ບໍລິຫານເວລາແນວໃດໃຫ້ກຸ້ມຄ່າຫລາຍທີ່ສຸດ

- advert banner 728 90 728x90 - ບໍລິຫານເວລາແນວໃດໃຫ້ກຸ້ມຄ່າຫລາຍທີ່ສຸດ

  ຂ່າວດີກໍຄື ເວລາທີ່ແທ້ຈິງນັ້ນເປັນເລື່ອງຂອງຈິດໃຈ ມັນດຳລົງຢູ່ນຳສະໝອງຂອງເຮົາແລະທ່ານກໍເປັນຄົນສ້າງມັນຂຶ້ນມາເອງ ສິ່ງໃດທີ່ທ່ານສ້າງຂຶ້ນໝາຍຄວາມວ່າມັນແມ່ນສິ່ງທີ່ທ່ານສາມາດບໍລິຫານຈັດການໄດ້ ແລະ ເຖິງເວລາແລ້ວທີ່ທ່ານຕ້ອງກຳຈັດສິ່ງທີ່ທຳລາຍໂຕທ່ານ ຫລື ຂໍ້ຈຳກັດຕ່າງໆທີ່ຢູ່ອ້ອມໂຕ ເຊັ່ນ : ຫາກທ່ານບອກວ່າ “ທ່ານມີເວລາບໍ່ພໍ”ຫລື “ມື້ນີ້ບໍ່ແມ່ນເວລາທີ່ເໝາະສົມ”ຕໍ່ການເຮັດວຽກ ຫລື ການດຳເນີນທຸລະກິດຂອງທ່ານ ການໃຊ້ເວລາມີພຽງແຕ່ 3 ວິທີເທົ່ານັ້ນ ກໍຄື : ການຄິດ, ການສົນທະນາກັບຜູ້ອື່ນ ແລະ ການລົງມືເຮັດ ບໍ່ວ່າທຸລະກິດຂອງທ່ານຈະເປັນແບບໃດ, ວຽກງານຂອງທ່ານກໍລ້ວນແຕ່ປະ ກອບໄປດ້ວຍ 3 ວິທີເຫລົ່ານີ້.

- new3 - ບໍລິຫານເວລາແນວໃດໃຫ້ກຸ້ມຄ່າຫລາຍທີ່ສຸດ
- 030205 2019 1024x896 - ບໍລິຫານເວລາແນວໃດໃຫ້ກຸ້ມຄ່າຫລາຍທີ່ສຸດ
Photo of hands holding paper cards with concept words

     ຫາກທ່ານເປັນເຈົ້າຂອງທຸລະກິດ ກິດຈະການຂອງທ່ານອາດຈະຕິດຂັດຢູ່ຕະຫລອດ ໃນຂະນະທີ່ທ່ານຍັງແກ້ບັນຫາເຫລົ່ານັ້ນບໍ່ໄດ້ ດັ່ງນັ້ນ ທ່ານຕ້ອງຄິດວ່າ ທ່ານຈະຕ້ອງໃຊ້ເວລາເທົ່າໃດກັບການຄິດວິເຄາະ, ກັບການໂອ້ລົມກັບຄົນອື່ນ ແລະ ກັບການລົງມືເຮັດ ເຊິ່ງຈະເຮັດໃຫ້ທ່ານກ້າວໄປສູ່ຄວາມສຳເລັດໄດ້. ລອງຝຶກເຕັກນິກຕໍ່ໄປນີ້ເບິ່ງ ແລ້ວທ່ານຈະກາຍເປັນຄົນທີ່ຄວບຄຸມເວລາຂອງທ່ານໄດ້ຢ່າງງ່າຍດາຍ :

