ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ

- advert banner 728 90 728x90 - ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ

ກອງປະຊຸມປືກສາຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າຢູ່ ສປປ ລາວ ໄດ້ຈັດຂຶ້ນໃນວັນທີ 8 ເມສານີ້ຢູ່ນະຄອນຫລວງວຽງຈັນ, ໂດຍການເປັນປະທານຮ່ວມຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແລະ ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີຜູ້ຕາງໜ້າຈາກອົງການສື່ມວນຊົນ, ກະຊວງປ້ອງກັນຄວາມສະຫງົບ, ຜູ້ປະກອບການຜະລິດ, ຜູ້ນໍາເຂົ້າ, ຜູ້ຜະລິດສື່ໂຄສະນາ ແລະ ພາກສ່ວນກ່ຽວຂ້ອງອື່ນໆເຂົ້າຮ່ວມ.

- lattana 1 - ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ

   ໃນກອງປະຊຸມໄດ້ຮັບຟັງບາງ​ເນື້ອ​ໃນ​ຂອງກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫລົ້າ ສະເໜີໂດຍຫົວຫນ້າກົມອານາໄມ ແລະ ສົ່ງເສີມສຸຂະພາບກະຊວງສາທາລະນະສຸກ ແລະ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ແລະ ແຈ້ງການຂອງຫ້ອງການກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວກ່ຽວກັບການຢຸດຕິການຜະລິດສື່ໂຄສະນາເຄື່ອງດື່ມທີ່ມີທາດເຫລົ້າ ​ເຊິ່ງສະເໜີໂດຍຫົວໜ້າກົມວັດທະນະທໍາມະ ຫາຊົນກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ.

- 20136   4596608   KETH9175 - ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ

  ຫົວໜ້າກົມອານາໄມ ແລະ ສົ່ງເສີມສຸຂະພາບ ມີຄໍາເຫັນວ່າ: ເພື່ອປະຕິບັດກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫລົ້າໃຫ້ມີຜົນສັກສິດຫລາຍຂຶ້ນ, ຂະແໜງສາທາລະນະສຸກໄດ້ປະສານສົມທົບກັບພາກສ່ວນອື່ນໆໃນການມີມາດຕະການຄວບຄຸມການໂຄສະນາເຄື່ອງດື່ມທີ່ມີທາດເຫລົ້າ, ຫລັງຈາກເຫັນວ່າການໂຄສະນາສີນຄ້າປະເພດດັ່ງກ່າວຢູ່ໃນສັງຄົມລາວເຮົາແມ່ນມີລັກສະນະເປີດແປນ, ຢັງຢາຍແຜ່ຫລາຍຢູ່ທົ່ວທຸກຫົນແຫ່ງນັບທັງໃນຕົວເມືອງ ແລະ ທ້ອງຖິ່ນຕ່າງໆ, ພ້ອມທັງມີສາວເສີບບໍລິການຕາມຮ້ານອາຫານນ້ອຍ-ໃຫຍ່ຕ່າງໆ, ໃນຂະນະດຽວກັນຢູ່ຕາມຜະລິດຕະພັນສື່ມວນຊົນຕ່າງໆ ກໍມີການໂຄ ສະນາຜະລິດຕະພັນທີ່ມີທາດເຫລົ້າຢ່າງກວ້າງຂວາງ, ໂດຍບໍ່ໄດ້ມີການ ຂໍອະນຸຍາດນໍາຂະແໜງກ່ຽວຂ້ອງຂອງກະຊວງສາທາລະນະສຸກຕາມກົດໝາຍ ກຳນົດ, ເຊິ່ງທັງໝົດນີ້ໄດ້ເປັນສິ່ງດຶງດູດຈູງໃຈໃຫ້ສັງຄົມກໍຄືໄວໜຸ່ມຫັນມາບໍລິໂພກສີນຄ້າປະເພດດັ່ງກ່າວນັບມື້ເພີ່ມຂຶ້ນ. ປັດຈຸບັນຄົນລາວດື່ມສິ່ງທີ່ມີທາດເຫລົ້າສະເລ່ຍປະມານ 15 ລິດຕໍ່ຄົນຕໍ່ປີ, ໃນນີ້ສະເພາະດື່ມເຫລົ້າຂ່າວແມ່ນ 7,3 ລິດຕໍ່ຄົນຕໍ່ປີ ເປັນປະເທດທີ່ມີການບໍລິໂພກເຄື່ອງດື່ມທາດເຫລົ້າອັນດັບໜຶ່ງຂອງອາຊຽນ,  ເຊິ່ງເຫັນວ່າບໍ່ແມ່ນສິ່ງທີ່ໜ້າພູມໃຈເລີຍສໍາລັບພວກເຮົາ. ສະນັ້ນກົດໝາຍວ່າດ້ວຍການຄວບຄຸມທາດເຫລົ້າ ລວມເຖິງແຈ້ງການຕ່າງໆຂອງລັດຖະບານ ແລະ ຂະແໜງການກ່ຽວຂ້ອງອື່ນໆ ເພື່ອເປັນເຄື່ອງມືສໍາຄັນທີ່ຈະຊ່ວຍຫລຸດຜ່ອນສະພາບດັ່ງກ່າວລົງໄດ້, ໂດຍສະເພາະຄວບຄຸມການໂຄສະນາເຄື່ອງດື່ມປະເພດນີ້ໃຫ້ສອດຄ່ອງຕາມລະບຽບກົດໝາຍເຊັ່ນ: ມີຄໍາເຕືອນດ້ານສຸຂະພາບ, ບໍ່ມີລັກສະນະສົ່ງເສີມການຕະຫລາດ-ການຂາຍ, ບໍ່ມີລັກສະນະຊວນເຊື່ອໃຫ້ມີການບໍລິໂພກຫລາຍຂຶ້ນ, ບໍ່ສະແດງກາໝາຍການຄ້າ, ບໍ່ໃຫ້ເປັນການສ້າງຄ່ານິຍົມກ່ຽວກັບການບໍລິໂພກເຄື່ອງດື່ມທີ່ມີທາດເຫລົ້າໃຫ້ແກ່ສັງຄົມ. ປັດຈຸບັນ, ກະຊວງສາທາລະສຸກ ພວມເປັນເຈົ້າການຮ່າງມາດຕະການຕໍ່ຜູ້ລະເມີດກົດໝາຍດັ່ງກ່າວ, ເຊິ່ງຄາດວ່າຈະໃຫ້ສໍາເລັດໃນໄວໆນີ້.

