ອົງການສຸພະນິມິດສາກົນ ຊ່ວຍປັບປຸງໂພຊະນາການ ໃນ 3 ແຂວງພາກໃຕ້

- advert banner 728 90 728x90 - ອົງການສຸພະນິມິດສາກົນ ຊ່ວຍປັບປຸງໂພຊະນາການ ໃນ 3 ແຂວງພາກໃຕ້

ພິທີເຊັນບົດບັນທຶກຄວາມເຂົ້າໃຈ ໂຄງການຮ່ວມມືປັບປຸງໂພຊະນາການ ໂດຍເສັ່ງໃສ່ການຜະລິດກະສິກໍາຢູ່ 3 ແຂວງພາກໃຕ້ຄື: ສະຫວັນນະເຂດ, ສາລະວັນ ແລະ ອັດຕະປື, ໄດ້ມີຂຶ້ນໃນວັນທີ 14 ພຶດສະພານີ້, ທີ່ນະຄອນຫຼວງວຽງຈັນ, ລະຫວ່າງທ່ານ ວີໂບ ຈາບ ອໍານວຍການໃຫຍ່ ອົງການສຸພະນິມິດສາກົນ ປະຈໍາລາວ ແລະ ຜູ້ຕາງໜ້າ 3 ແຂວງດັ່ງກ່າວ. ໂດຍໄດ້ຮັບທຶນສະໜັບສະໜູນຈາກສະຫະພາບເອີລົບ, ອົງການສຸພະນິມິດສາກົນ ປະຈໍາ ອົດສະຕາລີ ແລະ ອົງການ AVSI, ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ ໃຫ້ບັນລຸຄາດໝາຍໃນແຜນຍຸດທະສາດແຫ່ງຊາດດ້ານໂພຊະນາການ ແລະ ແຜນປະຕິບັດງານ (NNSAP) 2016-2020, ພ້ອມສ້າງເງື່ອນໄຂສະດວກໃຫ້ແກ່ຄົວເຮືອນໃນການເພີ່ມທະວີດ້ານໂພຊະນາການ ຢູ່ໃນບັນດາເມືອງເປົ້າໝາຍຂອງໂຄງການ. ເຊິ່ງມີໄລຍະດໍາເນີນງານເລີ່ມແຕ່ນີ້ຮອດທ້າຍປີ 2021. ໂດຍຈະໄດ້ຈັດຕັ້ງປະຕິບັດຢູ່ 60 ບ້ານ ໃນ 6 ເມືອງ ຂອງແຂວງສະຫວັນນະເຂດ (ເມືອງພິນ, ເຊໂປນ, ທ່າປາງທອງ, ພະລານໄຊ, ອາດສະພອນ ແລະ ຊົນບູລີ) ໃນມູນຄ່າ 6,26 ລ້ານກວ່າໂດລາສະຫະລັດ, ຢູ່ 40 ບ້ານ ໃນ 4 ເມືອງ ຂອງແຂວງ ສາລະວັນ (ເມືອງສາລະວັນ, ຕະໂອ້ຍ, ຕຸ້ມລານ ແລະ ເມືອງເຫຼົ່າງາມ) ມີມູນຄ່າ 4,23 ລ້ານກວ່າໂດລາສະຫະລັດ  ແລະ ຢູ່ແຂວງອັດຕະປື ມີ 24 ບ້ານ ໃນ 2 ເມືອງ ຄື: ສາມັກຄີໄຊ ແລະ ໄຊເສດຖາ) ໃນມູນຄ່າ 2,27 ລ້ານກວ່າໂດລາສະຫະລັດ. ເຊິ່ງມີກິດຈະກໍາຫຼັກແມ່ນເລັ່ງ ປັບປຸງການປະສານງານກັບຫຼາຍຂະແໜງການກ່ຽວຂ້ອງ ແລະ ສະໜັບສະໜູນວຽກງານດ້ານໂພຊະນາການ, ປັບປຸງການກິນອາຫານ ແລະ ການດູແລແມ່ຍິງໄວຈະເລີນພັນ ແລະ ເດັກນ້ອຍລຸ່ມ 5 ປີ, ຫຼຸດຜ່ອນອັດຕາການລະບາດຂອງພະຍາດ, ການເຈັບເປັນ ທີ່ມີສາເຫດມາຈາກນໍ້າ, ເຊິ່ງມີຜົນກະທົບຕໍ່ການຂາດສານອາຫານ, ປັບປຸງບົດບາດຍິງ-ຊາຍ ຢູ່ໃນລະດັບຄົວເຮືອນ  ໂດຍສະເພາະການມີສ່ວນຮ່ວມໃນການຕັດສິນບັນຫາໃນຄອບຄົວ, ເພື່ອປັບປຸງໂພຊະນາການປັບປຸງການເຂົ້າເຖິງ ແລະ ການມີອາຫານພຽງພໍ ແລະ ຫຼາກຫຼາຍຕະຫຼອດປີ.

- 1 1 - ອົງການສຸພະນິມິດສາກົນ ຊ່ວຍປັບປຸງໂພຊະນາການ ໃນ 3 ແຂວງພາກໃຕ້
- lattana 1 - ອົງການສຸພະນິມິດສາກົນ ຊ່ວຍປັບປຸງໂພຊະນາການ ໃນ 3 ແຂວງພາກໃຕ້