ກະແສສື່ສັງຄົມທີ່ພວມໂດດເດັ່ນມາແຮງ

- advert banner 728 90 728x90 - ກະແສສື່ສັງຄົມທີ່ພວມໂດດເດັ່ນມາແຮງ

ໂດຍ: ທິດກ່ຳ

- lattana 1 - ກະແສສື່ສັງຄົມທີ່ພວມໂດດເດັ່ນມາແຮງ

ນັບແຕ່ມີແຈ້ງການສະບັບເລກທີ 196/ຖວທ ລົງ ວັນທີ 24 ເມສາ 2019 ກ່ຽວ ກັບການຢຸດຕິການຜະລິດສື່ໂຄສະນາ ແລະ ໂຄສະນາເຄື່ອງດື່ມທີ່ມີທາດເຫລົ້າທຸກ ປະເພດເປັນຕົ້ນມາ, ທິດກ່ຳ ໄດ້ເກາະຕິດກັບກະແສສື່ສັງຄົມທີ່ພວມໂດດເດັ່ນມາແຮງຢ່າງອຸດຕະລຸດ ບໍ່ວ່າໃນຢູ່ທູບ, ເຟສບຸກ, ນັບທັງຄວາມ ຄິດເຫັນໃນສະພາກາເຟ ແລະ ໃນແວດວົງສັງຄົມລາວເຮົາມະຍ່ອມມະແຍ່ມຕ່າງກໍມີ ຄວາມຄິດເຫັນເວົ້າວ່າ ແລະ ມີທັດສະນະທີ່ຄ້າຍຄືກັນ ແລະ ແຕກຕ່າງກັນໄປ.

ເພາະສະນັ້ນ, ທິດກ່ຳ ຈຶ່ງຢາກຂໍຄັດຈ້ອນສະຫລຸບໂດຍຫຍໍ້ນຳເອົາຄວາມຄິດ ເຫັນໂດຍລວມຖືວ່າຮ້ອຍ ສ່ວນຮ້ອຍແມ່ນໃຜກໍເຫັນດີ ຕໍ່ແຈ້ງການສະບັບດັ່ງກ່າວ. ແຕ່ວ່າວິທີການຈັດຕັ້ງປະຕິບັດ ນັ້ນກ່ອນອື່ນຕ້ອງໃຫ້ສອດ ຄ່ອງກັບກົດໝາຍ ແລະ ສອດ ຄ່ອງກັບສະພາບຄວາມເປັນຈິງນັ້ນມາເປັນຕົວຫລັກ.

ໃນຄວາມຈິງແລ້ວ, ຖ້າພວກເຮົາຫາກໄດ້ອ່ານ ແລະ ຄົ້ນຄວ້າກ່ຽວກັບເນື້ອໃນຈິດ ໃຈຂອງແຈ້ງການສະບັບນີ້ ມັນກໍມີພຽງສອງຂໍ້ຄື: ຂໍ້ທີໜຶ່ງລະບຸວ່າໃຫ້ບໍລິສັດ, ວິສະ ຫະກິດ, ບໍລິສັດເອກະຊົນນຳ ເຂົ້າ-ສົ່ງອອກ, ຈຳໜ່າຍ ແລະ ບໍລິສັດຜູ້ປະກອບການໂຄສະນາ, ອອກແບບຜະລິດຕິດຕັ້ງ ປ້າຍໃຫ້ຢຸດຕິການໂຄສະນາ ເຄື່ອງດື່ມທີ່ມີທາດເຫລົ້າ ທຸກປະເພດເປັນຕົ້ນແມ່ນຜະລິດຕິດຕັ້ງປ້າຍໂຄສະນາຢູ່ຕາມສາຍທາງ ແລະ ສະ ຖານ ທີ່ຕ່າງໆ.

ການໂຄສະນາທາງສື່ມວນຊົນທຸກປະເພດ ແລະ ກິດຈະກຳການສົ່ງເສີມການຂາຍ (ສາວເຊຍເບຍ) ແລະ ອື່ນໆ ທີ່ເປັນການຊັກຊວນໃຫ້ດື່ມ, ໃນຂໍ້ນີ້ເວົ້າແຈ້ງແລ້ວ ແມ່ນໃຫ້ພາກັນຢຸດຕິ ກໍໝາຍ ຄວາມວ່າຢຸດເຊົາບໍ່ໃຫ້ເຮັດ ອີກຕໍ່ໄປ.

ສ່ວນຂໍ້ທີສອງແມ່ນໃຫ້ຂະແໜງຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ ທົ່ວປະເທດເປັນເຈົ້າການຕິດຕາມກວດກາ, ຈັດຕັ້ງປະຕິບັດ ແລະ ແກ້ໄຂບັນຫາປ້າຍ ໂຄສະນາ ແລະ ການໂຄສະ ນາເຄື່ອງດື່ມທີ່ມີທາດເຫລົ້າ ໃນສື່ປະເພດຕ່າງໆໃຫ້ເອກະພາບກໍໝາຍຄວາມວ່າ ວຽກນີ້ມອບໃຫ້ຂະແໜງດັ່ງ ກ່າວນັບແຕ່ຂັ້ນສູນກາງ ແລະ ທ້ອງຖິ່ນເປັນຜູ້ຕິດຕາມກວດກາທັງເປັນເຈົ້າການນຳພາໝູ່ເຮັດ.

