ທ່ານ ທຣຳ ອ້າງຈີນ “ຜິດສັນຍາ” ເປັນເຫດໃຫ້ຕ້ອງຂຶ້ນພາສີ

- advert banner 728 90 728x90 - ທ່ານ ທຣຳ ອ້າງຈີນ “ຜິດສັນຍາ” ເປັນເຫດໃຫ້ຕ້ອງຂຶ້ນພາສີ

      ປະທານາທິບໍດີ ​ໂດ​ນັລ ທຣຳ ກ່າວ​ວ່າ: ລັດຖະບານ​ປັກ​ກິ່ງ​ເປັນ​ຝ່າຍ “ຜິດ​ສັນຍາ” ສົ່ງ​ຜົນ​ໃຫ້​ອາ​ເມ​ລິ​ກາ​ຕ້ອງ​ເດີນ​ໜ້າ​ມາດ​ຕະການ​ຂຶ້ນພາສີ ທີ່​ຈະ​ມີ​ຜົນ​ໃນ​ວັນ​ທີ 10 ພຶດສະພາ​ນີ້.

- lattana 1 - ທ່ານ ທຣຳ ອ້າງຈີນ “ຜິດສັນຍາ” ເປັນເຫດໃຫ້ຕ້ອງຂຶ້ນພາສີ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂດ​ນັລ ທຣຳ ກ່າວ​ໃນ​ວັນ​ທີ 8 ພຶດສະພາ ກ່ຽວ​ກັບ​ການ​ກຽມ​ເພີ່ມ​ອັດຕາ​ພາສີ 10% ສຳລັບ​ສິນຄ້າ​ອື່ນ​ນັ້ນຈະ​ເພີ່ມ​ເປັນ 25% ​“​ໃນ​ວັນ​ທີ 10 ພຶດສະພາ​ນີ້” ​ແລະ ທ່ານ​ກຳລັງ​ພິຈາລະນາ​ຕັ້ງກຳ​ແພງ​ພາສີ​ອັດຕາ 25% ຕໍ່​ສິນຄ້າ​ອື່ນ​ຂອງ​ຈີນ​ອີກ 325.000 ລ້ານ​ໂດ​ລາ​ສະຫະລັດ “ພາຍ​ໃນ​ອະນາຄົດ​ອັນ​ໃກ້​ນີ້” ວ່າ​ເປັນ​ຍ້ອນ​ລັດຖະບານ​ປັກ​ກິ່ງ​ເປັນ​ຝ່າຍ “ຜິດ​ສັນຍາ” ​ແຕ່​ປະຕິ​ເສດ​ໃຫ້​ຂໍ້​ມູນ​ເພີ່ມ​ຕື່ມ​ວ່າ​ຄຳ​ໝັ້ນສັນຍາ​ທີ່​ວ່າ​ນັ້ນຄື​ຫຍັງ.

