ຜູ້​ອອກ​ພັກຜ່ອນ​ບຳນານ​ແລ້ວ​ກໍ​ຖືກ​ລົງ​ໂທດ​ຕາມ​ກົດໝາຍ

- advert banner 728 90 728x90 - ຜູ້​ອອກ​ພັກຜ່ອນ​ບຳນານ​ແລ້ວ​ກໍ​ຖືກ​ລົງ​ໂທດ​ຕາມ​ກົດໝາຍ

ສະບາຍດີ ເພື່ອນຜູ້ອ່ານ ທີ່ຮັກແພງ, ນັບວ່າເປັນບົດຮຽນອັນດີເພື່ອຕ້ານ ແລະ ສະກັດກັ້ນການ ສໍ້ລາດບັງຫລວງພາຍຫລັງ ສສ. ຫວຽດນາມໄດ້ຄົ້ນຄ້ວາກົດໝາຍ ສະບັບປັບປຸງບາງມາດຕາວ່າ ດ້ວຍ:“ລັດຖະກອນ”. ລັດຖະມົນຕີກະຊວງພາຍໃນຂອງ ຫວຽດນາມ ທ່ານ ເລວິງເຕິນ ໃຫ້ຮູ້ວ່າ, ຜ່ານການທາບທາມ ເອົາຄຳຄິດຄຳເຫັນຈາກບັນດາກະຊວງ, ຂະແໜງການ ທັງສູນກາງ, ທ້ອງຖິ່ນ ແລະ ຈາກປະຊາຊົນຊັ້ນຄົນຕ່າງໆ ລ້ວນເຫັນດີໃຫ້ເພີ່ມເຕີມກົດບັງຄັບດ້ານບໍລິຫານຕໍ່ພະນັກງານ, ລັດຖະກອນ, ພະນັກງານບຳນານ ຖ້າຫາກພົບເຫັນ ຄວາມຜິດໃນໄລຍະດຳລົງ ຕຳແໜ່ງນັ້ນ ກໍສາມາດປະ ຕິບັດກົດບັງຄັບທາງດ້ານບໍລິຫານໄດ້.

ແຕ່ກໍມີບາງຄຳຄິດເຫັນສະເໜີວ່າ,ຕໍ່ບັນຫານີ້ ຄວນພິ ຈາລະນາໃຫ້ຖີ່ຖ້ວນຕື່ມເພາະ ເປົ້າໝາຍດັ່ງກ່າວ ບໍ່ນອນ ຢູ່ໃນໄລຍະປັບປຸງກົດໝາຍ; ເວລາຖືກປົດຕຳແໜ່ງແລ້ວ ບັນດາເອກະສານຕ່າງໆ ທີ່ ເຂົາເຊັນໃນເມື່ອດຳລົງຕຳ ແໜ່ງນັ້ນຍັງມີຜົນສັກສິດທາງກົດໝາຍຫຼື ບໍ່.

ລັດຖະມົນຕີກະຊວງພາຍໃນອະທິບາຍວ່າ, ໄດ້ເພີ່ມມາດຕາກ່ຽວກັບການລົງໂທດຕໍ່ພະນັກງານ, ລັດຖະກອນທີ່ອອກພັກວຽກ ຫຼື ພັກຜ່ອນບຳນານແລ້ວ ຢູ່ໃນພາກ 16, ມາດຕາ 1 ສະບັບປັບປຸງ ແລະ ເພີ່ມມາດຕາ 84  ວ່າ ດ້ວຍ: ພະນັກງານ, ລັດຖະກອນ, ເຈົ້າໜ້າທີ່ ທີ່ອອກພັກວຽກ ຫຼື ເຂົ້າບຳນານແລ້ວ ເຊິ່ງ ເປັນເປົ້າໝາຍ “ ນອກ ” ຂອງພະນັກງານປະຈຳການ.

