ວິທີເກັບຮັກສານຳ້ນົມແມ່ເມື່ອຕ້ອງເດີນທາງຫ່າງຈາກລູກ

- advert banner 728 90 728x90 - ວິທີເກັບຮັກສານຳ້ນົມແມ່ເມື່ອຕ້ອງເດີນທາງຫ່າງຈາກລູກ

    ບໍ່ວ່າຈະແມ່ນແມ່ທີ່ມີນຳ້ນົມໜ້ອຍ ຫລື ແມ່ທີ່ຕ້ອງໄປເຮັດວຽກນອກບ້ານ ມີວຽກຫລາຍອ້ອມໂຕ ກໍສາມາດເຮັດຄັງເກັບຮັກສານຳ້ນົມໄດ້ບໍ່ຍາກ ພຽງແຕ່ມີຄວາມຕັ້ງໃຈ ແລະ ວິໄນຢ່າງຈິງຈັງ ໂດຍເລີ່ມເກັບມ້ຽນນຳ້ນົມຕັ້ງແຕ່ອາທິດທຳອິດຫລັງເກີດລູກ, ໝັ່ນກະຕຸ້ນໂດຍການໃຫ້ລູກດູດນົມທຸກໆ2 – 3 ຊົ່ວໂມງ ພ້ອມກັບບີບນຳ້ນົມເກັບມ້ຽນໄວ້ທຸກເທື່ອຫລັງຈາກທີ່ລູກດູດແລ້ວ. ໃນຊ່ວງທຳອິດທ່ານອາດຍັງບໍ່ຕ້ອງກັງວົນຫຍັງຫລາຍ ເພາະນຳ້ນົມອາດຍັງບໍ່ມາ ຫລື ມາໄດ້ແຕ່ກົ້ນເຕົ້ານົມເທົ່ານັ້ນ ໃຫ້ເອົານຳ້ນົມນັ້ນຢອດໃສ່ປາຍບ່ວງປ້ອນລູກ ແລະ ພະຍາຍາມບີບຕໍ່ໍໄປເລື້ອຍໆ ເທື່ອລະ15 ນາທີ ອີກບໍ່ເຖິງ 2 ອາທິດ ທ່ານກໍຈະໄດ້ເຫັນປະລິມານນຳ້ນົມທີ່ເພີ່ມຫລາຍຂຶ້ນເລື້ອຍໆຈົນພ້ອມສຳລັບສ້າງຄັງເກັບມ້ຽນນຳ້ນົມໄດ້ຢ່າງແນ່ນອນ.

- lattana 1 - ວິທີເກັບຮັກສານຳ້ນົມແມ່ເມື່ອຕ້ອງເດີນທາງຫ່າງຈາກລູກ
- 060205 2019 - ວິທີເກັບຮັກສານຳ້ນົມແມ່ເມື່ອຕ້ອງເດີນທາງຫ່າງຈາກລູກ

     ສຳລັບແມ່ລູກອ່ອນທີ່ຕ້ອງກັບໄປເຮັດວຽກຫລັງຈາກເກີດລູກໄດ້ 3 ເດືອນ ຄວນກຳນົດເວລາບີບນຳ້ນົມຢູ່ບ່ອນເຮັດວຽກໃຫ້ກົງເວລາທຸກມື້ ໂດຍແບ່ງເວລາບີບທຸກ 3 ຊົ່ວໂມງ ແລ້ວແຊ່ໃນຕູ້ເຢັນ ຫລື ໃນກະເປົ໋າເກັບຄວາມເຢັນທີ່ມີຄູລແພັກພຽງພໍທີ່ຈະຮັກສາຄຸນນະພາບນຳ້ນົມ ເພື່ອເອົາກັບມາເຮືອນໃຫ້ລູກກິນ ຫລື ຕື່ມຄັງທີ່ຂາດໄປ. ສ່ວນໃນມື້ພັກ ແມ່ຄວນຮັກສາປະລິມານນຳ້ນົມໂດຍການໃຫ້ລູກດູດນົມທຸກມື້ ແລະ ບີບນຳ້ນົມເກັບຮັກສາໄວ້ເປັນຄັງນົມແມ່ຢ່າງສະໝໍ່າສະເໝີ.

     ນອກຈາກນີ້, ແມ່ທີ່ຕ້ອງອອກໄປເຮັດວຽກ ຄວນມີວິທີລ້ຽງລູກດ້ວຍນົມແມ່ດັ່ງນີ້ :

     1. ໃຫ້ລູກດູດນົມແມ່ກ່ອນໄປເຮັດວຽກໃນຕອນເຊົ້າ.

     2. ໃນຕອນສວາຍໃຫ້ບີບນຳ້ນຳ້ນົມໄວ້ທຸກໆ 3 ຊົ່ວໂມງ ເພື່ອເກັບມ້ຽນໄວ້ເປັນຄັງ.

     3. ຫລັງຈາກກັບມາຈາກບ່ອນເຮັດວຽກ ໃຫ້ລູກດູມນົມແມ່ຕາມທີ່ລູກຕ້ອງການ.

- 1 1 - ວິທີເກັບຮັກສານຳ້ນົມແມ່ເມື່ອຕ້ອງເດີນທາງຫ່າງຈາກລູກ

     4. ຫາກເປັນມື້ພັກວຽກ ໃຫ້ລູກດູມນົມແມ່ແທນນົມທີ່ເກັບຮັກສາໄວ້ໃນຄັງ.

     – ເຖິງວ່າການແຊ່ເຢັນຈະເປັນວິທີເກັບຮັກສານຳ້ນົມແມ່ໄວ້ເປັນຄັງໄດ້ດົນທີ່ສຸດ, ແຕ່ສານອາຫານ  ຫລື ຄຸນຄ່າບາງຢ່າງໃນນຳ້ນົມແມ່ກໍອາດຫລຸດລົງໄດ້ຕາມໄລຍະເວລາທີ່ເກັບມ້ຽນ ແມ່ຈຶ່ງຄວນໝູນວຽນນົມໃນຄັງມາໃຊ້ໃນໄລຍະເວລາບໍ່ເກີນ 3 ເດືອນ ແລະ ກ່ອນຈະໃຫ້ລູກກິນທຸກເທື່ອ ແມ່ຄວນຊີມເບິ່ງກ່ອນວ່ານົມນັ້ນບູດຫລືບໍ່.