ສະພາສິງກະໂປຜ່ານຮ່າງກົດໝາຍ ປາບປາມ “ຂ່າວປອມ” ໃນອິນເຕີເນັດ

- advert banner 728 90 728x90 - ສະພາສິງກະໂປຜ່ານຮ່າງກົດໝາຍ ປາບປາມ “ຂ່າວປອມ” ໃນອິນເຕີເນັດ

      ສະພາ​ແຫ່ງ​ຊາດ​ຂອງ​ສິງກະ​ໂປມີ​ມະຕິ​ສຽງ​ສ່ວນ​ຫລາຍ ຮັບຮອງ​ຮ່າງ​ກົດໝາຍ​ເພີ່ມ​ອຳນາດ​ໃຫ້​ແກ່​ລັດຖະບານ ​ໃນ​ການ​ປາບ​ປາມ​ຂ່າວສານ ​ແລະ ຂໍ້​ມູນ “ທີ່​ບໍ່​ເປັນ​ຈິງ” ​ໃນ​ສັງຄົມ​ອອນ​ລາຍ.

- new3 - ສະພາສິງກະໂປຜ່ານຮ່າງກົດໝາຍ ປາບປາມ “ຂ່າວປອມ” ໃນອິນເຕີເນັດ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສະພາ​ນິຕິບັນຍັດ​ແຫ່ງ​ຊາດ​ຂອງ​ສິງກະ​ໂປ​ມີ​ມະຕິ​ສຽງ​ສ່ວນ​ຫລາຍ ​ໃນ​ກອງ​ປະຊຸມ​ວັນ​ທີ 9 ພຶດສະພາ​ນີ້ 72 ສຽງ ຕໍ່ 9 ສຽງ ​ແລະ ງົດ​ອອກສຽງ 3 ສຽງ ຜ່ານ​ຮ່າງ​ກົດໝາຍ​ເພື່ອ​ແກ້​ໄຂ​ກົດໝາຍ​ຄວາມ​ໝັ້ນຄົງ​ອິນ​ເຕີ​ເນັດ​ສະບັບ​ປັດຈຸບັນ ​ໂດຍ​ແນ່ນອນ​ວ່າ​ສຽງ​ສະໜັບສະໜູນ​ທັງ​ໝົດ​ມາ​ຈາກ​ພັກ​ກິດ​ປະຊາຊົນ (PAP) ​ເຊິ່ງ​ເປັນ​ພັກ​ລັດຖະບານ​ຂອງ​ນາຍົກລັດຖະມົນຕີ ລີ​ຊຽນລຸງ ​ແລະ ສຽງ​ຄັດຄ້ານ​ມາ​ຈາກ​ພັກ​ຄົນ​ງານ (WP) ​ເຊິ່ງ​ເປັນ​ພັກ​ຝ່າຍ​ຄ້ານ​ພຽງ​ພັກ​ດຽວ​ໃນ​ສະພາ​ແຫ່ງ​ນີ້.

     ທັງ​ນີ້ ​ເນື້ອ​ໃນ​ສຳຄັນ​ຂອງ​ຮ່າງ​ກົດໝາຍ​ລວມທັງ​ການ​ທີ່​ລັດຖະບານ​ມີ​ອຳນາດ​ເຕັມ​ສ່ວນ​ໃນ​ການ “ກຳນົດ” ​ໃຫ້​ເວັບ​ໄຊ ຫລື ​ເພລຂ່າວ​ອອນ​ລາຍ “​ເຜີຍ​ແຜ່​ຂໍ້​ມູນ​ຂ່າວສານ​ທີ່​ຖືກຕ້ອງ” ​ແລະ ​ແກ້​ໄຂ​ຂໍ້​ມູນ​ຂ່າວສານ​ທີ່​ລັດຖະບານ​ພິຈາລະນາ​ແລ້ວ​ພົບ​ວ່າ “ຜິດ ຫລື ບໍ່​ເໝາະ​ສົມ” ຕະຫລອດ​ຈົນ​ການ​ທີ່​ຜູ້​ປະກອບ​ການ​ເຄືອ​ຂ່າຍ​ສັງຄົມ​ອອນ​ລາຍ ​ແລະ ບໍລິສັດ​ເຕັກ​ໂນ​ໂລ​ຊີ​ຕ້ອງ​​ເຮັດ “ຂໍ້ຄວາມ​ເຕືອນ” ​ໄວ້​ໃກ້​ກັບ​ຂໍ້​ມູນ​ຂ່າວສານ​ທີ່​ລັດຖະບານ​ພິຈາລະນາ​ແລ້ວ​ພົບ​ວ່າ “ບໍ່​ເໝາະ​ສົມ” ​ແລະ ປະຊາຊົນ​ຜູ້​ຮັບ​ສານ “ຄວນ​ເພີ່ມ​ການ​ໃຊ້​ວິຈາລະນະຍານ” ​ໃນ​ການ​ພິຈາລະນາ​ເນື້ອ​ໃນ.

- lattana 1 - ສະພາສິງກະໂປຜ່ານຮ່າງກົດໝາຍ ປາບປາມ “ຂ່າວປອມ” ໃນອິນເຕີເນັດ

       ນອກຈາກ​ນີ້ ຖ້າ​ລັດຖະບານ​ພິຈາລະນາ​ຂໍ້​ມູນ​ຂ່າວສານ​ໃດ​ແລ້ວ​ຖື​ວ່າ “​ເປັນ​ຂ່າວ​ປອມ” ​ເວັບ​ໄຊ ຫລື ​ເພລທີ່​ນຳ​ສະ​ເໜີ​ລາຍ​ງານ​ນັ້ນຕ້ອງ​ລົບ​ຂໍ້​ມູນ​ດັ່ງກ່າວ​ອອກ​ຈາກ​ລະບົບ​ທັນທີ. ທັງ​ນີ້ ບົດ​ລົງ​ໂທດ​ຈຳ​ຄຸກ​ສູງ​ສຸດ 10 ປີ ຫລື ປັບ​ໃໝ່​ເງິນ​ສູງ​ສຸດ 1 ລ້ານ​ໂດ​ລາ​ສິງກະ​ໂປ ​ໂດຍ​ບົດ​ລົງ​ໂທດ​ຄວບ​ຄຸມ​ການ​ກະທຳ​ຜິດ​ທີ່​ເປັນ​ການ​ເປີດ​ໃຊ້​ບັນຊີ ​ເຊິ່ງ​ເອີ້ນ​ວ່າ: “ບອດ” ​ເພື່ອ​ເຈດ​ຕະນາ​ເຜີຍ​ແຜ່​ຂໍ້​ມູນ​ຂ່າວສານ​ປອມ.

error: Content is protected !!