ມາດຕາ 84 ລະບຸວ່າ, ພະນັກງານ, ລັດຖະກອນ, ເຈົ້າໜ້າທີ່ ພາຍຫຼັງອອກພັກ ວຽກ ຫຼື ເຂົ້າບຳນານແລ້ວ, ພາຍຫຼັງມາ ຖ້າຫາກພົບເຫັນ ວ່າ ມີຄວາມຜິດໃນເວລາດຳ ລົງຕຳແໜ່ງນັ້ນ ໂດຍອີງໃສ່ ລັກສະນະ, ລະດັບຄວາມກະ ທຳຜິດກໍຈະຖືກລົງໂທດຕາມ ຮູບການຕ່າງໆເຊັ່ນ: ຕຳນິສົ່ງຂ່າວ, ກ່າວເຕືອນ, ຖອນຕຳແໜ່ງ ທີ່ຜ່ານມາ. ທ່ານ ເລວິງ ເຕິນ ເວົ້າວ່າ: “ ຖ້າທຽບໃສ່ ພະນັກງານ, ລັດຖະກອນ ກຳລັງປະຈຳການ, ການລົງ ໂທດຕໍ່ພະນັກງານ, ລັດຖະກອນ, ເຈົ້າໜ້າທີ່ ທີ່ອອກພັກ ຜ່ອນບຳນານ ດ້ວຍຮູບການ ຕ່າງໆ ທີ່ກ່າວຂ້າງເທິງນັ້ນ ແມ່ນເໝາະສົມແລ້ວ  ”

ລັດຖະມົນຕີກະຊວງພາຍໃນໃຫ້ຮູ້ວ່າ: ນີ້ແມ່ນຮູບການ ລົງ ໂທດແບບໃໝ່. ເປົ້າໝາຍ ຂອງມັນກ້ວາງຂວາງສົມ ຄວນ, ແຕ່ລະເປົ້າໝາຍມີ ກົດໝາຍສະເພາະແຕກຕ່າງກັນອອກໄປ.

ເວລານຳສະເໜີຮ່າງກົດໝາຍກວດສອບນັ້ນ, ຫົວໜ້າ ກຳມາທິການກົດໝາຍຊີ້  ແຈງວ່າ, ອົງການກວດສອບ ເຫັນດີໃຫ້ເພີ່ມມາດຕະການລົງໂທດຕໍ່ພະນັກງານລັດຖະກອນ ທີ່ອອກພັກຜ່ອນບຳນານແລ້ວ, ຖ້າພາຍຫຼັງຫາກພົບເຫັນວ່າ ມີຄວາມ ຜິດໃນເວລາດຳລົງໜ້າທີ່ ຕຳແໜ່ງນັ້ນ.

- 1 1 - ຜູ້​ອອກ​ພັກຜ່ອນ​ບຳນານ​ແລ້ວ​ກໍ​ຖືກ​ລົງ​ໂທດ​ຕາມ​ກົດໝາຍ
- lattana 1 - ຜູ້​ອອກ​ພັກຜ່ອນ​ບຳນານ​ແລ້ວ​ກໍ​ຖືກ​ລົງ​ໂທດ​ຕາມ​ກົດໝາຍ

ກຳມາທິການກົດໝາຍສະເໜີໃຫ້ແຍກເນື້ອໃນທີ່ລັດຖະບານສະເໜີເອົາເຂົ້າຢູ່ ໃນມາດຕາ 84 ນັ້ນອອກເປັນ ມາດຕາໜື່ງສະເພາະ ແລະ ລະບຸຕາມທິດທີ່ວ່າ: ພະນັກງານ, ລັດຖະກອນ ທີ່ອອກພັກ ຜ່ອນ, ບຳນານແລ້ວ ກໍຕ້ອງ ຖືກລົງໂທດຕາມກົດໝາຍຖ້າ ຫາກມີຄວາມຜິດ ໃນເວລາ ດຳລົງຕຳແໜ່ງ.

ອີງຕາມລັກສະນະ ແລະ ລະດັບຂອງການກະທຳຜິດ ຈະຖືກລົງໂທດທາງອາຍາ, ດ້ານບໍລິຫານ ຫຼື ປະຕິບັດວິ ໄນ. ຖ້າຫາກສ້າງຄວາມເສຍ ຫາຍ ກໍຈະໃຫ້ໃຊ້ແທນຄືນ ຕາມກົດໝາຍກຳນົດ ແລະ ປະຕິບັດຕາມຮູບການລົງໂທດ ຕາມກົດໝາຍສະບັບນີ້./.

ລູກເມືອງພວນ, vnexpress,5/5ăă

- 998 - ຜູ້​ອອກ​ພັກຜ່ອນ​ບຳນານ​ແລ້ວ​ກໍ​ຖືກ​ລົງ​ໂທດ​ຕາມ​ກົດໝາຍ
(ພະນັກງານເຂົ້າພັກຜ່ອນບຳບານ)

error: Content is protected !!