  ທ່ານຫົວຫນ້າກົມວັດທະນະທໍາມະຫາຊົນ ມີຄໍາເຫັນວ່າ: ສາເຫດໜຶ່ງທີ່ເຮັດໃຫ້ການໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າແຜ່ຫລາຍ ຈົນບໍ່ສາມາດຄວບຄຸມໄດ້ນັ້ນ ກໍມາຈາກພະນັກງານ, ຜູ້ຜະລິດ ແລະ ຜູ້ປະກອບການຕ່າງໆ ຍັງບໍ່ທັນເຊື່ອມຊືມ​ເຂົ້າ​ໃຈເລິກ​ເຊິ່ງຕໍ່ບັນດາລະບຽບກົດໝາຍ ແລະ ນິຕິກໍາລຸ່ມກົດໝາຍອື່ນໆໃນວຽກງານດັ່ງກ່າວ ຈຶ່ງເຮັດໃຫ້ການປະຕິບັດບໍ່ໄດ້ດີ ແລະ ບໍ່ເຂັ້ມງວດ.

- 1 1 - ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ
- Tiger Head 728x90 - ລາວຫາລືການຫລຸດຜ່ອນໂຄສະນາຜະລິດຕະພັນເຄື່ອງດື່ມທີ່ມີທາດເຫລົ້າ

  ທ່ານປະທານບໍລິສັດເບຍລາວ ສູນທອນ ພົມມະຈັກ ໄດ້ມີຄໍາເຫັນວ່າ: ບໍລິສັດ ເບຍລາວ ພ້ອມປະຕິບັດຕາມແຈ້ງການຂອງຂັ້ນເທິງກໍານົດອອກ ເພື່ອເຮັດໃຫ້ທຸລະກິດດໍາເນີນຖືກຕ້ອງສອດຄ່ອງຕາມລະບຽບກົດໝາຍ, ເຊິ່ງຜ່ານມາ, ບໍລິສັດກໍໄດ້ເລິກຮື້ປ້າຍໂຄສະນະເບຍອອກຈາກບໍລິເວນສະຖານທີ່ຫວງຫ້າມຕ່າງໆຕາມກົດໝາຍກຳນົດ ເຊັ່ນ: ໂຮງຮຽນ, ໂຮງໝໍ, ວັດ ແລະ ບ່ອນໆ ແລະ ຈະສືບຕໍ່ປັບປຸງຮູບແບບປ້າຍໂຄສະນາຂອງບັນດາຮ້ານອາຫານຕ່າງໆທີ່ບໍລິສັດໄດ້ອຸປະຖໍາ, ສ່ວນກໍລະນີຍິງສາວເສີບເບຍ (ສາວເຊຍເບຍ) ຕາມຮ້ານຕ່າງໆທີ່​ຍັງ​ເປັນ​ຂໍ້​ໂຕ້​ຖຽງ​ກັນ​ຫລາຍ​ໃນ​ສັງຄົມ ກໍຈະໄດ້ປັບປ່ຽນຮູບແບບການນຸ່ງຖືໃຫ້ສອດຄ່ອງກັບຮີດຄອງປະເພນີ ຫລື ພ້ອມທີ່ຈະຍົກເລິກໃນເມື່ອສັງຄົມເຫັນວ່າບໍ່ເໝາະສົມ, ພ້ອມທັງສະເໜີພາກສ່ວນກ່ຽວຂ້ອງໃຫ້ກໍານົດກອບການໂຄສະນາຂອງຜະລິດຕະພັນເຄື່ອງດື່ມທີ່ມີທາດເຫລົ້າໃຫ້ເໝາະສົມ, ການເກັບພາສີ-ອາກອນຕ່າງໆຕ້ອງບົນພື້ນຖານຄວາມເອກະພາບລະຫວ່າງຜູ້ຜະລິດພາຍໃນ ແລະ ຜູ້ນໍາເຂົ້າສີນຄ້າດັ່ງກ່າວນໍາດ້ວຍ.         

error: Content is protected !!