     1. ພົກພາປື້ມຈົດຕາຕະລາງໄວ້ສະເໝີ : ລວມທັງຈົດບັນທຶກສິ່ງທີ່ທ່ານຄິດ, ບັນທຶກການສົນທະນາ ແລະ ກິດຈະກຳຕ່າງໆທີ່ ເກີດຂຶ້ນໝົດທັງອາທິດ ສິ່ງນີ້ຈະຊ່ວຍໃຫ້ທ່ານເຂົ້າໃຈວ່າໃນແຕ່ລະມື້ທ່ານເຮັດຫຍັງໄດ້ຫລາຍປານໃດ, ໃຊ້ເວລາໄປກັບການເຮັດ ຫຍັງແດ່ ທ່ານຈະຮູ້ວ່າທ່ານໃຊ້ເວລາໄປຫລາຍເທົ່າໃດສຳລັບການເຮັດວຽກທີ່ມີປະໂຫຍດ ແລະ ເສຍເວລາໄປເທົ່າໃດກັບເລື່ອງທີ່ບໍ່ເປັນເລື່ອງ.

     2. ກິດຈະກຳ ຫລື ການໂອ້ລົມທີ່ສຳຄັນຄວນຈະມີກຳນົດການທີ່ແນ່ນອນ : ເບິ່ງຄືວ່າລາຍການສິ່ງທີ່ຕ້ອງເຮັດຈະບໍ່ຄ່ອຍໄດ້ຜົນແລ້ວ ປື້ມຈົດຕາຕະລາງນັດນັ້ນຈະໃຊ້ໄດ້ດີກ່ວາ  ລອງສ້າງຕາຕະລາງທີ່ຈັດລຳດັບຄວາມສຳຄັນຂອງກິດຈະກຳທີ່ທ່ານຕ້ອງເຮັດຂຶ້ນມາ ບັນທຶກໄວ້ວ່າສິ່ງເຫລົ່ານີ້ເລີ່ມຂຶ້ນເມື່ອໃດ ແລະ ສິ້ນສຸດເມື່ອໃດ ສິ່ງສຳຄັນຄື ທ່ານຕ້ອງມີວິໄນທີ່ຈະຈົດບັນທຶກໄວ້ຢ່າງສະໝໍ່າສະເໝີ.

     3. ວາງແຜນເພື່ອໃຫ້ໝັ້ນໃຈ ວ່າເວລາຢ່າງໜ້ອຍເຄິ່ງໜຶ່ງຂອງທ່ານຈະຕ້ອງກໍ່ໃຫ້ເກີດວຽກແທ້ໆ.

    4. ຈັດຕາຕະລາງເຜື່ອໄວ້ສຳລັບກໍລະນີທີ່ຕິດຂັດ ຫລື ຂັດຂ້ອງນຳ : ເຜື່ອເວລາໄວ້ໃນກໍໍລະນີທີ່ທ່ານອາດບໍ່ສາມາດມາເຂົ້າວຽກ ໄດ້ ເພື່ອບໍ່ໃຫ້ແຜນຂອງທ່ານຢຸດຊະງັກ.

5. ຈົ່ງໃຊ້ເວລາ 30 ນາທີທຳອິດຂອງມື້ໄປກັບການວາງແຜນຊີວິດຂອງມື້ນັ້ນ ຢ່າຟ້າວເຮັດຢ່າງອື່ນຈົນກ່ວາທ່ານຈະວາງແຜນແລ້ວ ເພາະຊ່ວງເວລາທີ່ທ່ານວາງແຜນ ມັນເປັນຊ່ວງເວລາສຳຄັນທີ່ສຸດຂອງມື້ນັ້ນເລີຍກໍວ່າໄດ້.

