ຍ້ອນ​ຫຍັງ ຈຶ່ງ​ມີເກີດ​ເຫດ​ຄາຕະກຳ​ຫລາຍ​ຂຶ້ນ

- advert banner 728 90 728x90 - ຍ້ອນ​ຫຍັງ ຈຶ່ງ​ມີເກີດ​ເຫດ​ຄາຕະກຳ​ຫລາຍ​ຂຶ້ນ

       ກົມ​ຕຳຫລວດ​ສືບ​ສວນ-ສອບ​ສວນ ກະຊວງ​ປ້ອງ​ກັນ​ຄວາມ​ສະຫງົບ​ໃຫ້​ຮູ້​ວ່າ: ​​ໃນ​ເດືອນ ​ເມສາ ຜ່ານ​ມານີ້, ທົ່ວ​ປະ​ເທດ ມີ​ປະກົດ​ການ​ຫຍໍ້​ທໍ້​ເກີດ​ຂຶ້ນກ່ວາ 100 ​ເລື່ອງ, ພົ້ນ​ເດັ່ນ​ແມ່ນ​ບັນຫາ​ຄາດ​ຕະກຳ ເກີດ​ຂຶ້ນຫລາຍ​ກ່ວາ 10 ​ເລື່ອງ​ຄື: ​ໃນ​ວັນ​ທີ 5 ​ເມສາ ນີ້, ​ໄດ້​ເກີດ​ເຫດ ທ້າວ ສອນ​ທິ​ໄຊ ອາ​ຢູ່ 29 ປີ, ຢູ່​ບ້ານ ​ໂນນ​ສະອາດ ​ເມືອງ ​ໄຊ​ທານີ ນະຄອນຫລວງ​ວຽງຈັນ, ​ໃຊ້​ໄມ້​ທຸບ​ຕີ​ແມ່​ຕົນ​ເອງ​ຈົນ​ເສຍ​ຊີວິດ ຢູ່​ໃນ​ເຮືອນ, ຊຶ່ງ​ສາ​ເຫດ​ຍ້ອນ​ຜິດ​ຂອງ ຢາ​ບ້າ​ມາ​. ​ໃນ​ວັນ​ທີ 13 ​ເມສາ ນີ້, ​ໄດ້​ເກີດ​ເຫດ​ ທ້າວ ໜໍ່ສະຫວັນ ອາ​ຍຸ 41 ປີ, ຢູ່​ບ້ານ ດົງ​ຕາດ​ວນ, ​ໄດ້​ກໍ່​ເຫດ​ຄາດ​ຕະກຳ ທ້າວ ດາວ​ເພັດ ອາຍຸ 41 ປີ, ຢູ່​ບ້ານ ດົງ​ນາ​ຄຳ ​ນະຄອນໄກສອນ​ພົມວິຫານ ​ແຂວງ ສະຫວັນ​ນະ​ເຂດ, ຍ້ອນມີ​ປາກ​ສຽງຜິດ​ກັນ ຈຶ່ງ​ໄດ້​ໃຊ້​ປືນ​ຍິງ​ໃສ່​ຜູ້​ເປັນ​ເຈົ້າ​ຂອງ​ເຮືອນ​ເສຍ​ຊີວິດ​ຄາ​ທີ່ ​ແລະ ມີ​ຜູ້​ທີ່​ມາ​ຊຸມ​ແຊວ ​ໄດ້​ຮັບ​ບາດ​ເຈັບ​ສາຫັດ 3 ຄົນ. ຂະນະ​ດຽວກັນ ​ໃນ​ວັນ​ທີ 16 ​ເມສາ, ​ໄດ້​ເກີດ​ເຫດ ທ້າວ ຄຳ ອາຍຸ 29 ປີ ຢູ່​ບ້ານ ຊຽງຄໍ້ ​ແຂວງ ຫົວພັນ ​ໄດ້​ກໍ່​ເຫດ​ຄາດ​ຕະກຳ ທ້າວ ວົງ​ສຸ ອາຍຸ 45 ປີ, ປະຊາຊົນ ຢູ່​ບ້ານ​ດຽວກັນ​ກັບ​ຜູ້ກ່ຽວສາ​ເຫດ​ຍ້ອນ ຜູ້​ຕ້ອງ​ຫາ​ພົວພັນ​ກັບ​ຢາ​ເສບ​ຕິດ ​

