແລະ ບໍລິສັດ ຄຳ​ເສັງ ຈຳກັດ ​ເພື່ອ​ສ້າງ​ຂະ​ບວນການສະ​ເຫລີ​ມສະຫລອງ​ການ​ເປີດ​ສັງວຽນ​ຄ້າຍ​ມວຍ​ຄຳ​ເສັງ​ແຫ່ງ​ໃໝ່​ຢ່າງ​ເປັນ​ທາງ​ການ ພ້ອມ​ທັງ​ເປີດ​ໂອກາດ​ໃຫ້​ນັກຊົກ​ຮຸ່ນ​ສືບ​ທອດ​ສາມາດ​ກ້າວ​ຂຶ້ນມາ​ແຂ່ງຂັນ​ກັບ​ນັກຊົກ​ຮຸ່ນ​ອ້າຍ​ໃນ​ສັງວຽນ​ມວຍ​ດັ່ງກ່າວ ພ້ອມ​ທັງ​ສົ່ງ​ເສີມ​ໃຫ້​ເຂົາ​ເຈົ້າສາມາດ​ກ້າວ​ຂຶ້ນ​ໄປ​ເປັນ​ນັກ​ກິລາ​ມວຍທີ​ມຊາດ​ລາວ​ກຽມ​ສົ່ງ​ເຂົ້າຮ່ວມ​ການ​ແຂ່ງຂັນ​ງານ​ມະຫາ​ກຳ​ກິລາ​ຊີ​ເກ​ມ ຄັ້ງທີ XXX ທີ່​ປະ​ເທດ​ຟີ​ລິບ​ປິນ ​ໃນ​ທ້າຍ​ປີ 2019 ນີ້. ຜ່ານ​ການ​ແຂ່ງຂັນ​ມວຍ​ຄູ່​ເອກ ລະຫວ່າງ ຝັ່ງ​ໂຂງ ຕົວ​ແທນ​ຈາກ ສປປ ລາວ ​ແລະ ​ເພັດ​ດຸນ​ສາດ ກຽດ​ສົມ​ນຶກ ນັກຊົກ​ຊື່​ດັງ​ຈາກ​ແຂວງ​ຂອນ​ແກ່ນ ປະ​ເທດ​ໄທ ຜົນ​ປາກົດ​ວ່າ: ຝັ່ງ​ໂຂງ ​ໄລ່​ຕີ ​ເພັດ​ດຸນ​ສາດ ກຽດ​ສົມ​ນຶກ ຝ່າຍ​ດຽວ ຈົນ​ກຳມະການ​ເທິງ​ເວທີ​ຈັບ​ໃຫ້​ເສຍ​ທັນທີ ​ເພາະ​ຊົກ​ບໍ່​ສົມ​ສັກ​ສີ ​ເຮັດ​ໃຫ້ ຝັ່ງ​ໂຂງ ​ເອົາ​ຊະນະ​ນັອກ ​ໃນ​ຍົກ​ທີ 3 ພ້ອມ​ທັງ​ຄວ້າ​ຂັນ​ແຊ້ມການ​ແຂ່ງຂັນ​ມວຍ​ມິດຕະພາບ ລາວ-​ໄທ ຊີງ​ຂັນ​ທ່ານ​ປະທານ​ສະຫະພັນ​ມວຍ​ໂລກ​ໄປ​ຄອງ​ຢ່າງ​ສົມ​ສັກ​ສີ.

- lattana 1 - ຝັ່ງໂຂງ ຊະນະນັອກນັກຊົກໄທ ຄວ້າຂັນແຊ້ມ ປະທານມວຍໂລກ ຮຸ່ນ 57 ກິໂລ
error: Content is protected !!