ວິທີຝຶກຮັກໂຕເອງງ່າຍໆຕາມແບບຊາວພຸດ

- advert banner 728 90 728x90 - ວິທີຝຶກຮັກໂຕເອງງ່າຍໆຕາມແບບຊາວພຸດ
- 020705 2019 1024x683 - ວິທີຝຶກຮັກໂຕເອງງ່າຍໆຕາມແບບຊາວພຸດ

     ການຮັກໂຕເອງເປັນສິ່ງທີ່ເຮັດງ່າຍທີ່ສຸດ ງ່າຍກ່ວາການໄປຮັກຄົນອື່ນຊຳ້, ແຕ່ຄົນທົ່ວໄປມັກຈະຖືເບົາ ແລະ ບໍ່ເຫັນຄວາມສຳຄັນຂອງການຮັກໂຕເອງພໍປານໃດ. ລອງມາຝຶກຮັກໂຕເອງງ່າຍໆຕາມແບບຊາວພຸດກັນດີກ່ວາ ເພາະການຝຶກມອບຄວາມຮັກຄວາມເມດຕາໃຫ້ໂຕເອງ ຫລື ຜູ້ອື່ນນັ້ນສົ່ງຜົນດີຕໍ່ຮ່າງການທີ່ວິທະຍາສາດສາມາດພິສູດໄດ້. ເມດຕາພາວະນານັ້ນສາມາດຫລຸດໂຕບົ່ງບອກຄວາມເຄັ່ງຄຽດທີ່ໃຊ້ວິທີວັດແທກຜົນຈາກເລືອດ ແລະ ນຳ້ລາຍໄດ້ ແລະ ຖືເປັນການພາວະນາປະເພດທີ່ເອີ້ນວ່າ ສະມະຖະພາວະນາ, ເນັ້ນຄວາມສະຫງົບສຸກ, ສະບາຍ. ສ່ວນການຈະເລີນສະຕິວິປັດສະນານັ້ນເນັ້ນຄວາມຕື່ນຮູ້ແລະ ປັນຍາຍານ.

- new3 - ວິທີຝຶກຮັກໂຕເອງງ່າຍໆຕາມແບບຊາວພຸດ

     ມີການວິໄຈເລື່ອງສຳຄັນທີ່ມະຫາວິທະຍາໄລກາລິຟໍເນຍເຄີຍເຮັດໄວ້ ໂດຍສຶກສາຜູ້ທີ່ຝຶກສະມະຖະພາວະນາເປັນເທື່ອທຳອິດຕິດຕໍ່ກັນ 3 ເດືອນ ພົບວ່າ ສາມາດຊ່ວຍຊະລໍໄວໄດ້ເຖິງລະດັບ DNA. ການຝຶກຮັກໂຕເອງຕາມແບບຊາວພຸດແມ່ນເລີ່ມໄດ້ຈາກ :

     – ມອບຄວາມປາຖະໜາດີຕໍ່ຜູ້ອື່ນກ່ອນ : ສຳລັບຫລາຍຄົນ ການມອບຄວາມເມດຕາປາຖະໜາດີໃຫ້ຜູ້ອື່ນເປັນສິ່ງທີ່ເຮັດໄດ້ງ່າຍກ່ວາການມີເມດຕາຕໍ່ຕົນເອງ, ລອງນຶກພາບເດັກນ້ອຍທີ່ບໍ່ໄດ້ເປັນລູກເປັນຫລານຂອງເຮົາ ແຕ່ເຮົາກໍຈະພົບວ່າການມອບຄວາມເມດຕາປາຖະໜາດີໃຫ້ແກ່ເດັກນ້ອຍນັ້ນເກືອບຈະເກີດຂຶ້ນໃນໃຈເຮົາໄດ້ເອງຕາມທຳມະຊາດ ລອງຝຶກໃຫ້ໃຈທ່ານໄດ້ ສຳຜັດການມອບຄວາມເມດຕາປາຖະໜາດີຕໍ່ຜູ້ອື່ນເປັນປະຈຳ.

- 8bf68a12 84ce 481c 8d69 13d2d5c14096 - ວິທີຝຶກຮັກໂຕເອງງ່າຍໆຕາມແບບຊາວພຸດ

     – ໃຊ້ຮ່າງກາຍນຳໜ້າ ແລ້ວຈິດໃຈຈະຕາມມາເອງ : ທ່ານເຄີຍນົບໃຜຈາກໃຈຈິງແທ້ໆບໍ່ ຖ້າເຄີຍທ່ານ ຈະຮັບຮູ້ໄດ້ດ້ວຍຕົນເອງວ່າ ກາຍກັບໃຈນັ້ນກ່ຽວພັນກັນ ຖ້າທ່ານຮູ້ສຶກເຄົາລົບໃຜຈັກຄົນຢ່າງໝົດໃຈ ແນ່ນອນວ່າການນົບຂອງທ່ານເທື່ອນັ້ນຈະນອບນ້ອມ, ນຸ້ມນວນ, ອ່ອນໂຍນທີ່ສຸດ.