- lattana 1 - ຍ້ອນ​ຫຍັງ ຈຶ່ງ​ມີເກີດ​ເຫດ​ຄາຕະກຳ​ຫລາຍ​ຂຶ້ນ

​ ເຈົ້າໜ້າທີ່​ໃຫ້​ຮູ້​ອີກວ່າ: ໃນ​ໄລຍະ​ສະຫລອງ​ບຸນປີ​ໃໝ່ລາວ ລະຫວ່າງ13-16 ​ເມສາ ນີ້, ທົ່ວ​ປະ​ເທດ ມີ​ປະກົດ​ການຫຍໍ້​ທໍ້​ເກີດ​ຂຶ້ນ 15 ​ເລື່ອງ, ​ເຈົ້າໜ້າທີ່​ສາມາດ​ແກ້​ໄຂ​ໄດ້ 14 ​ເລື່ອງ, ກັກ​ຕົວ​ຜູ້​ຕ້ອງ​ຫາ​ມາ​ດຳ​ເນີນ​ຄະດີ​ໄດ້ 22 ຄົນ, ພົ້ນ​ເດັ່ນ​ແມ່ນ​ຄະດີ​ຄາດ​ຕະກຳ ​ເກີດ​ຂຶ້ນ 5 ​ເລື່ອງ, ມີ​ຜູ້​ເສຍ​ຊີວິດ 4 ຄົນຄື: ຢູ່​ແຂວງ ຄຳ​ມ່ວນ ​ແລະ ສະຫວັນ​ນະ​ເຂດ, ລັກ​ຊັບ​ພົນລະ​ເມືອງ 4 ​ເລື່ອງ, ທຳຮ້າຍ​ຫ່າງ​ກາຍ 3 ​ເລື່ອງ, ປຸ້ນ​ຊັບ, ມີ​ອາວຸດ​ເສີກ​​ໄວ້​ໃນ​ຄອບ​ຄອງ ​ແລະ ທຳ​ມິດສາຈານ ອື່ນໆອີກ.

​ເຈົ້າໜ້າທີ່​ໃຫ້​ຮູ້​ວ່າ: ສາ​ເຫດການ​ຄາດ​ຕະກຳ ສ່ວນ​ໃຫຍ່​ແມ່ນ​ເກີດ​ຂຶ້ນຍ້ອນ​ບັນຫາ​ຢາ​ເສບ​ຕິດ ທີ່​ກຳລັງ​ເປັນ​ໄພ​ຄຸກ​ຄາມ​ໄວໜຸ່ມຊາວໜຸ່ມ ຢູ່​ໃນ​ສັງຄົມ​ປັດຈຸບັນ, ສ່ວນ​ໃຫຍ່​ແມ່ນ​ຈະ​ເປັນ​ໄວ​ລຸ້ນທີ່​ລົງມື​ກໍ່​ເຫດ, ສະ​ນັ້ນ ສັງຄົມ​ເຮົາ​ຈະ​ຕ້ອງ​ໄດ້​ເພີ່ມ​ທະວີ​ເປັນ​ເຈົ້າ​ການ​ຮ່ວມ​ກັນ​ເພື່ອ​ຕ້ານ ​ແລະ ສະກັດ​ກັ້ນ​ສິ່ງ​ດັ່ງກ່າວ​ໃຫ້​ມີ​ປະສິດທິພາບ​ສູງ.

- Tiger Head 728x90 - ຍ້ອນ​ຫຍັງ ຈຶ່ງ​ມີເກີດ​ເຫດ​ຄາຕະກຳ​ຫລາຍ​ຂຶ້ນ
- 1 1 - ຍ້ອນ​ຫຍັງ ຈຶ່ງ​ມີເກີດ​ເຫດ​ຄາຕະກຳ​ຫລາຍ​ຂຶ້ນ
error: Content is protected !!