ຍີ່ປຸ່ນທົດລອງລົດໄຟຫົວກະສຸນ ລຸ້ນແລ່ນໄວທີ່ສຸດເທົ່າທີ່ເຄີຍມີມາ

- advert banner 728 90 728x90 - ຍີ່ປຸ່ນທົດລອງລົດໄຟຫົວກະສຸນ ລຸ້ນແລ່ນໄວທີ່ສຸດເທົ່າທີ່ເຄີຍມີມາ

      ຍີ່ປຸ່ນ​ເລີ່​ມທົດ​ລອງ​ແລ່ນ​ລົດ​ໄຟ​ໂດຍສານຄວາມ​ໄວ​ສູງ​ຊິນ​ຄັນ​ເຊັນ ລຸ້ນ​ແລ່ນ​ໄວ​ທີ່​ສຸດ​ເທົ່າ​ທີ່​ເຄີຍ​ມີ​ມາ ​ໂດຍ​ສາມາດ​ແລ່ນ​ໄດ້​ເຖິງ 400 ກິ​ໂລ​ແມັດ​ຕໍ່​ຊົ່ວ​ໂມງ, ຂະນະ​ທີ່​ຍີ່ປຸ່ນ​ເດີນ​ໜ້າ​ພັດທະນາ ​ແລະ ປະຕິ​ວັດ​ຮູບ​ແບບ​ການ​ເດີນທາງ​ສັນຈອນ.

- new3 - ຍີ່ປຸ່ນທົດລອງລົດໄຟຫົວກະສຸນ ລຸ້ນແລ່ນໄວທີ່ສຸດເທົ່າທີ່ເຄີຍມີມາ

      ​ເວັບ​ໄຊ​ສຳນັກ​ຂ່າວ CNN ລາຍ​ງານ​ວ່າ: ລົດ​ໄຟ​ຄວາມ​ໄວ​ສູງ​ຊິນ​ຄັນ​ເຊັນ​ຮຸ້ນ ອໍ​ຟາ-​ເອັກ (ALFA-X) ​ເລີ່​ມ​ໂຄງການ​ທົດ​ລອງ​ແລ່ນ​ເປັນ​ເວລາ 3 ປີ ນັບ​ແຕ່​ວັນ​ທີ 10 ພຶດສະພາ.

      ​ເມື່ອ​ເຂົ້າສູ່​ປະຕິບັດ​ການ​ເລີ່​ມ​ແລ່ນ​ໃຫ້​ບໍລິການ​ຜູ້​ໂດຍສານ​ປະມານ​ປີ 2030 ອໍ​ຟາ-​ເອັກ ຈະ​ແລ່ນ​ດ້ວຍ​ຄວາມ​ໄວ​ສູງ​ສຸດ 360 ກິ​ໂລ​ແມັດຕໍ່​ຊົ່ວ​ໂມງ ​ເຮັດ​ໃຫ້​ກາຍ​ເປັນ​ລົດ​ໄຟ​ຫົວ​ກະສຸນ​ທີ່​ແລ່ນ​ໄວ​ທີ່​ສຸດ​ໃນ​ໂລກ ​ໄວ​ກວ່າ​ລົດ​ໄຟ​ຫົວ​ກະສຸນ​ຟູ່ຊີງ​ຂອງ​ຈີນ 10 ກິ​ໂລ​ແມັດ​ຕໍ່​ຊົ່ວ​ໂມງ ​ເຖິງ​ວ່າ​ຟູ່ຊິງ​ຈະ​ຖືກ​ອອກ​ແບບ​ໃຫ້​ແລ່ນ​ໄດ້​ໄວ​ສູງ​ສຸດ​ເທົ່າ​ກັບ ອໍ​ຟາ-​ເອັກ.

- lattana 1 - ຍີ່ປຸ່ນທົດລອງລົດໄຟຫົວກະສຸນ ລຸ້ນແລ່ນໄວທີ່ສຸດເທົ່າທີ່ເຄີຍມີມາ

      ການ​ທົດ​ລອງ​ແລ່ນ​ຈະ​ມີ​ຂຶ້ນ​​ໃນ​ເສັ້ນທາງ​ລະຫວ່າງ​ເມືອງ​​ເຊ​ນ​ໄດ​ກັບ​ເມືອງ​ອາ​ໂອ​ໂມຣິ ​ເຊິ່ງມີ​ໄລຍະ​ທາງ​ຫ່າງ​ກັນ​ປະທານ 280 ກິ​ໂລ​ແມັດ ​ແລະ ທົດ​ລອງ​ໄລຍະ​ທ່ຽງ​ຄືນ ​ເມື່ອ​ເສັ້ນທາງ​ງຽບ​ສະຫງົບ ​ແລະ ຈະ​ທົດ​ລອງ​ອາທິດ​ລະ 2 ຄັ້ງ, ​ແຕ່​ວ່າການ​ທົດ​ລອງ​ຈະ​ໄດ້ຜົນ​ຊໍ່າ​ໃດ ອໍ​ຟາ-​ເອັກ ຈະ​ບໍ່​ມີ​ວັນ​ທຳລາຍ​ສະຖິຕິ​ຄວາມ​ໄວ​ຂອງ​ລົດ​ໄຟ​ລາງ​ແມ່​​ເລັກ​ໄຟຟ້າ ​ແມ​ກ​ເລ​ບຂອງ​ການ​ລົດ​ໄຟ​ຍີ່ປຸ່ນ ທີ່​ແລ່ນ​ໄດ້​ໄວ​ເຖິງ 603 ກິ​ໂລ​ແມັດ​ຕໍ່​ຊົ່ວ​ໂມງ ຈາກ​ການ​ທົດ​ລອງ​ໃນ​ປີ 2015.

error: Content is protected !!