ລາວກຽມສົ່ງນັກກິລາເພາະກາຍ ຮ່ວມຊີງແຊ້ມອາຊຽນ 2019 ທີ່ມຽນມາ

- advert banner 728 90 728x90 - ລາວກຽມສົ່ງນັກກິລາເພາະກາຍ ຮ່ວມຊີງແຊ້ມອາຊຽນ 2019 ທີ່ມຽນມາ

     ສະຫະພັນກິລາ​ເພາະ​ກາຍ​ແຫ່ງ​ຊາດ​ລາວ ກຽມ​ສົ່ງທ້າວ ນັນທະ​ລັກ ສຸ​ນາ​ເຄນ ຈາກ​ສະ​ໂມ​ສອນ ​​ແຮ​ບປີ​ເນັສ (Happiness Fitnesses) ​ແລະ ນາງ ກອງ​ແພງ ຂຸນ​ວິ​ໄນ ຈາກ​ສະ​ໂມ​ສອນ ອັບ​ທູ​ຢູ (Up2U Fitnesses) ສອງ​ນັກ​ກິລາ​ເພາະ​ກາຍ​ທີ​ມຊາດ​ລາວ ​ເຂົ້າຮ່ວມ​ການ​ແຂ່ງຂັນ​ກິລາ​ເພາະ​ກາຍ​ຊີງ​ແຊ້ມອາ​ຊຽນປະຈຳ​ປີ 2019 ຄັ້ງທີ 16 ທີ່​ຢາງ​ກຸ້ງ ປະ​ເທດ​ມຽນມາ ​ໃນ​ລະຫວ່າງ​ວັນ​ທີ 16-21 ພຶດສະພາ​ນີ້.

- new3 - ລາວກຽມສົ່ງນັກກິລາເພາະກາຍ ຮ່ວມຊີງແຊ້ມອາຊຽນ 2019 ທີ່ມຽນມາ

      ການ​ແຂ່ງຂັນ​ຄັ້ງນີ້​ມີ​ນັກ​ກິລາ​ຈາກ 11 ປະ​ເທດ​ເຂົ້າຮ່ວມ​ຄື: ມຽນມາ ​ເຈົ້າພາບ, ລາວ, ​ໄທ, ກຳປູ​ເຈຍ, ຫວຽດນາມ, ມາ​ເລ​ເຊຍ, ຟີ​ລິບ​ປິນ, ອິນ​ໂດ​ເນ​ເຊຍ, ບຣູ​ໄນ, ສິງກະ​ໂປ ​ແລະ ຕີ​ມໍ​ເລັສ​ເຕ.

     ປີຜ່ານມາ, ສະຫະພັນ​ກິລາ​ເພາະ​ກາຍ​ແຫ່ງ​ຊາດ​ລາວ ​ໄດ້​ສົ່ງ​ນັກ​ກິລາ 2 ຄົນ​ເຂົ້າຮ່ວມ​ຊີງ​ແຊ້ມອາ​ຊຽນທີ່​ສຽມ​ຣຽບ ປະ​ເທດ​ກຳປູ​ເຈຍ ​ໃນ​ວັນ​ທີ 27-28 ມິຖຸນາ 2018, ທ້າວ ຕຸ້ຍ ​ໄຊ​ຍະ​ລາດ ລົງ​ແລ່ງ​ລຸ້ນນ້ຳໜັກ 65 ກິ​ໂລ ​ໄດ້​ອັນ​ດັບ​ 4 ສ່ວນ​ນາງ ພອຍ​ໄພລິນ ພັນທະ​ລີ ລົງ​ແຂ່ງຂັນ​ລາຍການ​ຍິງ​ຫຸ່ນ​ງາມ ​ໄດ້​ອັນ​ດັບ 3.

      ຈາກ​ນັ້ນທາງ​ສະຫະພັນ​ໄດ້​ສົ່ງ​ນັກ​ກິລາ 3 ຄົນ​ເຂົ້າຮ່ວມ​ຊີງ​ແຊ້ມອາຊີ 2018 ທີ່​ຂອນ​ແກ່ນ ປະ​ເທດ​ໄທ, ທ້າວ ມີ​ໄລ​ວັນ ວັນ​ທອງ ລົງ​ແຂ່ງຂັນ​ປະ​ເພດ​ເພາະກາຍ ນ້ຳໜັກ​ບໍ່​ເກີນ 65 ກິ​ໂລ ​ໄດ້​ອັນ​ດັບ 3, ນາງ ສົມ​ມາ​ນິນ ພານຸ​ສິດ ລົງ​ແຂ່ງ​ລາຍການ Master Women ອາຍຸ 35 ປີ​ຂຶ້ນ​ໄປ ​ໄດ້​ອັນ​ດັບ 5 ​ແລະ ນາງ ກ​ອງ​ແພງ ຄູນ​ວິ​ໄນ ບໍ່​ຜ່ານ​ຮອບ​ຄັດ​ເລືອກ.

- lattana 1 - ລາວກຽມສົ່ງນັກກິລາເພາະກາຍ ຮ່ວມຊີງແຊ້ມອາຊຽນ 2019 ທີ່ມຽນມາ

      ສ່ວນ​ການ​ແຂ່ງຂັນ​ຊີງ​ແຊ້ມ​ໂລກ ວັນ​ທີ 11-17 ທັນວາ 2018 ທີ່​ຊຽງ​ໃໝ່ ປະ​ເທດ​ໄທ, ນາງ ພອຍ​ໄພລິນ ພັນທະ​ລີ ລົງ​ແຂ່ງ​ລາຍການ Modelfitness ​ໄດ້​ອັນ​ດັບ 3, ຂະນະ​ທີ່​ທ້າວ ສັນຕິ​ສຸກ ດວງ​ແກ້ວມະນີ ​ໄດ້​ອັນ​ດັບ 4 ຈາກ 51 ປະ​ເທດ​ຮ່ວມ​​ແຂ່ງຂັນ.

error: Content is protected !!