ອີຣັກຈັບມືຈີນ ແລະ ອາເມລິກາ ພັດທະນາໂຄງການນ້ຳມັນ

- advert banner 728 90 728x90 - ອີຣັກຈັບມືຈີນ ແລະ ອາເມລິກາ ພັດທະນາໂຄງການນ້ຳມັນ

      ລັດຖະບານ​ອີຣັກ ບັນລຸ​ຂໍ້​ຕົກລົງ​ກັບ​ບໍລິສັດ​ນ້ຳມັນ​ຈີນ ​ແລະ ອາ​ເມ​ລິ​ກາ ​ເພື່ອ​ພັດທະນາ​ໂຄງການ​ນ້ຳມັນ ຫວັງ​ເພີ່ມ​ປະສິດທິພາບ​ການ​ຜະລິດ ​ແລະ ສ້າງ​ລາຍ​ໄດ້​ໄປ​ຟື້ນຟູ​ປະ​ເທດ​ຫລັງ​ສົງຄາມ.

- lattana 1 - ອີຣັກຈັບມືຈີນ ແລະ ອາເມລິກາ ພັດທະນາໂຄງການນ້ຳມັນ

      ນາຍົກລັດຖະມົນຕີອີຣັກ ອາ​ດິລ ອັບ​ດຸລ-ມາ​ດິ ປະກາດ​ວ່າ: ລັດຖະບານ​ກຳລັງ​ວາງ​ແຜນ​ສ້າງ​ໂຄງການ​ເມ​ກະ​ໂປ​ເຈ​ກ ​ໂດຍ​ຈະ​ຮ່ວມ​ມື​ກັບ​ບໍລິສັດ​ປິ​ໂຕຣ​ໄຊ​ນ່າຂອງ​ຈີນ ​ແລະ ບໍລິສັດ​ເອັກ​ຊອລ​ໂມ​ບິ​ລ ​ເຊິ່ງ​ເປັນບໍລິສັດ​ນ້ຳມັນ​ຂະໜາດ​ໃຫຍ່​ຂອງ​ອາ​ເມ​ລິ​ກາ ​ໃນ​ການ​ໃຊ້​ນ້ຳທະ​ເລ​ຈາກ​ອ່າວ​ເປີ​ເຊຍ ມາ​ຊ່ວຍ​ເພີ່ມ​ປະລິມານ​ການ​ຜະລິດ​ນ້ຳມັນ​ຈາກ​ແຫ​ລ່ງນ້ຳມັນ​ທາງ​ພາກ​ໃຕ້ ລວມທັງ​ແກັສທຳ​ມະ​ຊາດ ​ເຊິ່ງປັດຈຸບັນ​ຍັງ​ສາມາດ​ຜະລິດ​ໄດ້​ບໍ່​ເຕັມປະສິດທິພາບ​ເທົ່າ​ທີ່​ຄວນ.

      ລັດຖະບານ​ອີຣັກ ​ໄດ້​ບັນລຸ​ຂໍ້​ຕົກລົງ​ໃນ​ຫລັກການ​ກັບ​ບໍລິສັດ​ນ້ຳມັນ​ທັງ​ສອງ​ແຫ່ງ​ແລ້ວ ​ໂດຍ​ໂຄງການ​ດັ່ງກ່າວ​ມີ​ໄລຍະ​ເວລາ 30 ປີ, ຄາດ​ວ່າ​ຈະ​ເພີ່ມ​ການ​ຜະລິດ​ນ້ຳມັນ​ຈາກ​ບໍ່​ນ້ຳມັນ​ສອງ​ແຫ່ງ​ທາງ​ພາກ​ໃຕ້​ຈາກ 125.000 ບາ​ເຣລຕໍ່​ວັນ ​ເປັນ 500.000 ບາ​ເຣລຕໍ່​ວັນ ​ເຊິ່ງຈະ​ຊ່ວຍ​ໃຫ້​ລັດຖະບານ​ມີ​ລາຍ​ໄດ້​ເຖິງ 4 ​ແສນ​ລ້ານ​ໂດ​ລາ​ສະຫະລັດ ​ເພື່ອ​ນຳ​ໄປ​ໃຊ້​ໃນ​ການ​ຟື້ນຟູ​ປະ​ເທດ​ຫລັງ​ສົງຄາມ.

- 1 1 - ອີຣັກຈັບມືຈີນ ແລະ ອາເມລິກາ ພັດທະນາໂຄງການນ້ຳມັນ