ວິທີຮັກສາ ຫລື ຮັດແໜ້ນຄວາມສຳພັນທາງໄກ

- advert banner 728 90 728x90 - ວິທີຮັກສາ ຫລື ຮັດແໜ້ນຄວາມສຳພັນທາງໄກ

ແນ່ນອນວ່າບໍ່ມື້ໃດມື້ໜຶ່ງກໍຕ້ອງມີການຈາກລາ ເຖິງວ່າຈະສະໜິດກັນປານໃດກໍຕາມ ບໍ່ວ່າຈະໄປຮຽນຕໍ່ ຫລື ເຂົ້າມະຫາວິທະຍາໄລທີ່ໄກກັນ, ເຮັດວຽກຢູ່ຄົນລະແຂວງ, ໄປຮຽນຕໍ່ຕ່າງປະເທດ ເຊິ່ງນອກຈາກຄອບຄົບ ແລະ ຄົນຮັກກັນ ໝູ່ເພື່ອນ ດີໆກໍສຳຄັນ. ມື້ນີ້ມີວິທີຮັດແໜ້ນຄວາມສຳພັນທາງໄກມາແນະນຳ.

- lattana 1 - ວິທີຮັກສາ ຫລື ຮັດແໜ້ນຄວາມສຳພັນທາງໄກ

     – ກຳໜົດວັນ ແລະ ເວລາ : ເຄີຍບໍ່ທີ່ນັດພົບກັນ, ແຕ່ສຸດທ້າຍກໍບໍ່ໄດ້ພົບກັນ ຫລື ພົບກັນໄດ້ບໍ່ຄົບກຸ່ມ ຫາມື້ທີ່ວ່າງກົງກັນຍາກຫລາຍ ຍິ່ງກັບໝູ່ສະໜິດທີ່ຢູ່ໄກກັນແລ້ວ ຍິ່ງເປັນເລື່ອງຍາກ ສະນັ້ນ ການກຳໜົດວັນ ແລະ ເວລາຢ່າງແນ່ນອນກໍສຳຄັນ ຢ່າງໜ້ອຍຖ້າບໍ່ແມ່ນເຫດຈຳເປັນ ໝູ່ກໍຈະພະຍາຍາມເຮັດໂຕໃຫ້ວ່າງໃນມື້ນັ້ນ.

   – ຍິ່ງລົມກັນດຸ ບໍ່ໄດ້ໝາຍຄວາມວ່າຍິ່ງດີ : ບາງເທື່ອການລົມກັນຕະຫລອດກໍບໍ່ໄດ້ຊ່ວຍໃນການຮັກສາຄວາມສຳພັນ, ແຕ່ການເຮັດໃຫ້ໝູ່ຮູ້ສຶກວ່າສຳຄັນນັ້ນສຳຄັນກ່ວາ ອາດຈະບໍ່ຕ້ອງລົມກັນທຸກມື້ ແຕ່ດົນໆທັກທາຍໄປລົມ ຫລື ຈະສົ່ງຮູບ ຫລື ວີດີໂອຕະຫລົກໄປໃຫ້ເບິ່ງແທນກໍໄດ້.

     – ເອົາໃຈເຂົາມາໃສ່ໃຈເຮົາ :  ລອງເອົາໃຈເຂົາມາໃສ່ໃຈເຮົາເບິ່ງ ບາງເທື່ອການທີ່ຕ້ອງຫ່າງຈາກໝູ່ສະໜິດ ອາດຈະເຮັດໃຫ້ອີກຝ່າຍເຫງົາ ຫລື ນ້ອຍໃຈໄດ້. ໃນທາງກົງກັນຂ້າມ ອີກຝ່າຍຈະເສີຍໆ ບໍ່ໄດ້ຮູ້ສຶກເຫງົາຫຍັງ ດັ່ງນັ້ນ ການເຮັດຄວາມເຂົ້າໃຈຄວາມຮູ້ສຶກຂອງແຕ່ລະຝ່າຍກໍສຳຄັນ ໃນການຮັກສາມິດຕະພາບໃຫ້ຮັດແໜ້ນ.

    – ຈື່ຈຳວັນສຳຄັນ ເຖິງຈະໄກ ກໍໃກ້ໄດ້ : ເຖິງຈະບໍ່ໄດ້ສະຫລອງນຳກັນ, ແຕ່ຢ່າງໜ້ອຍກໍຄວນຈະຈື່ຈຳວັນສຳຄັນໆໄດ້ ເປັນຕົ້ນແມ່ນວັນເກີດ ເຖິງຈະບໍ່ໄດ້ໃຫ້ຂອງຂັວນ, ແຕ່ຢ່າລືມທີ່ຈະໂທ ຫລື ສົ່ງຂໍ້ຄວາມໄປອວຍພອນ.

- 1 1 - ວິທີຮັກສາ ຫລື ຮັດແໜ້ນຄວາມສຳພັນທາງໄກ

     – ຢ່າເພິ່ງພາແຕ່ເຕັກໂນໂລຊີ : ແມ່ນຢູ່ທີ່ເຕັກໂນໂລຊີເຮັດໃຫ້ຮູ້ສຶກໃກ້ກັນຫລາຍຂຶ້ນ, ຕິດຕໍ່ກັນງ່າຍຂຶ້ນ, ແຕ່ການພົບໜ້າກັນກໍຍ່ອມດີກ່ວາ ເຊັ່ນ : ການວີດີໂອຄໍລົມກັນ ອາດຈະລົມໄດ້ບໍ່ມ່ວນເທົ່າການອອກມາພົບກັນ ແລະ ລົມກັນແບບເຫັນໜ້າ, ແຕ່ກໍຍັງດີກ່ວາບໍ່ຕິດຕໍ່ຫາກັນທາງໃດເລີຍ.