ທະນາຄານໂລກໃຫ້ທຶນສະໜັບສະໜູນ 2 ໂຄງການໃໝ່ມູນຄ່າ 52 ລ້ານ​ໂດ​ລາ​

- advert banner 728 90 728x90 - ທະນາຄານໂລກໃຫ້ທຶນສະໜັບສະໜູນ 2 ໂຄງການໃໝ່ມູນຄ່າ 52 ລ້ານ​ໂດ​ລາ​

ພິທີ​ລົງ​ນາມ​ໃນ​ສັນຍາ 2 ​ໂຄງການ​ໃໝ່ຈາກ​ທະນາຄານ​ໂລກ​ລວມມູນ​ຄ່າ​ທັງໝົດ 52 ລ້ານ​ໂດ​ລາ​ສະຫະລັດ ​ໄດ້​ມີ​ຂຶ້ນໃນວັນທີ 9 ພຶດສະພານີ້ຄື: ໂຄງການຫຼຸດຜ່ອນຄວາມທຸກ ແລະ ການຂາດສານອາຫານໃນຊົນນະບົດຂອງຂະແໜງປົກປ້ອງສັງຄົມຈຳນວນ 27 ລ້ານໂດລາສະຫະລັດ ​ແລະ ໂຄງການຂະຫຍາຍນໍ້າປະປາ, ສຸຂາພິບານ ແລະ ອະນາໄມລວມມູນຄ່າ 25 ລ້ານໂດລາສະຫະລັດ.

- lattana 1 - ທະນາຄານໂລກໃຫ້ທຶນສະໜັບສະໜູນ 2 ໂຄງການໃໝ່ມູນຄ່າ 52 ລ້ານ​ໂດ​ລາ​

ຕາງໜ້າລັດຖະບານລາວ ໂດຍແມ່ນທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ  ແລະ ທ່ານ ນິໂກລາ ປອນຕາຣາ ຫົວໜ້າຫ້ອງການທະນາຄານໂລກ ປະຈຳສປປ ລາວ.

ສອງໂຄງການໃໝ່ນີ້, ເປັນການແກ້ໄຂບັນຫາການຂາດສານອາຫານຊໍາເຮື້ອທີ່ມີອັດຕາສູງຢູ່ເຂດພາກເໜືອຂອງສປປ ລາວ, ໂດຍສະເພາະໂຄງການຫຼຸດຜ່ອນຄວາມທຸກ  ແລະ ການຂາດສານອາຫານໃນຊົນນະບົດຂອງຂະ     ແໜງປົກປ້ອງສັງຄົມ, ເປັນການວາງລະບົບການປົກປ້ອງທາງສັງຄົມແຫ່ງຊາດ ແລະ ສະໜັບສະໜູນການໂອນເງິນແບບມີເງື່ອນໄຂແມ່ນຂຶ້ນກັບການຫັ້ນປ່ຽນພຶດຕິກຳຂອງກຸ່ມຄົວເຮືອນເປົ້າໝາຍ, ເພື່ອປັບປຸງໂພສະນາການໃຫ້ດີຂຶ້ນໂດຍສະເພາະໃນ 1.000 ມື້ທຳອິດຂອງຊີວິດ, ສ່ວນໂຄງການຂະຫຍາຍນໍ້າປະປາ, ສຸຂາພິບານ ແລະ ອະນາໄມ ຈະເປັນການເຂົ້າເຖິງນໍ້າ, ສຸຂາພິບານ ແລະ ອະນາໄມທີ່ດີຂຶ້ນ, ໂດຍຈະຖືກຈັດຕັ້ງປະຕິບັດຢູ່ 4 ແຂວງພາກເໜືອ ລາວ ຄື: ຊຽງຂວາງ,​ ຫົວພັນ, ຜົ້ງສາລີ ​ແລະ ແຂວງອຸດົມໄຊ, ຊຶ່ງໄດ້ຮັບຜົນກະທົບຈາກການຂາດສານອາຫານຊໍາເຮືອ (ເຕັ້ຍ) ໃນລະດັບສູງກວ່າ 40%, ການຂາດສານອາຫານຊໍາເຮື້ອໃນໄວເດັກສົ່ງຜົນໃຫ້ສຸຂະພາບອ່ອນແອ, ເຮັດໃຫ້ເດັກນ້ອຍພັດທະນາການຊ້າ, ຜົນຕໍ່ການຮຽນຕໍ່າ ແລະ ໃນທີ່ສຸດເຮັດໃຫ້ໂອກາດໃນການຖືກຈ້າງງານລົດລົງ. ສະນັ້ນ, ຈຶ່ງເຮັດໃຫ້ຊຸມຊົນບໍ່ສາມາດຫຼຸດພົ້ນອອກຈາກຄວາມທຸກຍາກ.

ທ່ານ​ຫົວ­ໜ້າ​ທະ­ນາ­ຄານ​ໂລກ​ປະ­ຈຳ​ລາວ ກ່າວ​ວ່າ: ເດັກ­ນ້ອຍ​ທີ່ລາວສະ­ເລ່ຍ​ຈະ​ມີ​ປະ​ສິດ­ທິ​ຜົນ ພຽງ​ແຕ່ 45% ຖ້າ​ທຽບ­ໃສ່​ປະ​ສິດ­ທິ​ຜົນ​ອັນ​ເຕັມ​ສ່ວນ ໃນ​ກໍ­ລະ­ນີ​ໄດ້​ຮັບ​ການ​ສຶກ​ສາ ແລະ ບໍ­ລິ­ການ​ສຸ­ຂະ­ພາບ​ເຕັມ­ທີ່, ການ​ລົງ­ທຶນ​ເຂົ້າ​ໃນ​ການ​ປັບ­ປຸງ​ໂພ­ຊະ​ນາ​ການໝາຍ​ເຖິງ​ການ​ສ້າງ​ທຶນ​ມະ­ນຸດ​ຂອງ​ປະ­ເທດ, ​ຊຶ່ງ​ຈະ​ຊ່ວຍ​ໃນ​ການ​ເຕີບ​ໃຫຍ່​ທາງ​ດ້ານ​ເສດ­ຖະ­ກິດ​ຂອງ​ປະ­ເທດ​ໃນ​ອະ­ນາ­ຄົດ.

- 1 1 - ທະນາຄານໂລກໃຫ້ທຶນສະໜັບສະໜູນ 2 ໂຄງການໃໝ່ມູນຄ່າ 52 ລ້ານ​ໂດ​ລາ​