ຢູ15 ຍິງທີມຊາດລາວ ຕັ້ງເປົ້າເຂົ້າຮອບ 4 ທີມ ບານເຕະຍິງຊີງແຊ້ມອາຊຽນ 2019

- advert banner 728 90 728x90 - ຢູ15 ຍິງທີມຊາດລາວ ຕັ້ງເປົ້າເຂົ້າຮອບ 4 ທີມ ບານເຕະຍິງຊີງແຊ້ມອາຊຽນ 2019

      ຄະນະ​ຄູ​ຝຶກ​ ​ແລະ ນັກ​ກິລາ​ເຕະບານ​ຍິງທີ​ມຊາດ​ລາວ ຮຸ່ນ​ບໍ່​ເກີນ 15 ປີ ​ເດີນທາງ​ເຂົ້າຮ່ວມ​ການ​ແຂ່ງຂັນ​ເຕະບານ​ຍິງ ຢູ15 ຊີງ​ແຊ້ມອາ​ຊຽນ 2019 (AFF U15 GIRLS’ CHAMPIONSHIP 2019) ທີ່​ປະ​ເທດ​ໄທ ​ໃນ​ລະຫວ່າງ​ວັນ​ທີ 9-21 ພຶດສະພາ​ນີ້ ຕັ້ງ​ເປົ້າ​ເຂົ້າຮອບ 4 ທີ​ມ.

- lattana 1 - ຢູ15 ຍິງທີມຊາດລາວ ຕັ້ງເປົ້າເຂົ້າຮອບ 4 ທີມ ບານເຕະຍິງຊີງແຊ້ມອາຊຽນ 2019

      ທ່ານ ນາງ ພອນ​ທິບ ​ແສງມະນີ ຄູ​ຝຶກ ຢູ15 ຍິງທີ​ມຊາດ​ລາວຊຸດ​ນີ້ ກ່າວ​ວ່າ: ປັດຈຸບັນ​ ທີ​ມມີ​ຄວາມ​ພ້ອມ​ເກືອບ​ເຕັມ​ຮ້ອຍ ຫລັງ​ຈາກ​ເກັບ​ຕົວຝຶກ​ຊ້ອມ​ປະມານ 1 ​ເດືອນ ນັກ​ກິລາ​ສ່ວນ​ຫລາຍ​ມາ​ຈາກຊຸດ​ຄວ້າ​ແຊ້ມທີ່​ຮົງ​ກົງ​ໃນຕົ້ນປີ​ນີ້ ຈຳນວນ 15 ຄົນ ບວກ​ກັບ 2 ນັກ​ກິລາຈາກ​ຊຸດ​ແຊ້ມທີ່​ບັງ​ກະລາ​ເດັດ ນຳ​ໂດຍ ​ເປ້ ພົມ​ພັກດີ ດາວ​ຍິງ 8 ປະຕູ ອາຍຸ 15 ປີ ສ່ວນ​ທີ່​ເຫລືອ​ແມ່ນ​ນັກ​ກິລາ​ໃໝ່.

      ນັກ​ກິລາ​ຊຸດ​ນີ້​ຈະ​ເດີນທາງ​ເຂົ້າຮ່ວມ ຢູ15 ຊີງ​ແຊ້ມອາຊີ 2019 ທີ່​ຊົນ​ບູລີ ປະ​ເທດ​ໄທ ​ໃນ​ລະຫວ່າງ​ວັນ​ທີ 9-21 ພຶດສະພາ​ນີ້ ​ໂດຍ​ມີ 9 ທີ​ມ​ເຂົ້າຮ່ວມ, ລາວ​ຢູ່​ກຸ່ມ B ຮ່ວມ​ກັບ​ເຈົ້າພາບ​​ໄທ​ແຊ້ມ​ເກົ່າ, ມາ​ເລ​ເຊຍ, ສິງກະ​ໂປ ​ແລະ ກຳປູ​ເຈຍ. ກຸ່ມ A ມີ​ມຽນມາ​ຮອງ​ແຊ້ມ, ຫວຽດນາມ, ຟີ​ລິບ​ປິນ ​ແລະ ຕີ​ມໍ​ເລ​ສ​ເຕ. ຊຸດ​ນີ້​ຕັ້ງ​ເປົ້າ​ເຂົ້າສູ່​ຮອບ 4 ທີ​ມ​ເໝືອນ​ກັບ​ເຮັດ​ໄດ້​ໃນ​ຄັ້ງທີ່​ຜ່ານ​ມາ.

      ສຳລັບ​ຕາຕະລາງ​ແຂ່ງຂັນຂອງ ຢູ15 ຍິງ​ທີ​ມຊາດ​ລາວ​ໃນ​ກຸ່ມ B: ນັດ​ທີ 1 ພົບ​ກັບ ມາ​ເລ​ເຊຍ ​ໃນ​ວັນ​ທີ 9 ພຶດສະພາ ​ເວລາ 15:30 ​ໂມງ ​ແຂ່ງຂັນ​ຢູ່​ສະໜາມ Institute of Physical Education Chonburi Campus Stadium 2, ນັດ​ທີ 2 ພົບ​ກັບ ສິງກະ​ໂປ ​​ໃນ​ວັນ​ທີ 13 ພຶດສະພາ ​ເວລາ 15:30 ​ໂມງ ​ແຂ່ງຂັນ​ຢູ່​ສະໜາມ Institute of Physical Education Chonburi Campus Stadium 2, ນັດ​ທີ 3 ພົບ​ກັບ ກຳປູ​ເຈຍ ​ໃນ​ວັນ​ທີ 15 ພຶດສະພາ ​ເວລາ 15:30 ​ໂມງ ຢູ່​ສະໜາມ Institute of Physical Education Chonburi Campus Stadium 2 ​ແລະ ນັດ​ທີ 4 ພົບ​ກັບ ​ໄທ ​ໃນ​ວັນ​ທີ 17 ພຶດສະພາ​ ​ເວລາ 15:30 ​ໂມງ ຢູ່​ສະໜາມ Institute of Physical Education Chonburi Campus Stadium 1.

- 1 1 - ຢູ15 ຍິງທີມຊາດລາວ ຕັ້ງເປົ້າເຂົ້າຮອບ 4 ທີມ ບານເຕະຍິງຊີງແຊ້ມອາຊຽນ 2019