       ຂະນະ​ທີ່​ທ່ານ ​ໂຣ​ເບີດ ​ໄລ​ທິ​ເຊີ ຫົວໜ້າ​ຜູ້​ແທນ​ເຈລະຈາ​ການ​ຄ້າ​ຂອງ​ລັດຖະບານ​ວໍ​ຊິງ​ຕັນ ກ່າວ​ວ່າ: ການ​ເຈລະຈາ​ກັບ​ຈີນ​ຈະ​ຍັງ​ດຳ​ເນີນ​ຕໍ່​ໄປ, ​ແຕ່​ຂະນະ​ດຽວ​ກັນ ລັດຖະບານ​ວໍ​ຊິງ​ຕັນ “ມີ​ຄວາມ​ຈຳ​ເປັນ” ຕ້ອງ​ເພີ່ມ​ອັດຕາ​ພາສີ​ຕາມ​ການ​ປະກາດ​ຂອງ​ຜູ້ນຳ​ອາ​ເມ​ລິ​ກາ ​ເພື່ອ​ເປັນ​ການ “​ເພີ່ມ​ແຮງ​ກະ​ຕຸ້ນ” ​ໃຫ້​ແກ່​ອີກ​ຝ່າຍ ​ໂດຍ​ທ່ານ ທຣຳ ກ່າວ​ໃນຕົ້ນອາທິດ​ນີ້​ວ່າ: ຕະຫລອດ​ໄລຍະ​ເວລາ 10 ​ເດືອນ​ຜ່ານ​ມາ ຈີນ​ຈ່າຍ​ພາສີ​ໃນ​ອັດຕາ 25% ສຳລັບ​ສິນຄ້າ​ດ້ານ​ເຕັກ​ໂນ​ໂລ​ຊີ​ມູນ​ຄ່າ 50.000 ລ້ານ​ໂດ​ລາ​ສະຫະລັດ ​ແລະ ອີກ 10% ສຳລັບມູນ​ຄ່າ​ການ​ນຳ​ເຂົ້າສິນຄ້າ​ປະ​ເພດ​ອື່ນ​ລວມ 200.000 ລ້ານ​ໂດ​ລາ​ສະຫະລັດ. ​ເຖິງ​ຢ່າງ​ໃດ​ກໍ​ຕາມ, ການ​ທີ່​ທ່ານ​ຕັດສິນ​ໃຈ​ເລື່ອນ​ກຳນົດ​ການ​ຂຶ້ນອັດຕາ​ພາສີ​ສິນຄ້າ​ຈີນ​ຮອບ​ໃໝ່​ອອກ​ໄປ​ກ່ອນ.

       ສ່ວນ​ກະຊວງ​ການ​ຄ້າ​ຂອງ​ຈີນ​ອອກ​ຖະ​ແຫລ​ງການ​ວ່າ: ລັດຖະບານ​ປັກ​ກິ່ງ​ຈະ​ມີ​ມາດ​ຕະການ​ຕອບ​ໂຕ້​ໃນ​ລະດັບ​ດຽວ​ກັນ “ຖ້າ​ທ່ານ ທຣຳ ຍັງ​ບໍ່​ຍອມ​ຖອຍ” ​ແລະ ​ເຕືອນ​ວ່າ: ທ່າ​ທີ​ຂອງ​ອາ​ເມ​ລິ​ກາ​ມີ​ແຕ່​ຈະ​ຍິ່ງ​ເພີ່ມ​ຄວາ​ມ​ເດືອດຮ້ອນ​ໃຫ້​ແກ່​ປະຊາຊົນ​ຂອງ​ທັງ​ສອງ​ປະ​ເທດ.

- 1 1 - ທ່ານ ທຣຳ ອ້າງຈີນ “ຜິດສັນຍາ” ເປັນເຫດໃຫ້ຕ້ອງຂຶ້ນພາສີ
- Tiger Head 728x90 - ທ່ານ ທຣຳ ອ້າງຈີນ “ຜິດສັນຍາ” ເປັນເຫດໃຫ້ຕ້ອງຂຶ້ນພາສີ

     ທັງ​ນີ້, ຂໍ້​ມູນ​ຈາ​ກສຳນັກງານ​ສະຖິຕ​ິ​ແຫ່ງ​ຊາດ​ຂອງ​ອາ​ເມ​ລິ​ກາລະ​ບຸ​ວ່າ: ​ໃນ​ປີຜ່ານມາ ອາ​ເມ​ລິ​ກາ​ນຳ​ເຂົ້າສິນຄ້າ​ຈາກ​ຈີນ​ມູນ​ຄ່າ 539.500 ລ້ານ​ໂດ​ລາ​ສະຫະລັດ, ​ແຕ່​ມູນ​ຄ່າ​ການ​ສົ່ງ​ອອກ​ມີ​ພຽງ 120.300 ລ້ານ​ໂດ​ລາ​ສະຫະລັດ. ໝາຍ​ຄວາມ​ວ່າ​ຂາດ​ດຸນ​ສູງ​ເຖິງ 419.200 ລ້ານ​ໂດ​ລາ​ສະຫະລັດ. ຖື​ເປັນ​ສະຖິຕິ​ການ​ຂາດ​ດຸນ​ການ​ຄ້າ​ຕໍ່​ຈີນ​ສູງ​ສຸດ​ເປັນ​ປະຫວັດສາດ.

error: Content is protected !!