ກຳປູເຈຍສົ່ງອອກເຂົ້າໄປຈີນເພີ່ມຂຶ້ນ ຫລັງຖືກ EU ເກັບພາສີ

- advert banner 728 90 728x90 - ກຳປູເຈຍສົ່ງອອກເຂົ້າໄປຈີນເພີ່ມຂຶ້ນ ຫລັງຖືກ EU ເກັບພາສີ

      ທະນາຄານ​ໂລກ​ເປີດ​ເຜີຍ​ວ່າ: ກຳປູ​ເຈຍ​ສົ່ງ​ອອກ​ເຂົ້າ​ໄປ​ຈີນ​ເພີ່ມ​ຂຶ້ນ ຫລັງ​ຈາກ​ຖືກ​ສະຫະພາບ​ເອີຣົບ ຫລື EU ​ເກັບ​ພາສີ​ນຳ​ເຂົ້າ​ເຂົ້ານັບ​ແຕ່​ເດືອນ​ມັງກອນ.

- lattana 1 - ກຳປູເຈຍສົ່ງອອກເຂົ້າໄປຈີນເພີ່ມຂຶ້ນ ຫລັງຖືກ EU ເກັບພາສີ

      ທະນາຄານ​ໂລກ​ອອກ​ລາຍ​ງານ​​ເສດຖະກິດ​ປະ​ເທດ​ສະບັບ​ຫລ້າ​ສຸດ​ໃນ​ວັນ​ທີ 6 ພຶດສະພາ​ວ່າ: ປີຜ່ານມາ ກຳປູ​ເຈຍ​ສົ່ງ​ອອກ​ເຂົ້າ​ໄປ EU ສູງ​ເຖິງ 270.000 ​ໂຕນ ຫລື 43% ຂອງ​ເຂົ້າສານ​ສົ່ງ​ອອກ​ທັງ​ໝົດ, ​ແຕ່​ພາຍ​ຫລັງ​ຖືກ EU ​ເກັບ​ພາສີ​ເຂົ້າ​ໃນ​ເດືອນ​ມັງກອນ ກຳປູ​ເຈຍສົ່ງ​ອອກ​ເຂົ້າສານ​ໄປ EU ​ໃນ​ເດືອນ​ຕໍ່​ມາ​ຫລຸດ​ລົງ​ເຖິງ 57,8% ຫລື 10.080 ​ໂຕນ​ເທົ່າ​ນັ້ນ, ຂະນະ​ທີ່​ສົ່ງ​ອອກ​ເຂົ້າ​ໄປ​ຈີນ​ເພີ່ມ​ຂຶ້ນ​ເຖິງ 45,6%. EU ​ເກັບ​ພາສີ​ເຂົ້າກຳປູ​ເຈຍ ​ແລະ ມຽນມາ​ເປັນ​ເວລາ​ 3 ປີ ​ເພື່ອ​ຈຳກັດ​ປະລິມານ​ເຂົ້ານຳ​ເຂົ້າ ​ແລະ ຊ່ວຍ​ເຫລືອ​ຜູ້​​ເຮັດ​ນາ​ໃນ EU ຄືອີ​ຕາ​ລີ. ກຳປູ​ເຈຍ​ຮຽກຮ້ອງ​ຕໍ່​ສານ​ຍຸຕິ​ທຳ​ເອີຣົບວ່າ: EU ບັງຄັບ​ໃຊ້​ມາດ​ຕະການ​ດັ່ງກ່າວ ທັງ​ທີ່​ກຳປູ​ເຈຍ​ບໍ່​ໄດ້​ມີ​ພຶດຕິ​ກຳ​ການ​ຄ້າ​ທີ່​ບໍ່​ເປັນ​ທຳ, ​ເປັນ​ການ​ຄວງ​ແຫ ​ແລະ ນຳ​ຂໍ້​ມູນ​ມາ​ໃຊ້​​ແບບ​ບໍ່​ຖືກຕ້ອງ.

       ນອກຈາກ​​ເລື່ອງ​ເຂົ້າ​ແລ້ວ, EU ​ເຊິ່ງນຳ​ເຂົ້າສິນຄ້າ​ກຳປູ​ເຈຍ​ຫລາຍ​ກວ່າ​ໜຶ່ງ​ໃນ​ສາມ ຄວບ​ຄຸມ​ເຄື່ອງ​ຕັດຫຍິບ, ​ເກີບ ​ແລະ ລົດຈັກ​ ​ໄດ້​ເລີ່​ມຂະ​ບວນການ​ມາ 18 ​ເດືອນ ​ໃນ​ເດືອນ​ກຸມພາ​ທີ່​ຈະ​ນຳ​ໄປ​ສູ່​ການ​ໂຈະ​ສະຖານະ​ພາບ​ຂອງ​ກຳປູ​ເຈຍ​ໃນ​ຖານະ​ປະ​ເທດ​ທີ່​ໄດ້​ຮັບສິດທິ​ພິ​ເສດ​ທາງ​ການ​ຄ້າ ສາມາດ​ສົ່ງ​ອອກ​ສິນຄ້າ​ທຸກ​ຢ່າງ​ຍົກ​ເວັ້ນອາວຸດ​ໄປ EU ​​ໂດຍ​ບໍ່​ເສຍ​ພາສີ ຫລື EBA ​ໂດຍ​ອ້າງ​ເລື່ອງ​ກຳປູ​ເຈຍລະ​ເມີດ​ສິດທິ​ມະນຸດ ​ແລະ ປະຊາທິປະ​ໄຕ. ທະນາຄານ​ໂລກ​ຕີ​ລາຄາ​ວ່າ: ຖ້າ​ກຳປູ​ເຈຍ​ໂຈະ​ສະຖານະ​ພາບ​ນີ້ ຍອດ​ສົ່ງ​ອອກ​ໄປ EU ອາດ​ຫລຸດ​ລົງ​ສູງ​ເຖິງ 654 ລ້ານ​ໂດ​ລາ​ສະຫະລັດ.

- Tiger Head 728x90 - ກຳປູເຈຍສົ່ງອອກເຂົ້າໄປຈີນເພີ່ມຂຶ້ນ ຫລັງຖືກ EU ເກັບພາສີ
- 1 1 - ກຳປູເຈຍສົ່ງອອກເຂົ້າໄປຈີນເພີ່ມຂຶ້ນ ຫລັງຖືກ EU ເກັບພາສີ
error: Content is protected !!