ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ

- advert banner 728 90 728x90 - ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ


ໂດຍ: ທິດ​ກ່ຳ

- lattana 1 - ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ

ນັບແຕ່ປີ 1986 ພາຍຫລັງປະເທດຊາດຂອງພວກເຮົາໄດ້ເປີດປະຕູສູ່ໂລກພາຍນອກຕາມແນວທາງປ່ຽນແປງໃໝ່ຂອງພັກ ແລະ ລັດຖະບານເຫັນວ່າຄວາມຈະເລີນໄດ້ເດີນໜ້າໄປຕິກໆ.

ໃນໄລຍະ 40 ກວ່າປີແຫ່ງການປົກປັກຮັກສາ ແລະ ພັດທະນາປະເທດຊາດສາທາລະນະລັດ ປະຊາທິ ປະໄຕ ປະຊາຊົນລາວ ຂອງພວກເຮົາໄດ້ຍືນຍົງໝັ້ນຄົງ ແລະ ຂະຫຍາຍຕົວກ້າວໄປທຸກດ້ານ. ດ້ານການເມືອງກໍນັບມື້ ມີສະເຖຍລະພາບໜັກແໜ້ນ.

ດ້ານເສດຖະກິດກໍຂະຫຍາຍຕົວຢ່າງຕໍ່ເນື່ອງ ແລະ ສັງຄົມວັດທະນະທຳກໍນັບ ມື້ມີຄວາມຈະເລີນຮຸ່ງເຮືອງ ໄປເລື້ອຍໆ, ຈາກສິ່ງທີ່ກ່າວມານີ້, ໄດ້ເຮັດໃຫ້ຖານະບົດບາດຂອງປະເທດຊາດສູງເດັ່ນຂຶ້ນໃນເວທີສາກົນປັດຈຸບັນ, ສປປ ລາວ ຂອງພວກເຮົາໄດ້ເຂົ້າເປັນພາຄີໃນຫລາຍອົງການຈັດຕັ້ງສາກົນ ແລະ ມີສາຍພົວພັນທາງການທູດກັບ 100 ກວ່າປະເທດ.

ໃນຊ່ວງໄລຍະປົກປັກຮັກສາ ແລະ ພັດທະນາ ປະເທດຊາດເຖິງວ່າມີອິດທິ ກຳລັງປໍລະປັກທີ່ຢູ່ພາຍໃນ   ແລະ ຕ່າງປະເທດໄດ້ສຸມໃສ່ ເຮັດທຸກສິ່ງທຸກຢ່າງເພື່ອມ້າງເພທຳລາຍ, ໃຊ້ກຳລັງ ປະເຊີນໜ້າໂຈມຕີໂດຍກົງ, ທັງໃຊ້ເລ້ລ່ຽມກົນອຸບາຍຫັນປ່ຽນໂດຍສັນຕິແຕ່ກໍບໍ່ສາມາດທັບມ້າງລະບອບໃໝ່ອັນເປັນລະບອບການປົກຄອງປະຊາທິປະໄຕ ປະຊາຊົນ ທີ່ເປັນເສັ້ນທາງເລືອກສົມກັບຄວາມມຸ້ງມາດປາດຖະໜາຂອງປະຊາຊົນ ບັນດາເຜົ່າໃນທົ່ວປະເທດ.

ການກ້າວເດີນຕາມເສັ້ນທາງສັງຄົມນິຍົມແຫ່ງຍຸກ ສະໄໝໃໝ່ໄດ້ສ້າງປັດໄຈ ແລະ ເງື່ອນໄຂໃຫ້ປະຊາຊົນ ລາວ ໄດ້ມີອຸດົມການ, ມີຄວາມຫວັງໃນການກຳນົດ ເສັ້ນທາງເດີນແຫ່ງການ ດຳລົງຊີວິດພາຍໃຕ້ການ ນຳພາຂອງພັກ ແລະ ລັດຖະບານອັນມີທຸງກາວົງເດືອນເປັນສັນຍາລັກຂອງປະເທດ.

ໃນປັດຈຸບັນນີ້, ເຫັນວ່າ ປະຊາຊົນບັນດາເຜົ່າກໍຄືປະເທດຊາດ ຍິ່ງມີການພັດທະ ນາເດີນໜ້າໄປຢ່າງບໍ່ຢຸດຢັ້ງ, ໝາກຜົນແຫ່ງຄວາມຈະເລີນຮຸ່ງເຮືອງຂອງຊາດ ທີ່ໄດ້ມານັ້ນ, ກໍແມ່ນຍ້ອນຄວາມສາ ມັກຄີອັນເປັນປຶກແຜ່ນຂອງ ປວງຊົນລາວທັງຊາດ.

