​ເຈົ້າໜ້າທີ່ພວມ​ເລັ່ງສືບສວນ​ສາ​ເຫດ​ໄຟ​ໄໝ້ສູນ​ການ​ຄ້າ​ລາວ-​ໄອ​ເຕັກ

- advert banner 728 90 728x90 - ​ເຈົ້າໜ້າທີ່ພວມ​ເລັ່ງສືບສວນ​ສາ​ເຫດ​ໄຟ​ໄໝ້ສູນ​ການ​ຄ້າ​ລາວ-​ໄອ​ເຕັກ

ໃນ​ເວລາ​ປະມານ 8:30 ​ໂມງ ຂອງ​ວັນ​ທີ 10 ພຶດສະພາ​ນີ້, ​ໄດ້​ເກີດ​ເຫດ​ໄຟ​ໄໝ້ຢູ່​ສູນ​ການ​ຄ້າ​ລາວ-​ໄອ​ເຕັກ ນະຄອນຫລວງ​ວຽງຈັນ ​ແລະ ​ເປັນ​ມື້​ເປີດ​ງານ​ວາງສະ​ແດງ​ສິນຄ້າ​ຜະລິດ​ຕະພັນ​ລາວຈຶ່ງ​ຈະ​ຕ້ອງ​​ໄດ້ເລື່ອນງານວາງສະ​ແດງ​ດັ່ງກ່າວໄປ​ກ່ອນ. ​

- new3 - ​ເຈົ້າໜ້າທີ່ພວມ​ເລັ່ງສືບສວນ​ສາ​ເຫດ​ໄຟ​ໄໝ້ສູນ​ການ​ຄ້າ​ລາວ-​ໄອ​ເຕັກ

    ທ່ານ ຄົມ ອິນ​ທະລາ​ດ ຫົວໜ້າກົມ​ຕໍາຫລວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ, ກະຊວງ​ປ້ອງ​ກັນ​ຄວາມ​ສະຫງົບ ​ໃຫ້​ຮູ້​ວ່າ: ພາຍຫລັງໄດ້ຮັບແຈ້ງເຫດ​ໄຟ​ໄໝ້ດັ່ງ​ກ່າວ, ເຈົ້າໜ້າທີ່​ຕໍາຫລວດ​ສະກັດ​ກັ້ນ ​ແລະ ຕ້ານ​ອັກ​ຄີ​ໄພ ໄດ້​ຮີບ​ຮ້ອນລະດົມ​ກໍາລັງ​ອ້າຍ​ນ້ອງ ພ້ອມ​ໜ່ວຍກູ້​ໄພ 1623 ​ແລະ ລົດ​ດັບ​ເພີງ​ຈໍານວນ 6 ຄັນ ​ເຂົ້າ​ສະກັດ​ກັ້ນ ​ໂດຍ​ໃຊ້​ເວລາ​ປະມານ 1 ຊົ່ວ​ໂມງເຈົ້າໜ້າທີ່​ຈຶ່ງສາມາ​ດຄວບ​ຄຸມ​ໄຟ​​ໄວ້ໄດ້​ ​ແລະ ສ່ວນຄວາມ​ເສຍ​ຫາຍເບື້ອງ​ຕົ້ນ​ມີ​ປະມານ 20 ກວ່າ​ຮ້ານ ​ໃນ​ນັ້ນ​ມີ​ຮ້ານ​ຂາຍ​ສິ້ນ​ໄໝ, ​ເສື້ອ​ຜ້າ, ​ເຄື່ອງ​ຫລິ້ນ​ເດັກນ້ອຍ ​ແລະ ອື່ນໆ. ສໍາລັບສາ​ເຫ​ດ ​ແລະ ມູນ​ຄ່າຄວາມ​ເສຍ​ຫາຍ​ທາງ​ເຈົ້າໜ້າທີ່​ພວມ​ເລັ່ງສືບສວນ-​ສອບ​ສວນ ​ໂດຍ​ຈະ​ມີພິທີ​ຖະ​ແຫລ​ງຂ່າວ​ໃຫ້​ມວນ​ຊົນ​ໄດ້​ຮັບ​ຮູ້​ໃນ​ມໍ່ໆນີ້, ຊຶ່ງ​ເບື້ອງ​ຕົ້ນ​ເຈົ້າໜ້າທີ່​ຄາດ​ວ່າ​ອາດ​ເກີດ​ຍ້ອນ​ໄຟຟ້າ​ລັດ​ວົງ​ຈອນ.

- lattana 1 - ​ເຈົ້າໜ້າທີ່ພວມ​ເລັ່ງສືບສວນ​ສາ​ເຫດ​ໄຟ​ໄໝ້ສູນ​ການ​ຄ້າ​ລາວ-​ໄອ​ເຕັກ
error: Content is protected !!