ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ

- 40882585 281737992551377 2609591596127092736 n - ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ
- Untitled design - ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ

     ​ແຫ​ລ່ງຂ່າວ​ສະຫວັນ​ນະ​ເຂດ​ໃຫ້​ຮູ້​ວ່າ: ປັດຈຸບັນ ສະພາບ​ການ​ລັກລອບ​ຂຸດ​ຄົ້ນ​ໄມ້ ​ແລະ ​ເຄື່ອນ​ຍ້າຍ​ໄມ້​ຢູ່​ແຂວງ​ດັ່ງກ່າວ​ປາກົດ​ວ່າ​ຫລຸດ​ລົງ​ຫລາຍ ​ເມື່ອ​ທຽບ​ໃສ່​ເມື່ອ​ກ່ອນ ອັນ​ໄດ້​ເຮັດ​ໃຫ້ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງຄົມ​ດ້ວຍ​ກົດໝາຍ​ໄດ້​ຮັບ​ການຈັດຕັ້ງປະຕິບັດ​ເປັນ​ຮູບ​ປະ​ທຳ​ຫລາຍ​ຂຶ້ນ ​ເຊິ່ງ​ເຮັດ​ໃຫ້​ບົດບາດ​ໃນ​ການ​ນຳພາ​ຄຸ້ມ​ຄອງ​ຂອງ​ພັກ-ລັດ​ສູງ​ຂຶ້ນ, ຜູ້​ປະກອບ​ການ​ຈຳນວນ​ໜຶ່ງ​ກໍ​ໄດ້​ເອົາ​ໃຈ​ໃສ່​ປັບປຸງ​ຍົກ​ລະດັບ​ຄວາມ​ສາມາດ​ສ້າງ​ຜະລິດ​ຕະພັນ​ສຳ​ເລັດ​ຮູບ​ທີ່​ມີ​ມູນ​ຄ່າ​ເພີ່ມ​ສູງ​ຂຶ້ນ ພາຍຫລັງ​ມີ​ຄຳ​ສັ່ງ​ເລກທີ 15/ນຍ ​ເຮັດ​ໃຫ້​ຜູ້​ລະ​ເມີດ​ມີ​ຄວາມ​ຢ້ານ​ກົວ ​ແລະ ບໍ່​ກ້າ​ກະທຳ​ຜິດ​ຊ້ຳອີກ. ນີ້​ແມ່ນ​ການ​ເປີດ​ເຜີຍ​ຂອງ​ເຈົ້າໜ້າ​ທີ່​ປ່າ​ໄມ້​ແຂວງ​ສະຫວັນ​ນະ​ເຂດ.

      ອັນ​ສຳຄັນ​ໃນ​ຜ່ານ​ມາ ທາງ​ການ​ນຳ​ແຂວງ​ໄດ້​ເລີ່​ມມີ​ການ​ສ້າງ​ເມືອງ​ຕົວ​ແບບ​ໃນ​ການຈັດຕັ້ງປະຕິບັດ​ຄຳ​ສັ່ງ 15/ນຍ ​ແລະ ການ​ປົກ​ປັກ​ຮັກສາ​ປ່າ​ໄມ້ ​ໃນ​ນີ້​ກໍ​ມີ​ເມືອງທ່າ​ປາງ​ທອງ ​ໂດຍ​ເລີ່​ມຈາກ​ການຈັດຕັ້ງປະຕິບັດ​ກົດໝາຍ ​ແລະ ລະບຽບ​ໃນ​ການ​ຄຸ້ມ​ຄອງ​ປ່າ​ໄມ້​ແຕ່ລະ​ປະ​ເພດ​ໃຫ້​ເຂັ້ມງວດ, ການ​ຄຸ້ມ​ຄອງ​ໂຮງງານ, ການ​ສົ່ງ​ຜະລິດ​ຕະພັນ​ໄມ້ ​ແລະ ອື່ນໆ​ເຂົ້າສູ່​ລະບຽບ​ກົດໝາຍ.

