ໄຂ່​ຍຸງ​ລາຍ​ລະບາດ​ໜັກ​ຢູ່​ເມືອງ​ອາດ​ສະ​ພອນ ມີ​ຜູ້​ເສຍ​ຊີວິດ​ແລ້ວ 3 ຄົນ

- advert banner 728 90 728x90 - ໄຂ່​ຍຸງ​ລາຍ​ລະບາດ​ໜັກ​ຢູ່​ເມືອງ​ອາດ​ສະ​ພອນ ມີ​ຜູ້​ເສຍ​ຊີວິດ​ແລ້ວ 3 ຄົນ

​ແຫລ່ງຂ່າວແຂວງສະຫວັນນະເຂດງານລາຍງານ ວ່າ: ໄຂ້ຍຸງລາຍໄດ້ລະບາດໜັກຢູ່ ເມືອງອາດສະພອນ ແຂວງຂອງຕົນປັດຈຸບັນຜົນຜູ້ຕິດເຊື້ອພະຍາດດັ່ງກ່າວ  84 ກໍລະນີ ໃນນີ້ມີຜູ້ເສຍຊີວິດ ແລ້ວ 3 ກໍ ລະນີ.

- lattana 1 - ໄຂ່​ຍຸງ​ລາຍ​ລະບາດ​ໜັກ​ຢູ່​ເມືອງ​ອາດ​ສະ​ພອນ ມີ​ຜູ້​ເສຍ​ຊີວິດ​ແລ້ວ 3 ຄົນ

ດັ່ງນັ້ນມາໃນວັນທີ 2 ພຶດສະພານີ້, ພາກສ່ວນກ່ຽວຂ້ອງຕ່າງໆ ຂອງແຂວງໄດ້ ຈັດກອງປະຊຸມປຶກສາຫາລື ວາງແຜນໂຕ້ຕອບ ແລະ ຄວບຄຸມການລະບາດຂອງພະຍາດຮ້າຍແຮງນີ້ ໂດຍ ການເຂົ້າຮ່ວມເປັນປະທານຂອງ ທ່ານ  ແສງທອງ ວັງແກ້ວມະນີ ເຈົ້າເມືອງອາດສະພອນ, ທ່ານ ດຣ ບົງສຸວັນ ພັນ ທະວົງສາ ຫົວໜ້າພະແນກ ສາທາລະນະສຸກແຂວງ.

ກອງປະຊຸມໃຫ້ຮູ້ວ່າ: ໄຂ້ ຍຸງລາຍໄດ້ລະບາດແຮງ ຢູ່   5 ບ້ານຂອງເມືອງດັ່ງກ່າວຄື:   ບ້ານໜອງບົວ, ບ້ານດົງທະດາ, ບ້ານທາດດອກແກ້ວ, ບ້ານນາທົ່ມ ແລະ ບ້ານນາ ເດື່ອ, ປັດຈຸບັນໜ່ວຍງານ ກ່ຽວຂ້ອງກໍໄດ້ຈັດຕັ້ງກັນລົງຄວບຄຸມ ການລະບາດຂອງ ພະຍາດ ດັ່ງກ່າວໂດຍ ໄດ້ນຳ ພາປະຊາຊົນທຳລາຍແຫລ່ງ ເພາະພັນຂອງຍຸງລາຍ, ເຮັດ ວຽກໂຄສະນາສຸຂະສຶກສາ ໃຫ້ປະຊາຊົນໄດ້ຮັບຮູ້ ແລະ ພ້ອມທັງມີການພົ່ນຢາ, ແຈກ ຢາຍຊາຍຂ້າໜອນນ້ຳ ແລະ ທຳລາຍແຫລ່ງເພາະພັນ ຂອງຍຸງ ໂດຍສະເພາະບ່ອນ ທີ່ມີນ້ຳອັ່ງຂັງເຊັ່ນ: ຢາງຕີນ ລົດເກົ່າ, ກະໂປະ-ກະປ໋ອງ, ເຕົ້າດອກໄມ້ ແລະ ອື່ນໆ.

ໂອກາດນີ້, ທ່ານຫົວໜ້າ ພະແນກສາທາລະນາສຸກ ແຂວງໄດ້ມີຄຳເຫັນວ່າ: ໃຫ້ ເອົາໃຈໃສ່ເປັນພິເສດຕໍ່ປະຊາຊົນຜູ້ທີ່ມີຄວາມສ່ຽງ ຕິດ ພະຍາດໄຂ້ຍຸງລາຍ, ແນະນຳ ໃຫ້ວິຊາການແພດ-ໝໍ ລົງໂຄ ສະນາແນະນຳປະຊາຊົນ ຈົ່ງ ຊ່ວຍກັນປ້ອງກັນການລະ ບາດຂອງພະຍາດດັ່ງກ່າວ ຢ່າງຈິງຈັງ ໂດຍເນັ້ນປະຕິ ບັດຫລັກການ 5 ປ. ຂອງກະ ຊວງສາທາລະນະສຸກວາງ ອອກ, ນອນໃນມຸ້ງຍ້ອມຢາ ແລະ ເມື່ອເປັນໄຂ່ບໍ່ໃຫ້ຊື້ຢາ ກິນເອງຄວນໄປພົບແພດ-   ໝໍຕາມໂຮງໝໍ ຫລື ສຸກສາລາ ຕ່າງໆ ໃກ້ບ້ານຂອງທ່ານ./.

- 1 1 - ໄຂ່​ຍຸງ​ລາຍ​ລະບາດ​ໜັກ​ຢູ່​ເມືອງ​ອາດ​ສະ​ພອນ ມີ​ຜູ້​ເສຍ​ຊີວິດ​ແລ້ວ 3 ຄົນ

- DSC 0169 - ໄຂ່​ຍຸງ​ລາຍ​ລະບາດ​ໜັກ​ຢູ່​ເມືອງ​ອາດ​ສະ​ພອນ ມີ​ຜູ້​ເສຍ​ຊີວິດ​ແລ້ວ 3 ຄົນ