ປະໂຫຍດດີໆຈາກຊີສ

- advert banner 728 90 728x90 - ປະໂຫຍດດີໆຈາກຊີສ

   ຊີສ ເກີດມາຈາກການໝັກນົມ ມີປະໂຫຍດຕໍ່ສຸຂະພາບຫລາຍ ເຊັ່ນ:

- lattana 1 - ປະໂຫຍດດີໆຈາກຊີສ

     1. ແຫ່ລງທີ່ມາຂອງໂປຣຕິນ : ໂປຣຕິນເປັນສິ່ງຈຳເປັນສຳລັບຮ່າງກາຍ, ມີໜ້າທີ່ຊ່ວຍໃນການເຜົາຜານ ໄປຈົນເຖິງສ້າງກ້າມຊີ້ນ ແລະ ຊີສແມ່ນແຫ່ລງໂປຣຕິນຊັ້ນດີ.

     2. ເປັນແຫ່ລງທີ່ມາຂອງຄາໂບໄຮເດຣດ : ຄາໂບໄຮເດຣດເປັນພະລັງງານສຳລັບຮ່າງກາຍ ເຊິ່ງຊີສ ປະກອບດ້ວຍຄາໂບໄຮເດຣດທີ່ສະຫລາຍໂຕໃນຮູບແບບຂອງນຳ້ຕານກລູໂກສ, ແຕ່ປະລິມານຂອງຄາໂບໄຮເດຣດນັ້ນຂຶ້ນຢູ່ກັບຊີສແຕ່ລະປະເພດ.

     3. ໄຂມັນ : ໃນຊີສມີໄຂມັນທີ່ດີຕໍ່ຮ່າງກາຍ ມີໂອເມກ້າ 3 ແລະ 6 ພ້ອມກັບກົດອະມິໂນ ສາມາດຊ່ວຍດູແລລະບົບປະສາດ ແລະ ສະໝອງໄດ້.

    4. ມີກະດູກແຂງແຮງ : ກະດູກຂອງເຮົາມີໂອກາດທີ່ຈະເສື່ອມຢ່າງໄວວາ ທັງນີ້ຂຶ້ນຢູ່ກັບລະດັບກິດຈະກຳຂອງເຮົາ ໃນກໍລະນີນີ້ຊີສອາດເປັນອາຫານເສີມໃຫ້ກັບທ່ານ ເພາະໃນຊີສອຸດົມໄປດ້ວຍທາດການຊຽມ, ວິຕາມິນເບ ໂດຍຈະຊ່ວຍກະຈາຍທາດການຊຽມໄປທົ່ວຮ່າງກາຍ ແລະ ຊີສຍັງເປັນແຫ່ລງຂອງທາດການຊຽມ ແລະ ແຮ່ທາດທີ່ດີສຳລັບການຈະເລີນເຕີບໃຫຍ່ຂອງເດັກ.

     5. ຫົວໃຈທີ່ແຂງແຮງ : ຊີສດີຕໍ່ການເຮັດວຽກຂອງຫົວໃຈ ເພາະມີໂປຣຕັສຊຽມ, ຟົສຟໍ ແລະ ແມັກນີຊຽມ ເຊິ່ງດີຕໍ່ລະບົບຫົວໃຈ ແລະ ຫລອດເລືອດຂອງທ່ານ.

     6. ປ້ອງກັນມະເຮັງ : ມັນສາມາດຊ່ວຍຫລຸດຄວາມສ່ຽງຂອງມະເຮັງ ເພາະອຸດົມໄປດ້ວຍກົດໄລໂນເລອິກ ຫລື ວິຕາມິນ F ເຊິ່ງເປັນສານເຄມີທີ່ຮູ້ຈັກກັນໃນຄຸນສົມບັດຂອງສານຕ້ານອະນຸມູນອິດສະລະ ເປັນກົດໄຂມັນທີ່ຈຳເປັນຕໍ່ຮ່າງກາຍໂຕໜຶ່ງທີ່ມີປະໂຫຍດຫລາຍໆ ເຊິ່ງກົດໄລໂນເລອິກຈະຊ່ວຍປ້ອງກັນບໍ່ໃຫ້ຄໍເລສເຕີໂຣນໄປສະສົມຢູ່ຜິວໜັງຫລອດເລືອດ.

- 1 1 - ປະໂຫຍດດີໆຈາກຊີສ

     7. ປ້ອງກັນພະຍາດກະດູກຜ່ອຍ:ພະຍາດນີ້ກໍເປັນໄພຮຸກຮານຕໍ່ຜູ້ຄົນຈາກທຸກກຸ່ມອາຍຸ ການບໍລິໂພກຊີສ ແລະ ຜະລິດຕະພັນນົມອື່ນໆຢ່າງຕໍ່ເນື່ອງຊ່ວຍປ້ອງກັນໄດ້.

     8. ສຸຂະພາບແຂ້ວທີ່ດີ : ທາດການຊຽມ ແລະ ຟົສຟໍ ແລະ ແຮ່ທາດອື່ນໆທີ່ມີຢູ່ໃນຊີສ ຊ່ວຍຮັກສາຄວາມແຂງແຮງ ແລະ ຄວາມສົມບູນຂອງແຂ້ວ.

     9. ຊ່ວຍຫລຸດຄວາມເຄັ່ງຄຽດ : ມີການສຶກສາກ່ຽວກັບສາເຫດຂອງຄວາມເຄັ່ງຄຽດ ແລະ ຄວາມວິຕົກກັງວົນ ມີການສັງເກດວ່າມີຊີສຊ່ວຍຫລຸດຄວາມຕື່ນຕົກໃຈ ແລະ ວິຕົກກັງວົນໄດ້.

     10. ມີໂປຣໄບໂອຕິກ : ເຮົາທຸກຄົນຮູ້ເຖິງປະໂຫຍດຂອງໂຢເກິດໃນຖານະໂປຣໄບໂອຕິກ ແລະ ແບັກທີເຣຍທີ່ດີ ໂດຍແບັກທີເຣຍທີ່ດີກໍມີຢູ່ໃນຊີສນຳອີກ ສາມາດຊ່ວຍຮັກສາສຸຂະພາບຂອງລຳໄສ້ໄດ້ຄືກັນ.