      ​ໄປ​ຄຽງ​ຄູ່​ກັນ​ນີ້ ກໍ​ຍັງ​ມີ​ຂໍ້ຄົງຄ້າງ​ຫລາຍ​ດ້ານ​ທີ່​ຈະ​ໄດ້​ແກ້​ໄຂ​ຢ່າງ​ເລັ່ງດ່ວນ​ ​ເຊັ່ນ​ວ່າ: ຈະ​ຕ້ອງ​ເອົາ​ໃຈ​ໃສ່​ໃນ​ການຈັດຕັ້ງປະຕິບັດ​ຄຳ​ສັ່ງ 15/ນຍ ຢ່າງ​ເຄັ່ງ​ຂັດ, ທັງ​ເຂັ້ມງວດ ​ແລະ ​ເດັດຂາດ, ພ້ອມ​ທັງ​ປັບປຸງ​ບັນດາ​ນິຕິ​ກຳ​ຕ່າງໆ​ທີ່​ກ່ຽວຂ້ອງ​ໃຫ້​ທັນ​ຄົບ​ຖ້ວນ ​ແລະ ຮັດກຸມ​ຈະ​​ແຈ້ງ ​ແລະ ມີ​ຄວາມ​ເປັນ​ເອກະ​ພາບ​ໃນ​ການຈັດຕັ້ງປະຕິບັດ.

- Wave100S AD to Website 2020 0 - ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ

      ​ໃນ​ກອງ​ປະຊຸມ​ລັດຖະບານ​ໃນ​ເດືອນ​ເມສາ​ຜ່ານ​ມາ​ນີ້ ​ໄດ້​ເຫັນ​ດີ​ອະນຸມັດ​ຂຸດ​ຄົ້ນ​ໄມ້​ທີ່​ນອນ​ໃນ​ເຂດ​ໂຄງການ​ພັດທະນາ ​ແລະ ກໍ່ສ້າງ​ພື້ນຖານ​ໂຄງ​ລ່າງ ​ໃນ​ນີ້​ຢູ່​ແຂວງ​ສະຫວັນ​ນະ​ເຂດ​ກໍ​ໄດ້​ດຳ​ເນີນ​ການຈັດຕັ້ງປະຕິບັດ​ຕໍ່​ກັບ​ຄຳ​ເຫັນ​ອະນຸມັດ​ຈາກ​ລັດຖະບານ ​ໂດຍ​ໄດ້​ດຳ​ເນີນ​ການ​ຂຸດ​ຄົ້ນ​ໄມ້​ຢູ່​ເຂດ​ໂຄງການ​ກໍ່ສ້າງ​ເຂື່ອນ​ຜະລິດ​ໄຟຟ້າ​ເຊ​ລະ​ນອງ 1 ​ເຊິ່ງມີ​ການ​ກວດກາ​ຕິດຕາມ​ຢ່າງ​ໃກ້ຊິດ​ຈາກ​ອຳນາດ​ການ​ປົກຄອງ​ທ້ອງ​ຖິ່ນ ຄາດ​ວ່າ​ຈະ​ມີ​ໄມ້​ເປັນ​ຈຳນວນ​ຫລາຍ​ພັນ​ແມັດ​ກ້ອນ.

- WhatsApp Image 2020 05 27 at 5 - ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ
- WhatsApp Image 2020 05 27 at 5 - ການ​ລັກລອບຂຸດ​ຄົ້ນ ​ແລະ ​​ເຄື່ອນ​ຍ້າຍ​ໄມ້​ຢູ່​ແຂວງ​ສະຫວັນ​ນະ​ເຂດ​ໄດ້​ຫລຸດຜ່ອນ​ລົງ​ຫລາຍ
error: Alert: ເນື້ອຫາຂ່າວມີລິຂະສິດ !!