ກະແສແຮງ ! ຄ່າປີ້ເຮືອບິນ-ນັດຊີງແຊມປ້ຽນລີກ ແພງຂຶ້ນ ຫລັງ ລິເວີພູລ ຜ່ານເຂົ້າຮອບ

- advert banner 728 90 728x90 - ກະແສແຮງ ! ຄ່າປີ້ເຮືອບິນ-ນັດຊີງແຊມປ້ຽນລີກ ແພງຂຶ້ນ ຫລັງ ລິເວີພູລ ຜ່ານເຂົ້າຮອບ

      ລາຄາ​ປີ້​ເຮືອບິນ​ທີ່​ເດີນທາງ​ຈາກ​ເມືອງ​ລິ​ເວີ​ພູລ​ໄປ​ນະຄອນຫລວງ​ມາດຣິດ ​ແລະ ລາຄາ​ປີ້​ນັດ​ຊີງ​ຊະນະ​ເລີດ​ຂອງ ຢູຟາ ​ແຊມ​ປ້ຽນ ລີກ ​ເພີ່ມ​ສູງ​ຂຶ້ນ ຫລັງ​ຈາກ ລິ​ເວີ​ພູລ ຜ່ານ​ເຂົ້າສູ່​ຮອບ​ຊີງ​ຊະນະ​ເລີດ​ຂອງ​ການ​ແຂ່ງຂັນ​ໄດ້​ສຳ​ເລັດ ​ໃນ​ວັນ​ທີ 7 ພຶດສະພາ​ຜ່ານ​ມາ.

- lattana 1 - ກະແສແຮງ ! ຄ່າປີ້ເຮືອບິນ-ນັດຊີງແຊມປ້ຽນລີກ ແພງຂຶ້ນ ຫລັງ ລິເວີພູລ ຜ່ານເຂົ້າຮອບ

      ທຳ​ອິດ​ບໍ່​ມີ​​ໃຜ​ຄິດ​ວ່າ ລິ​ເວີ​ພູລ ຈະ​ໄດ້​ຫລິ້ນຮອບ​ຊີງ​ດຳ​ຂອງ ​ແຊມ​ປ້ຽນລີກ ​ເປັນ​ລະດູ​ການ​ທີ 2 ຕິດ​ຕໍ່​ກັນ ​ເພາະ​ນັດ​ທຳ​ອິດ​ພວກ​ເຂົາ​ອອກ​ໄປ​ເສຍ​ໃຫ້ ບາ​ເຊ​ໂລ​ນາ ມາ​ກ່ອນ 0-3 ​ແລະ ນັດ​ສອງ​ຍັງ​ບໍ່​ມີ​ທັງ ​ໂມ​ຮາ​ເໝັດ ຊາ​ລາ ​ແລະ ​ໂຣ​ແບ​ໂຕ້ ຟິມີ​ໂນ່ ນຳ​ອີກ. ​ເຖິງ​ຢ່າງ​ໃດ​ກໍ​ຕາມ ລິ​ເວີ​ພູລ ​ໄດ້​ສ້າງ​ປະຕິ​ຫານ​ໄດ້​ດ້ວຍ​ການ​ຊະນະ 4-0 ​ໃນ​ນັດ​ສອງ ​ໃນ​ວັນ​ທີ 7 ພຶດສະພາ​ຜ່ານ​ມາ ຈົນ​ເຮັດ​ໃຫ້​ທີ​ມຂອງ​ຜູ້​ຈັດການ​ທີ​ມ ​ເຈີ​ເກັ້ນ ຄລ໊ອບ ຊະນະ​ດ້ວຍ​ຄະ​ແນນ​ລວມ 2 ນັດ 4-3.

      ກ່ອນ​ໜ້າ​ນີ້ ຄ່າ​ປີ້​ເຮືອບິນ​ທີ່​ຈະ​ເດີນທາງ​ໂດຍ​ກົງ​ຈາກ​ເມືອງ​ລິ​ເວີ​ພູລ​ໄປ​ນະຄອນຫລວງ​ມາດຣິດ ​ໃນ​ວັນ​ທີ 31 ພຶດສະພາ​ນີ້ ​ເຊິ່ງ​ເປັນ​ໄລຍະ 1 ວັນ​ກ່ອນ​ເຖິງ​ນັດ​ຊີງ​ຊະນະ​ເລີດ​ຂອງ ​ແຊມ​ປ້ຽນລີກ ຍັງ​ບໍ່​ສູງ​ເທົ່າ​ໃດ ​ແຕ່​ໃນ​ໄລຍະ 10 ນາທີ​ສຸດ​ທ້າຍ​ຂອງ​ນັດ​ສອງ ຫລື ຄື​ຕອນ​ທີ່ ລິ​ເວີ​ພູລ ນຳ​ຢູ່ 4-0 ນັ້ນ ຄ່າ​ປີ້​ທີ່​ຖືກ​ສຸດ​ກໍ​ເພີ່ມ​ຂຶ້ນ​ເປັນ​ປີ້​ລະ 600 ປອນ ​ແລະ ພໍ​ຈົບ​ເກ​ມນັດ​ສອງ​ກໍ​ເພີ່ມ​​ເປັນ​ປະມານ 750 ປອນ ​ແລະ ນີ້​ເປັນ​ພຽງ​ປີ້​ຂາ​​ອອກພຽງ​ຖ້ຽວ​ດຽວ​ເທົ່າ​ນັ້ນ ຍັງ​ບໍ່​ລວມຂາ​ເຂົ້າ.

      ຂະນະ​ທີ່​ປີ້​ນັດ​ຊີງ​ຊະນະ​ເລີດ​ທີ່​ຖືກ​ສຸດ ​ເຊິ່ງຂາຍ​ໃນ​ອິນ​ເຕີ​ເນັດ​ຕອນ​ນີ້​ເພີ່ມ​ຂຶ້ນ​​ໃບ​ລະ​ປະມານ 4.000 ປອນ​ແລ້ວ ​ເຊິ່ງມັນ​ກໍ​ມີ​ໂອກາດ​ທີ່​ລາຄາ​ຈະ​ເພີ່ມ​ຂຶ້ນອີກ ​ໂດຍ​ນັດ​ຊີງ​ດຳ​ປີ​ນີ້​ຈະ​ມີ​ຂຶ້ນຢູ່ ວ່າ​ນຕ໋າ ​ເມ​ໂທຣ​ໂປ​ລິ​ຕາ​ໂນ່ ສະໜາມ​ຫຍ້າ​ຂອງ ​ແອດ​ເລ​ຕິ​ໂກ ມາດຣິດ.

- 1 1 - ກະແສແຮງ ! ຄ່າປີ້ເຮືອບິນ-ນັດຊີງແຊມປ້ຽນລີກ ແພງຂຶ້ນ ຫລັງ ລິເວີພູລ ຜ່ານເຂົ້າຮອບ
- Tiger Head 728x90 - ກະແສແຮງ ! ຄ່າປີ້ເຮືອບິນ-ນັດຊີງແຊມປ້ຽນລີກ ແພງຂຶ້ນ ຫລັງ ລິເວີພູລ ຜ່ານເຂົ້າຮອບ
error: Content is protected !!