ເຈົ້າໜ້າ​ທີ່​ຫລາຍທ້ອງຖິ່ນ​ເພີ່ມ​ທະວີ​ປາບປາມຜູ້ຄ້າຢາເສບຕິດ

- advert banner 728 90 728x90 - ເຈົ້າໜ້າ​ທີ່​ຫລາຍທ້ອງຖິ່ນ​ເພີ່ມ​ທະວີ​ປາບປາມຜູ້ຄ້າຢາເສບຕິດ

ປັດຈຸບັນ, ສະພາບການເຄື່ອນໄຫວລັກລອບຄ້າຂາຍຢາເສບຕິດຢູ່ໃນສັງຄົມເຮົາຍັງສືບຕໍ່ມີໃຫ້ເຫັນ. ຂະນະດຽວກັນ ເຈົ້າໜ້າທີ່ທ້ອງຖິ່ນຕ່າງໆ​ໄດ້​ເພີ່ມ​ທະວີ​ປາບ​ປາມ ​ແລະ ຈັບ​ຕົວຜູ້ກະທໍາຜິດມາດໍາເນີນຄະດີຕາມລະບຽບກົດໝາຍ. ດັ່ງເມື່ອບໍ່ດົນມານີ້ ​ເຈົ້າໜ້າ​ທີ່​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ເມືອງ​ສີ​ໂຄດ​ຕະບອງ ນະຄອນຫລວງວຽງຈັນ ໄດ້​ນຳ​ກຳລັງເຂົ້າກວດຄົ້ນ​ເຮືອນເປົ້າໝາຍຄ້າຂາຍຢາເສບ​ຕິດຢູ່​ບ້ານ​ອາກາດ ແລະ ​ໄດ້ພົບເຫັນຢາບ້າ 1.800 ເມັດຊຸກເຊື່ອງໄວ້ຢູ່ຫ້ອງນອນ, ພ້ອມທັງກັກຕົວທ້າວ ເພັດ​ອາພອນ (​ເປ່​ເລ້) ອາຍຸ 33 ປີ ຢູ່ເຮືອນຫລັງດັ່ງກ່າວມາສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການເພື່ອຕິດຕາມຕົວມາດໍາເນີນຄະດີຕາມລະບຽບກົດໝາຍ. ​ໃນ​ຂະນະ​ດຽວ​ກັນ ​ເຈົ້າໜ້າ​ທີ່​ກອງ​ບັນຊາ​ການ ປກສ ​ເມືອງ​ຊົນນະ​ບູລີ ​ແຂວງ​ສະຫວັນ​ນະ​ເຂດ ​ກໍໄດ້ນໍາກໍາລັງເຂົ້າກວດຄົ້ນເຮືອນເປົ້າໝາຍຄ້າຢາເສບຕິດຫລັງໜຶ່ງຢູ່ບ້ານ​ນາ​ທອງ ​ເມືອງ​ຊົນນະ​ບູລີ ແລະ ພົບເຫັນຢາເສບຕິດປະເພດຢາບ້າ 1 ພັນກວ່າເມັດຊຸກເຊື່ອງໄວ້ໃນຫ້ອງນອນ ຈຶ່ງໄດ້ກັກຕົວ​ນາງ ກຽນ ອາຍຸ 55 ປີເຊິ່ງເປັນເຈົ້າຂອງເຮືອນມາສືບສວນເພື່ອດໍາເນີນຄະດີຕາມລະບຽບກົດໝາຍ.

- lattana 1 - ເຈົ້າໜ້າ​ທີ່​ຫລາຍທ້ອງຖິ່ນ​ເພີ່ມ​ທະວີ​ປາບປາມຜູ້ຄ້າຢາເສບຕິດ

  ເຈົ້າໜ້າ​ທີ່ ​ໃຫ້​ຮູ້​ວ່າ: ເປົ້າໝາຍຄ້າຂາຍຢາເສບຕິດທີ່ຈັບໄດ້ທັງສອງກໍລະນີນີ້ ແມ່ນຖືກຊັດທອດຈາກຜູ້ຮ່ວມຂະບວນການທີ່ເຈົ້າໜ້າທີ່ສາມາດຈັບໄດ້ກ່ອນໜ້ານີ້ແລະ ຈະຂະຫຍາຍຜົນຫາຜູ້ຮ່ວມຂະບວນການທີ່ຍັງເຫລືອຕື່ມອີກ ເພື່ອຈັບຕົວມາດໍາເນີນຄະດີຕາມລະບຽບກົດໝາຍໂດຍໄວ.

- 1 1 - ເຈົ້າໜ້າ​ທີ່​ຫລາຍທ້ອງຖິ່ນ​ເພີ່ມ​ທະວີ​ປາບປາມຜູ້ຄ້າຢາເສບຕິດ