ນອນຫລາຍແຕ່ກໍຍັງເມື່ອ ເປັນສັນຍານເຕືອນບັນຫາສຸຂະພາບ

- advert banner 728 90 728x90 - ນອນຫລາຍແຕ່ກໍຍັງເມື່ອ ເປັນສັນຍານເຕືອນບັນຫາສຸຂະພາບ

     – ເລືອດຈາງ : ພະຍາດເລືອດຈາງເກີດຈາກຮ່າງກາຍມີທາດເຫລັກບໍ່ພຽງພໍ ເຊິ່ງເຮັດໃຫ້ເກີດການຜະລິດອົກຊີແຊນບໍ່ພຽງພໍແລະ ສົ່ງຜົນໃຫ້ທ່ານເມື່ອຍ ແລະ ຮູ້ສຶກບໍ່ມີພະລັງ. ສ່ວນອາການອື່ນໆແມ່ນຫາຍໃຈລຳບາກ, ໂຕເຫລືອງຈືດ ຄືກັບຄົນເປັນຂີ້ໝາກເຫລືອງ.

- new3 - ນອນຫລາຍແຕ່ກໍຍັງເມື່ອ ເປັນສັນຍານເຕືອນບັນຫາສຸຂະພາບ

     – ເບົາຫວານ : ອາການອິດເມື່ອຍອ່ອນເພຍຊຳ້ເຮື້ອ ເປັນໜຶ່ງໃນສັນຍານທີ່ບົ່ງບອກວ່າທ່ານອາດຈະເປັນພະຍາດເບົາຫວານ. ສ່ວນອາການອື່ນໆແມ່ນຢາກກິນອາຫານຫລາຍຂຶ້ນ, ຜິວແຫ້ງ, ນຳ້ໜັກຫລຸດ.  

     – ພູມແພ້ກລູເຕັນ : ພະຍາດພູມແພ້ກລູເຕັນອາດຈະມີອາການເມື່ອຍຮ່ວມນຳ ຖ້າທ່ານກິນອາຫານຈຳພວກແປ້ງ ແລະ ຮູ້ສຶກບໍ່ສະບາຍ ຫລື ມີອາການດັງທີ່ກ່າວຕໍ່ໄປນີ້ສະແດງວ່າທ່ານອາດຈະແພ້ກລູເຕັນ ເຊັ່ນ : ຍື່ງທ້ອງ, ແໜ້ນທ້ອງ, ຖອກທ້ອງ, ຖ່າຍແຫລວ, ນຳ້ໜັກຫລຸດ.

     – ໄຮໂປໄທຣອຍ : ຖ້າທ່ານອິດເມື່ອຍງ່າຍ ແລະ ມີອາການອື່ນໆຮ່ວມນຳອາດເປັນສັນຍານບົ່ງບອກວ່າທ່ານເປັນພະຍາດໄຮໂປໄທຣອຍ  ເຊັ່ນ : ນຳ້ໜັກຂຶ້ນ, ກ້າມຊີ້ນອ່ອນແຮງ, ຊຶມເສົ້າ.

- lattana 1 - ນອນຫລາຍແຕ່ກໍຍັງເມື່ອ ເປັນສັນຍານເຕືອນບັນຫາສຸຂະພາບ

     – ອັລໄຊເມີ : ຈາກການສຶກສາພົບວ່າ ອາການງ່ວງເຫງົາຫາວນອນ ຫລື ງ່ວງຊຶງ ກ່ຽວຂ້ອງກັບພະຍາດອັລໄຊເມີ ເຊິ່ງຖ້າທ່ານມີອາການເຫງົານອນຕະຫລອດ ອາດຈະເປັນສັນຍານເບື້ອງຕົ້ນຂອງພະຍາດນີ້. ສ່ວນອາການອື່ນໆແມ່ນເສີຍເມີຍ, ເຊື່ອງຊຶງ, ເຊື່ອງຊ້າ,  ຄວາມຈື່ຈຳເສື່ອມໄລຍະສັ້ນ, ຫງຸດຫງິດອາລົມບໍ່ດີງ່າຍ.

     – ງ່ວງນອນ, ນອນໂກນ, ນອນບໍ່ອີ່ມ : ອາການເຫລົ່ານີ້ເຮັດໃຫ້ທ່ານນອນຫລັບບໍ່ແຈບ ຈຶ່ງຈະເຮັດໃຫ້ທ່ານຮູ້ສຶກເມື່ອຍ, ເພຍ ເຖິງວ່າຈະນອນຫລາຍແລ້ວກໍຕາມ. ສ່ວນອາການອື່ນໆແມ່ນນອນໂກນສຽງດັງ, ສຽງຫາຍໃຈດັງແຮງ.

     – ອາການອ່ອນເພຍຊຳ້ເຮື້ອ : ຖ້າທ່ານງ່ວງຊຶງ ຫລື ອ່ອນເພຍຕິດຕໍ່ກັນເປັນໄລຍະເວລາດົນ 3 – 4 ເດືອນ ແລະ ອ່ອນເພຍ ເມື່ອຍຕະຫລອດຍາມອອກແຮງ ອາດເກີດຈາກອາການອ່ອນເພຍຊຳ້ເຮື້ອ. ສ່ວນອາການອື່ນໆແມ່ນປວດຂໍ້, ປວດກ້າມຊີ້ນ, ເຈັບຫົວ, ສະມາທິບໍ່ດີ ເປັນຕົ້ນ.

error: Content is protected !!