ຖ້າເບິ່ງໃນແຕ່ລະຂົງເຂດເປັນຕົ້ນຂົງເຂດປ້ອງກັນຊາດ-ປ້ອງກັນຄວາມສະ ຫງົບກໍມີຄວາມໜັກແໜ້ນ ແກ່ນແຂງໂດຍພື້ນຖານ, ຂົງເຂດເສດຖະກິດການຜະລິດກໍນັບມື້ຂະຫຍາຍຕົວເພີ່ມຂຶ້ນ ເລື້ອຍໆ. ດ້ານສັງຄົມວັດທະນະທຳກໍຍິ່ງໄດ້ຮັບການປັບປຸງ ແລະ ພັດທະນາກ້າວຂຶ້ນ ໄປຄຽງຄູ່ກັບດ້ານອື່ນໆ ຢ່າງຕັ້ງໜ້າ.

- 1 1 - ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ
- Tiger Head 728x90 - ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ

ຈາກປັດໄຈ ແລະ ຜົນສຳເລັດທີ່ກ່າວມານີ້, ຈຶ່ງເຮັດໃຫ້ ສປປ ລາວ ຂອງພວກເຮົານັບມື້ກ້າວຂຶ້ນ ແລະ ມີບົດບາດ ຕໍ່ພາກພື້ນ ແລະ ສາກົນໄດ້ມີ ຄວາມເຊື້ອໝັ້ນຕໍ່ ສປປ ລາວ ຢ່າງໃຫຍ່ຫລວງພໍສົມຄວນ ເຖິງຢ່າງໃດກໍດີ, ໄປຄຽງຄູ່ ກັບຜົນງານ ແລະ ໄຊຊະນະ ອັນໃຫຍ່ຫລວງນັ້ນພວກເຮົາກໍບໍ່ສາມາດປະຕິເສດໄດ້ ຕໍ່ສິ່ງຫຍໍ້ທໍ້ທີ່ຕາມມາເປັນຕົ້ນ: ບັນຫາການສໍ້ລາດ, ບັງຫລວງ, ສໍ້ຫລວງບັງລາດບັນ ຫາຢາເສບຕິດ, ຍິງກັນຂ້າກັນຕາຍ, ບັນຫາຊີວິດການເປັນ ຢູ່ຂອງ ປະຊາຊົນ ໃນຫລາຍ ທ້ອງຖິ່ນຍັງທຸກຍາກລຳບາກ, ຖະໜົນຫົນທາງໃນ ຫລາຍຈຸດຫລາຍບ່ອນ ແລະ ຫລາຍທ້ອງຖິ່ນຍັງບໍ່ທັນໂລ່ງລ່ຽນສະດວກສະບາຍ ເທົ່າທີ່ຄວນ.

ບັນຫາການໄປມາເກີດອຸປະຕິເຫດ ໃນທ້ອງຖະໜົນ ແລະ ປາກົດການຫຍໍ້ທໍ້ອື່ນໆ ຕາມມາ. ນອກຈາກສິ່ງດັ່ງ ກ່າວແລ້ວ, ຍັງມີບັນຫາປະສົບກັບໄພທຳມະຊາດຕ່າງໆນາໆ ຍ້ອນການປ່ຽນແປງ ຂອງດິນຟ້າອາກາດໃນຍຸກປັດຈຸບັນ.

ແນວໃດກໍດີ, ຕາມເຮົາ ວ່າພາຍໃຕ້ການຊີ້ນຳ-ນຳພາຂອງພັກ ແລະ ລັດຖະບານ, ອີງໃສ່ມູນເຊື້ອຕໍ່ສູ້ ແລະ ດຸໝັ້ນຫ້າວຫັນຂອງປະຊາຊົນ ບັນດາເຜົ່າພວກເຮົາຈະສາມາດຜ່ານພົ້ນ ແລະ ນຳພາປະເທດຊາດກ້າວເດີນໄປຂ້າງ ໜ້າຈາກໄຊຊະນະນີ້ໄປສູ່ໄຊຊະນະໃໝ່.

ອີກບໍ່ດົນທາງລົດໄຟ ຄວາມໄວສູງກໍຈະສຳເລັດ. ໂຄງການກໍ່ສ້າງເຂື່ອນໄຟຟ້າແຕ່ລະແຫ່ງໃນທົ່ວປະເທດໄດ້ຖືກນຳໃຊ້ບໍລິບູນ, ໂຄງການກໍ່ສ້າງຖະໜົນຫົນທາງຫລັກ ທີ່ໄດ້ມາດຕະຖານໃນທົ່ວປະເທດ, ນັບທັງໂຄງການພັດທະນາດ້ານອື່ນໆ ໄປຄຽງຄູ່ກັບການຂະຫຍາຍຕົວເສດຖະກິດ-ສັງຄົມເມື່ອນັ້ນລະການ ໄປມາຈະສະດວກສະບາຍ, ປະເທດຊາດ ກໍຈະມັ່ງຄັ່ງຮັ່ງມີ, ອະນາຄົດປະຊາຊົນ ເຮົາກໍພາກັນຖົງຕຶ່ງຄືກັນກັບບ້ານເພິ່ນທີ່ມີການພັດທະນາແລ້ວ.

- 384 - ປະ​ເທດ​ຊາດ​ພັດທະນາ ສິ່ງ​ຕາມ​ມາ​ກໍ​ມີ​ທັງ​ອັນ​ດີ​ອັນ​ຮ້າຍ
(ພາບປະກອບ)
error: Content is protected !!