- lattana 1 - ບໍລິຫານເວລາແນວໃດໃຫ້ກຸ້ມຄ່າຫລາຍທີ່ສຸດ

     6. ແລະ ກ່ອນທີ່ຈະເລີ່ມເຮັດວຽກຫຍັງກໍຕາມ ໃຫ້ໃຊ້ເວລາຈັກ 5 ນາທີເພື່ອຄິດວ່າທ່ານຢາກໃຫ້ຜົນອອກມາມັນອອກມາເປັນແບບໃດ ມັນຈະຊ່ວຍໃຫ້ທ່ານເຫັນພາບຂອງຄວາມສຳເລັດກ່ອນທີ່ຈະລົງມືເຮັດ ແລະ ຍັງເຮັດໃຫ້ທ່ານບໍ່ຮີບຮ້ອນຟ້າວຟັ່ງນຳອີກ ແລະ ຫລັງຈາກທີ່ແລ້ວວຽກນັ້ນແລ້ວ ກໍໍໃຫ້ໃຊ້ເວລາອີກຈັກ 5 ນາທີ ເພື່ອສຳຫລວດ ແລະ ຕັ້ງຄຳຖາມວ່າຜົນທີ່ອອກມາເປັນໄປຕາມທີ່ທ່ານຕ້ອງການຫລືບໍ່ ຖ້າຫາກບໍ່ເປັນໄປຕາມຕ້ອງການ ແລ້ວມີອັນໃດທີ່ຂາດຫາຍໄປ ? ແລ້ວຕ້ອງເຮັດແນວໃດ  ຈຶ່ງຈະຊົດເຊີຍສິ່ງເຫລົ່ານັ້ນໃນວຽກເທື່ອຕໍ່ໄປໄດ້ ?

     7. ໃຫ້ຫ້ອຍປ້າຍ ຫ້າມລົບກວນໄວ້ : ໃນກໍລະນີທີ່ທ່ານຈຳເປັນຕ້ອງເຮັດວຽກໆໜຶ່ງໃຫ້ສຳເລັດລຸລ່ວງໄປໄດ້ດ້ວຍດີກ່ອນ.

     8. ຝຶກຝົນທີ່ຈະບໍ່ຮັບໂທລະສັບ  ພຽງເພາະມີຄົນໂທເຂົ້າມາ ຫລື ຕອບອີເມວພຽງເພາະວ່າມັນໂຊຂຶ້ນມາເທິງໜ້າຈໍ ແລະ ຕັດການເຊື່ອມຕໍ່ກັບໂປຣແກຣມແຊັດຕ່າງໆ ຢ່າໃຫ້ຄົນອື່ນດຶງຄວາມສົນໃຈຈາກທ່ານໄປ ເພາະຢ່າງໜ້ອຍການໂຕ້ຕອບກັບຄົນອື່ນໆແບບທັນທີທັນໃດນັ້ນ ອາດຈະເຮັດໃຫ້ວຽກຂອງທ່ານລ່າຊ້າ ແລະ ຕິດຂັດໄດ້. ດັ່ງນັ້ນ ຫາເວລາທີ່ເໝາະສົມແລ້ວຄ່ອຍຕອບອີເມວ ຫລື ໂທກັບໄປຈະດີກ່ວາ.

     9. ໃນຊ່ວງເວລາເຮັດວຽກໃຫ້ທ່ານເອົາສິ່ງລໍ້ຕາລໍ້ໃຈອອກໄປໃຫ້ໝົດ ເປັນຕົ້ນແມ່ນເຟສບຸ໊ກ ແລະ ໂລກອອນລາຍອື່ນໆ ນອກ ຈາກວ່າທ່ານຈຳເປັນຕ້ອງໃຊ້ມັນໃນການເຮັດວຽກແທ້ໆ.

   10. ຈື່ໄວ້ວ່າມັນເປັນໄປບໍ່ໄດ້ທີ່ວຽກທຸກຢ່າງຈະສຳເລັດຮຽບຮ້ອຍ ແລ້ວກໍຈື່ໄວ້ວ່າ ເວລາ 20% ທີ່ທ່ານໃຊ້ໄປກັບການຄິດ, ການໂອ້ລົມ ແລະ ການລົງມືເຮັດນັ້ນຈະມີຜົນເຮັດໃຫ້ວຽກຂອງທ່ານສຳເລັດໄປໄດ້ເຖິງ 80%.

error: Content is protected !!