     ການນົວໄຫວ້ເປັນວັດທະນະທຳອັນງົດງາມຂອງຄົນລາວທີ່ສາມາດສ້າງສິ່ງມະຫັດສະຈັນໄດ້ຫລາຍໆຢ່າງ, ສ້າງຄວາມອົບອຸ່ນໃຫ້ກັບການສ້າງສາຍສຳພັນລະຫ່ວາງບຸກຄົນ, ແຕ່ມີເງື່ອນໄຂວ່າທ່ານຕ້ອງນົບໄຫວ້ຢ່າງນອບນ້ອມ ນົບດ້ວຍຄວາມຈິງໃຈແທ້ໆ ບໍ່ແມ່ນນົບພຽງເພື່ອມາລະຍາດ.

- lattana 1 - ວິທີຝຶກຮັກໂຕເອງງ່າຍໆຕາມແບບຊາວພຸດ

     – ແຜ່ເມດຕາໃຫ້ແຊນ ແລະ ຈຸລິນຊີໂຕນ້ອຍໃນໂຕທ່ານເອງ: ຮ່າງກາຍມະນຸດເຮົາປະກອບຂຶ້ນດ້ວຍແຊນຕ່າງໆເປັນຈຳນວນເຖິງລ້ານແຊນ, ແຕ່ຍັງມີສິ່ງມີຊີວິດທີ່ຫລາຍກ່ວານັ້ນອາໄສຢູ່ໃນໂຕເຮົາອີກ. ນັກວິໄຈ ບອນນີ່ ແບສເລີ (Bonnie Bassler) ກ່າວວ່າ : ໃນໂຕເຮົາແຕ່ລະຄົນມີແບັກທີເຣຍຈຳນວນເຖິງ 10 ລ້ານໆແຊນ ອາໄສຢູ່ນຳຕະຫລອດເວລາ. ລອງສົ່ງຄວາມເມດຕາປາຖະໜາດີໄປໃຫ້ພວກເຂົາຕອນນີ້ເລີຍ ພຽງເຮັດໃຈໃຫ້ສະຫງົບແລ້ວສົ່ງຄວາມເມດຕາໄປໃຫ້ພວກເຂົາໃນໃຈວ່າ ຂໍໃຫ້ແຊນທຸກ ແຊນ ແລະ ສັດທຸກໂຕໃນຮ່າງກາຍຂອງເຮົາໃນຂະນະນີ້ຈົ່ງເປັນສຸກເປັນສຸກເຖີດ ຢ່າມີຄວາມທຸກກາຍທຸກໃຈເລີຍ ລອງນຶກແນວນີ້ຊຳ້ໆກ້ຽວໄປກ້ຽວມາຈັກ 2 – 3 ຮອບເບິ່ງ. ການສົ່ງຄວາມເມດຕາປາຖະໜາດີໄປໃຫ້ສິ່ງມີຊີວິດໂຕນ້ອຍໆນັ້ນເປັນເລື່ອງບໍ່ຍາກ ແລະ ເນື່ອງຈາກພວກເຂົາເຫລົ່ານັ້ນປະກອບຂຶ້ນມາເປັນໂຕທ່ານ ທ່ານເອງກໍຈະຮູ້ສຶກດີໄປນຳໂດຍອັດຕະໂນມັດ.

     – ເຮັດສະມາທິກ່ອນແຜ່ເມດຕາຈະຍິ່ງເຮັດໄດ້ງ່າຍ : ຖ້າທ່ານລອງແບບທຳອິດແລ້ວຍັງຮູ້ຶກວ່າຍາກຢູ່, ບໍ່ຕ້ອງຢ້ານ ເຮົາມີໂຕຊ່ວຍ ນັ້ນກໍຄື ການນັ່ງຢູ່ນິ້ງໆ, ຫລັງຊື່, ຄໍຊື່, ແຕ່ບໍ່ເກັງ, ມີສະຕິຮູ້ໂຕໃນອາການນັ່ງ ເຊັ່ນ : ຮູ້ສຳຜັດກັບເບາະທີ່ນັ່ງ, ຮັບຮູ້ເຖິງລົມທີ່ມາຖືກຮ່າງກາຍ, ມີຄວາມຕື່ນຮູ້, ແຕ່ຂະນະດຽວກັນກໍຜ່ອນຄາຍ.

     ສະພາວະຕື່ນຮູ້ແຕ່ຜ່ອນຄາຍນີ້ເປັນສະພາວະຂອງຄື້ນສະໝອງອັລຟລາ ຊິ່ງເປັນສະພາວະທີ່ດີສຸດໃນການເຮັດວຽກຕ່າງໆໄດ້ຢ່າງມີປະສິດທິພາບ. ຈາກນັ້ນຄ່ອຍໆຫລັບຕາລົງ ລອງປ່ອຍລົມຫາຍໃຈອອກຍາວໆທາງປາກຊຳ້ໆ ພະຍາຍາມນັບໃນໃຈໃຫ້ໄດ້ເຖິງ 5 ຖ້າຍາວກ່ວານັ້ນໄດ້ກໍຍິ່ງດີ.

error: Content is protected !!