ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ

- advert banner 728 90 728x90 - ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ

ໃນວັນທີ 7-8 ພຶດສະພາ ນີ້, ສູນເລືອດແຫ່ງຊາດຮ່ວມກັບອົງການກາແດງລາວ ໄດ້ຈັດກິດຈະກໍາ ບໍລິຈາກເລືອດ ແບບເປີດກວ້າງ ເພື່ອລະນຶກວັນກໍາເນີດວັນກາແດງໂລກ 8 ພຶດສະພາ ຄົບຮອບ156 ປີໃຫ້ມີ ຄວາມ ໝາຍ ແລະ ເປັນຂະບວນຟົດຟື້ນ. ພາຍໃຕ້ຫົວຂໍ້ “ແບ່ງປັນຄວາມຮັກ ແລະ ນໍ້າໃຈເຊິ່ງ ກັນ ແລະ ກັນ” ຂຶ້ນທີ່ສູນ ການຄ້າວຽງຈັນເຊັນເຕີນະຄອນຫຼວງວຽງຈັນ, ໂດຍການເຂົ້າຮ່ວມເປີດພິທີ ຂອງທ່ານ ສິງເມໂນລາດ ຮອງປະທານອົງການກາ ແດງລາວ ແລະ ໄດ້ມີຄໍາເຫັນວ່າ: ວັນກາແດງໂລກປີນີ້ມີເປົ້າໝາຍປະຊາສໍາພັນສ້າງຄວາມເຂົ້າໃຈໃນການ ເຄື່ອນໄຫວເຮັດວຽກຂອງກາແດງ ແລະ ຊີກວົງເດືອນ ແດງອອກໄປສູ່ສາກົນ, ໂດຍເນັ້ນການເຮັດວຽກທີ່ຫຼາກຫຼາຍ ເຊິ່ງໄດ້ກໍານົດເອົາແນວ ຄວາມຄິດສໍາຄັນຂອງວັນກາແດງ ໂລກປີນີ້ຄື “Love” ເຊິ່ງເປັນຄໍາທີ່ເຂົ້າໃຈງ່າຍ  ແລະ ສະແດງອອກເຖິງ ການນໍາສະເໜີໃນແງ່ມຸມ ຂອງຄວາມຮັກ ຕໍ່ກັບກາແດງ ແລະ ຊີກວົງເດືອນແດງ” ເພື່ອເຊື່ອມໂຍງໄປສູ່ຄວາມ ຮັກ ແລະ ການແບ່ງປັນໃນລະດັບໂລກ.

- lattana 1 - ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ
- 5697747 - ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ

ທ່ານໃຫ້ຮູ້ຕື່ມວ່າ: ໃນປີ 2018 ຜ່ານມາ, ທົ່ວປະເທດ ໄດ້ຮັບເລືອດທັງໝົດ 49 ພັນກວ່າຖົງ, ໃນນີ້ໄດ້ຮັບບໍລິຈາກຢູ່ສູນກາງຫຼາຍກວ່າ 20 ພັນຖົງ ແລະ ຢູ່ ແຂວງ ຕ່າງໆທົ່ວປະເທດ ບັນລຸໄດ້ 28 ພັນກວ່າ ຖົງ. ສາມາດປະຕິບັດໄດ້ 98,14% ຂອງແຜນການວາງໄວ້ ແລະ ສໍາລັບປີ  2019 ຄາດວ່າທົ່ວປະເທດ ຈະໄດ້ຮັບເລືອດທັງໝົດປະມານ 55 ພັນຖົງ, ໃນນີ້ຢູ່ ສູນກາງໃຫ້ໄດ້ 23 ພັນຖົງ ແລະ ແຂວງຕ່າງໆ ໃຫ້ໄດ້ຢ່າງໜ້ອຍ 32 ພັນຖົງ ແລະ ຄາດວ່າກິດຈະກໍາຄັ້ງນີ້ຈະມີຜູ້ເຂົ້າຮ່ວມບໍລິຈາກ ເລືອດ ແລະ ໄດ້ເລືອດປະມານ 700 ກວ່າຖົງ.

- 4487 - ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ

- 1 1 - ຮ່ວມ​ບໍລິຈາກ​ເລືອດ​ລະນຶກ​ວັນ​ກາ​ແດງ​ໂລກ ຄົບຮອບ 156 ປີ