ເປີດຫ້ອງຂາຍໂຄງການອະຣາຕະໄຊເສດຖາຂອງກຸ່ມບໍລິສັດອະສັງຫາລິມາຊັບ ຄຣິດ

- advert banner 728 90 728x90 - ເປີດຫ້ອງຂາຍໂຄງການອະຣາຕະໄຊເສດຖາຂອງກຸ່ມບໍລິສັດອະສັງຫາລິມາຊັບ ຄຣິດ

ພິທີເປີດຫ້ອງການຂາຍຂອງກຸ່ມບໍລິສັດ ຄຣີດ ແລະ ອານັນດີ ສຳລັບໂຄງການອະຣາຕະໄຊເສດຖາ, ເປັນໂຄງການອະສັງຫາລິມມະຊັບທຳອິດ ຂອງ ຢີ່ປຸ່ນໃນລາວ, ເປັນຫ້ອງການເພື່ອແນະນໍາ ແລະ ໃຫ້ຂໍ້ມູນກ່ຽວກັບໂຄງການ ສະຖານທີ່ຕັ້ງຢູ່ບ້ານ ໂພນທັນ ເມືອງໄຊເສດຖາ, ນະຄອນຫລວງວຽງຈັນ.

- lattana 1 - ເປີດຫ້ອງຂາຍໂຄງການອະຣາຕະໄຊເສດຖາຂອງກຸ່ມບໍລິສັດອະສັງຫາລິມາຊັບ ຄຣິດ

  ທ່ານ ໂທຊິຮິໂກ ມູນິໂຢຊິ ຜູ້ອຳນວຍການ ກຸ່ມບໍລິສັດຄຣີດ ໃຫ້ຮູ້ວ່າ: ກຸ່ມບໍລິສັດຂອງຕົນ ເປັນກຸ່ມບໍລິສັດ ອະສັງຫາລິມະຊັບແນວໜ້າຂອງປະເທດຢີ່ປຸ່ນທີ່ມີປະສົບການຫລາຍກວ່າ 20 ປີ ມີໂຄງ ການປະສົບຜົນສຳເລັດໃນ 9 ປະເທດ ແລະ ລົງທຶນໃນຕະຫລາດອະສັງຫາລິມະຊັບ ທີ່ກໍາລັງຂະ ຫຍາຍໂຕ ຢູ່ປະເທດກຳປູເຈຍ, ມາເລເຊຍ, ຫວຽດນາມ, ບັງກາລາເທດ ແລະ ລາວ. ໂຄງການທີ່ຢູ່ອາໄສ ອະຣາຕະໄຊເສດຖາ ແມ່ນໂຄງການທຳອິດຂອງ ຄຣີດ ໃນປະເທດລາວ ເປັນໂຄງການຮ່ວມລົງທຶນກັບ ກຸ່ມບໍລິສັດ ອານັນດີ ລາວ ຈຳກັດ. ຊຶ່ງໄດ້ເລີ່ມກໍ່ສ້າງໃນປີ 2019 ແລະ ຈະໃຫ້ສຳເລັດໃນປີ 2021.

   ທ່ານນາງ ຊູມຽນ ເດດປັນຍາ ຜູ້ອຳນວຍການກຸ່ມບໍລິສັດອານັນດີ ກ່າວວ່າ: ກຸ່ມບໍລິສັດອານັນດີ ມີສຳນັກງານໃຫຍ່ຕັ້ງຢູ່ສິງກະໂປ ໄດ້ເລີ່ມຫລາຍໂຄງການຢ່າງຕໍ່ເນື່ອງໃນນີ້ລວມທັງໂຄງການ ອານັນດີ ລີເວີວິວ, ເຊິ່ງໄດ້ຈັດຕັ້ງປະຕິບັດ ມາແຕ່ເດືອນກຸມພາ 2018 ແລະ ຈະສໍາເລັດໃນປີ 2019 ນີ້.

   ໂຄງການອະຣາຕະໄຊເສດຖາ ປະກອບມີ 108 ຫລັງ, ມີແບບບ້ານຕ່າງໆໃຫ້ເລືອກໄດ້ຕາມໃຈເຊັ່ນ: ຫ້ອງແຖວ 2 ຊັ້ນ, 3 ຊັ້ນ ສາມາດຄ້າຂາຍໄດ້ ແລະ ວິນລາ 2 ຊັ້ນ, ໃນລາຄາເລີ່ມຕົ້ນພຽງແຕ່ 95.789 ໂດລາສະຫະລັດ. ນອກຈາກນັ້ນ, ຍັງມີສະຖານທີ່ຕ່າງໆ ເຊັ່ນ: ສະລອຍນໍ້າຊຸມຊົນ, ສະລອຍນໍ້າເດັກນ້ອຍ, ສະໜາມເດັກຫລີ້ນ, ມິນິມາກ, ສູນອອກກຳລັງກາຍ ແລະ ມີການຮັກສາຄວາມປອດໄພ 24 ຊົ່ວໂມງ. ສະຖານທີ່ແມ່ນຫ່າງຈາກ ລາວ-ໄອເຕັກ ພຽງ 4 ກິໂລແມັດ, ຢູ່ໃກ້ຕະຫລາດຂາຍສົ່ງ ວາຊາບີ, ສະໜາມກິລາລ້ານຊ້າງ, ໂຮງໝໍກະເສມລາດ ແລະ ອື່ນໆ.

- Tiger Head 728x90 - ເປີດຫ້ອງຂາຍໂຄງການອະຣາຕະໄຊເສດຖາຂອງກຸ່ມບໍລິສັດອະສັງຫາລິມາຊັບ ຄຣິດ
- 1 1 - ເປີດຫ້ອງຂາຍໂຄງການອະຣາຕະໄຊເສດຖາຂອງກຸ່ມບໍລິສັດອະສັງຫາລິມາຊັບ ຄຣິດ
error: Content is protected !!