ມອບ-ຮັບໜ້າທີ່ຫົວໜ້າພະແນກແຜນການ ແລະ ການລົງທຶນແຂວງເຊກອງ

- advert banner 728 90 728x90 - ມອບ-ຮັບໜ້າທີ່ຫົວໜ້າພະແນກແຜນການ ແລະ ການລົງທຶນແຂວງເຊກອງ

ພິທີມອບ-ຮັບໜ້າທີ່ຫົວໜ້າພະແນກແຜນການ ແລະ ການລົງທຶນແຂວງເຊກອງລະຫວ່າງທ່ານ ທອງຄໍາ ມະນີວົງ ຜູ້ເກົ່າ ແລະ ທ່ານ ສາກົນ ພອນປະເສີດ ຜູ້ໃໝ່ ໄດ້ມີຂຶ້ນໃນວັນທີ 7 ພຶດສະພານີ້ ທີ່ພະແນກແຜນການດັ່ງກ່າວ,  ໂດຍມີທ່ານ ເຫລັກໄຫລ ສີວິໄລ ຮອງເຈົ້າແຂວງເຊກອງ ເຂົ້າຮ່ວມ.

- new3 - ມອບ-ຮັບໜ້າທີ່ຫົວໜ້າພະແນກແຜນການ ແລະ ການລົງທຶນແຂວງເຊກອງ

   ທ່ານ ສາກົນ ພອນປະເສີດ ຫົວໜ້າຜູ້ໃໝ່ໄດ້ມີຄໍາເຫັນໃນພິທີວ່າ: ເພື່ອສືບຕໍ່ຊີ້ນໍາ-ນຳພາການດໍາເນີນງານຂອງຂະແໜງແຜນການ ແລະ ການລົງທຶນມີຜົນສໍາເລັດຕາມພາລະບົດບາດ ແລະ ໜ້າທີ່ໃນໄລຍະໃໝ່, ຂ້າພະເຈົ້າພ້ອມດ້ວຍຄະນະພັກ, ຄະນະນໍາພະແນກ ແລະ ສະມາຊິກພັກ, ພະນັກງານ-ລັດຖະກອນຈະສືບ ຕໍ່ເອົາໃຈໃສ່ຜັນຂະຫຍາຍຜົນສໍາເລັດ ແລະ ບົດຮຽນອັນ ລໍ້າຄ່ານັ້ນໃຫ້ສູງເດັ່ນຂຶ້ນກວ່າເກົ່າ ເພື່ອເຮັດໃຫ້ຂະແໜງແຜນການ ແລະ ການລົງທຶນມີການພັດທະນາດີຂຶ້ນເລື້ອຍໆ.

- lattana 1 - ມອບ-ຮັບໜ້າທີ່ຫົວໜ້າພະແນກແຜນການ ແລະ ການລົງທຶນແຂວງເຊກອງ

   ໃນໂອກາດດັ່ງກ່າວ, ທ່ານຮອງເຈົ້າແຂວງ ກໍໄດ້ເນັ້ນໃຫ້ທ່ານຫົວໜ້າພະແນກຜູ້ໃໝ່ສືບຕໍ່ເສີມຂະຫຍາຍມູນເຊື້ອຄວາມສາມັກຄີພາຍໃນໃຫ້ເປັນປຶກແຜ່ນ ແລະ ກວ້າງຂວາງ, ປະຕິບັດຕາມລະບອບແບບແຜນວິທີເຮັດວຽກຂອງພັກ, ປະຕິບັດຫຼັກການຕໍານິຕິຊົມກັນໃຫ້ເຂັ້ມງວດ. ພ້ອມດຽວກັນນັ້ນ ໃຫ້ເຊີດຊູຄວາມເປັນແບບຢ່າງນໍາໜ້າໃນທຸກຂົງເຂດວຽກງານ, ມີແບບແຜນການດໍາລົງຊີວິດທີ່ຖືກຕ້ອງ, ປອດໃສຂາວສະອາດ, ປະຢັດມັດທະຍັດ, ມີຄວາມທ່ຽງທໍາເປັນຫຼັກແຫຼ່ງ ແລະ ເປັນແກນນໍາທີ່ແທ້ຈິງຂອງພັກ, ເຮັດໃຫ້ມະ ຫາຊົນມີຄວາມໄວ້ເນື້ອເຊື່ອໃຈ, ປັບປຸງແບບແຜນວິທີນໍາພາ-ວິທີເຮັດວຽກຢ່າງມີວິທະຍາສາດ ແລະ ມີຫົວຄິດປະດິດສ້າງບົນພື້ນຖານລະບຽບກົດໝາຍ, ຢຶດໝັ້ນຫຼັກການລວມສູນປະຊາທິປະໄຕ, ນໍາພາເປັນໝູ່ຄະນະ, ບຸກຄົນຮັບຜິດຊອບ, ເສີມຂະຫຍາຍຫົວຄິດປະດິດສ້າງ ແລະ ສະຕິປັນຍາຂອງມະຫາຊົນ, ມີການຕິດຕາມກວດກາຢ່າງເປັນປົກກະຕິ.

error: Content is protected !!