ໃນສະພາບ ຄວາມເປັນ ຈິງຂອງປະເທດເຮົານັບແຕ່ມີການປ່ຽນແປງໃໝ່ຫັນກົນໄກຄຸ້ມຄອງເສດຖະກິດຕະຫລາດໄດ້ມີຫລາຍຢ່າງເຕີບໂຕ ແລະ ພັດທະນາໄປໃນທາງທີ່ດີ, ແຕ່ສິ່ງທີ່ຫລີກບໍ່ມົ້ມ ກໍຄືປາກົດການຫຍໍ້ທໍ້ ຫລາຍຢ່າງທີ່ເກີດຂຶ້ນຕາມມາ ໂດຍສະເພາະນັບແຕ່ປີ 1985 ເປັນຕົ້ນມາ ເຫັນວ່າ ຄົນລາວເຮົາໄດ້ຕິດພັນກັບ ເຫລົ້າກັບເບຍເປັນບໍລິເວນ ກວ້າງ ແລະ ນັບມື້ເພີ່ມຂຶ້ນ ຈົນໄດ້ກາຍເປັນອັນດັບໜຶ່ງ ຂອງອາຊຽນ.

- 1 1 - ກະແສສື່ສັງຄົມທີ່ພວມໂດດເດັ່ນມາແຮງ

ສະຖິຕິທີ່ເພີ່ມຂຶ້ນນີ້ແມ່ນ ນັບທັງຊາວເຖົ້າ, ຊາວໜຸ່ມລາມໄປຮອດນັກຮຽນນັກສຶກສາພາກັນຫົວຈຸ້ມຊຸມແຊວ ນຳເຫລົ້າຢາປາແປ້ງຢ່າງໜັກໜ່ວງຫລວງຫລາຍ, ການທີ່ທາງການເຮົາມີທາງອອກ ເພື່ອຫລຸດຜ່ອນກັບອະບາຍ ຍະມຸກປະເພດນີ້ຖືວ່າ ເປັນການດີຍິ່ງນີ້ຄືຄຳຊົມເຊີຍຈາກສັງຄົມໂດຍລວມ.

ສ່ວນວ່າເລື່ອງ ສາວເຊຍເບຍນັ້ນ ຫລາຍຄົນກໍເປັນ ຫວ່ງ ແລະ ເຫັນໃຈຍ້ອນວ່າ ສ່ວນຫລາຍ ກໍເປັນນັກຮຽນ ນັກສຶກສາທີ່ມາຈາກຊົນນະ ບົດໄປຫາເງິນເພີ່ມເພື່ອໄດ້ ເງິນຄ່າເຊົ່າຫ້ອງ, ຄ່າຮຽນ ອັນເປັນການຫລຸດຜ່ອນຄ່າ ໃຊ້ຈ່າຍທາງຄອບຄົວພໍ່ແມ່ ເຊິ່ງບາງຄົນບາງຄອບຄົວ ກໍມີຄວາມຈຳເປັນຫຍຸ້ງຍາກອີ່ຫລີ.

ເມື່ອຕັ້ງໂຈດກັນວ່າ ເວລາຈັດຕັ້ງປະຕິບັດເຮົາຈະ ເຮັດແນວໃດ? ຕາມທິດກ່ຳ ວ່ານັບແຕ່ນີ້ຕໍ່ໄປໃຫ້ພາກັນ ຢຸດຕິການໂຄສະນາຢ່າງຊິ້ນ ເຊີງ. ສ່ວນປ້າຍທີ່ຍັງຢາຍ ຢູ່ ຄັບທິບກໍໃຫ້ພາກັນປົດລົງບໍ່ ໃຫ້ມີອີກເດັດຂາດ. ສ່ວນສາວເຊຍເບຍນັ້ນ ກໍໃຫ້ພາກັນເຊົາ ຫັນໄປຊອກລາຍຮັບທີ່ມັນ ສອດຄ່ອງກັບຮີດຄອງປະເພນີ ແລະ ວັດທະນະທຳຂອງຊາດ, ນີ້ລະຄືຄ້ອນຕະບອງເພັດທີ່ ເດັດຈາກສານໄຄຟົງທີ່ມີລະຫັດ 195 ທີ່ເວົ້າແລ້ວຕ້ອງ ເຮັດ. ສ່ວນການກ໋ອກເຫລົ້າ ກ໋ອກເບຍນັ້ນ ໃຜຈະຢຸດຕິ ຫລື ຈະກ໋ອກຕໍ່ນັ້ນເພິ່ນກໍບໍ່ໄດ້ຫ້າມຕາມເສົາວ່າ.

- 997 - ກະແສສື່ສັງຄົມທີ່ພວມໂດດເດັ່ນມາແຮງ
(ພາບປະກອບ)