ເຄັດລັບຫລຸດຄວາມເຄັ່ງຄຽດຈາກການເຮັດວຽກ ແລະ ອ່ານໜັງສືຈາກສິລະປະບຳບັດ

- advert banner 728 90 728x90 - ເຄັດລັບຫລຸດຄວາມເຄັ່ງຄຽດຈາກການເຮັດວຽກ ແລະ ອ່ານໜັງສືຈາກສິລະປະບຳບັດ

.     ສິລະປະ ກໍເປັນຢາປິ່ນປົວພະຍາດຢ່າງໜຶ່ງ, ແຕ່ບໍ່ແມ່ນຢາປິ່ນປົວພະຍາດທາງກາຍ ຫາກເປັນພະຍາດທາງໃຈຍ້ອນໃນຊີວິດປະຈຳວັນຂອງເຮົາ ກໍຕ້ອງມີເລື່ອງເຄັ່ງຄຽດ ເລື່ອງບໍ່ສະບາຍໃຈເກີດຂຶ້ນຢູ່ຕະຫລອດ ຖ້າຫາກເຮົາບໍ່ສາມາດກຳຈັດອາການເຫລົ່ານີ້ອອກໄປໄດ້ ກໍຈະເຮັດໃຫ້ໃຈເຮົາເປັນທຸກ, ສະພາບຈິດໃຈບໍ່ພ້ອມທີ່ຈະເຮັດຫຍັງທັງໝົດ ເຮົາຈຶ່ງມີວິທີການປິ່ນປົວພະຍາດທາງໃຈດັ່ງການໃຊ້ສິລະປະບຳບັດ  (art therapy) ມາແນະນຳ.

- lattana 1 - ເຄັດລັບຫລຸດຄວາມເຄັ່ງຄຽດຈາກການເຮັດວຽກ ແລະ ອ່ານໜັງສືຈາກສິລະປະບຳບັດ

     ວິທີການບຳບັດດ້ວຍສິລະປະ ເປັນການປິ່ນປົວທາງຈິດຕະເວດຮູບທີ່ເອົາສິລະປະມາໃຊ້ປະຍຸກ ຄຽງຄູ່ໄປກັບການປິ່ນປົວ ເພື່ອຊ່ວຍໃນການປະເມີນອາການ, ຫາຂໍ້ບົກພ່ອງ, ຄວາມຜິດປົກກະຕິທີ່ເກີດຂຶ້ນກັບຂະບວນການທາງຈິດໃຈ, ແຕ່່ນອກຈາກຈະຊ່ວຍປະເມີນອາການແລ້ວ ຍັງຊ່ວຍໃນການປິ່ນປົວອາການ, ບຳບັດຟື້ນຟູສຸຂະພາບໃຈໃຫ້ແຂງແຮງຫລາຍຂຶ້ນນຳອີກ.

     – ການໃຊ້ສິລະປະບຳບັດມີມາດົນນານແລ້ວ : ໃນປີ 1962 ລາຍການໂທລະພາບຍອດນິຍົມຂອງຄົນອາເມລິກາ The Ed Sullivan ໄດ້ເຊີນນັກຮ້ອງຍິ່ງ ບາບາຣ່າ ສະໄຕຣແຊນ ມາຮ້ອງເພງ ໂດຍເພງທີ່ນາງຮ້ອງມີຊື່ວ່າ My Coloring Book ໂດຍເນື້ອຮ້ອງຂອງເພງຂຶ້ນຕົ້ນວ່າ For those who fancy coloring books ສຽງຮ້ອງຂອງນາງສະກົດຈິດຜູ້ຟັງໃນຄືນນັ້ນ ເຮັດ ໃຫ້ຜູ້ຄົນເກີດຄວາມຮູ້ສຶກມ່ວນຊື່ນ ແລະ ພາກັນອອກໄປຊື້ໜັງສືລະບາຍສີມາບຳບັດຄວາມຮູ້ສຶກ.

     – ສິລະປະຊ່ວຍບຳບັດຄວາມເຄັ່ງຄຽດໄດ້ແນວໃດ ?ການບຳບັດດ້ວຍສິລະປະສາມາດບຳບັດຄວາມທຸກໃຈໄດ້ຫລາຍສາເຫດ ບໍ່ວ່າຈະເປັນອາການເຄັ່ງຄຽດທີ່ເກີດຈາກຄວາມຟ້າວຟັ່ງ ຫລື ພັກຜ່ອນບໍ່ພຽງພໍ ແລະອື່ນໆ ເຊິ່ງການປິ່ນປົວອາດຈະເລີ່ມຕົ້ນໂດຍການແຕ້ມຮູບທຳມະຊາດ, ແຕ້ມຮູບສິ່ງທີ່ໂຕເອງຮູ້ສຶກດີ, ແຕ້ມແລ້ວຮູ້ສຶກຜ່ອນຄາຍ ເຊັ່ນ : ໃຊ້ສີໂທນອົບອຸ່ນແຕ້ມວິວດວງຕາ ເວັນຕົກດິນເພື່ອໃຫ້ເກີດຄວາມຮູ້ສຶກຜ່ອນຄາຍ ແລະ ເກີດສະມາທິຈົດຈໍ່ຢູ່ກັບສິ່ງທີ່ກຳລັງເຮັດ ເປັນຕົ້ນ ການບຳບັດດ້ວຍສິລະປະສາມາດເຮັດໄດ້ຫລາກຫລາຍວິທີ ບໍ່ວ່າຈະເປັນການປັ້ນດິນ, ການແຕ້ມຮູບ, ລະບາຍສີ, ການຖັກທໍ,  ກິດຈະກຳທາງດົນຕີ, ຫລິ້ນລະຄອນ ຫລື ບົດບາດສົມມຸດ ໂດຍນັກສິລະປະຈະພິຈາລະນາເລືອກໃຊ້ເຕັກນິກທີ່ເໝາະສົມກັບແຕ່ລະບຸກຄົນ.

- 1 1 - ເຄັດລັບຫລຸດຄວາມເຄັ່ງຄຽດຈາກການເຮັດວຽກ ແລະ ອ່ານໜັງສືຈາກສິລະປະບຳບັດ

     – ວິທີບຳບັດຄວາມເຄັ່ງຄຽດດ້ວຍຕົນເອງ : ແລ້ວຖ້າຫາກເຮົາຮູ້ສຶກເຄັ່ງຄຽດ, ແຕ່ຍັງບໍ່ເຖິງຂັ້ນທີ່ຮູ້ສຶກວ່າຕ້ອງໄປຫາຈິດຕະແພດ ຫລື ນັກສິລະປະບຳບັດກໍລອງຊື້ໜັງສືລະບາຍສີຮູບພາບສຳລັບຜູ້ໃຫຍ່ມາລອງໃຊ້ເບິ່ງ ໂດຍໜັງສືລະບາຍສີສຳລັບຜູ້ໃຫຍ່ທີ່ມີຂໍ້ດີຫລາຍປະການ ທັງຊ່ວຍປັດເປົ່າຄວາມເຄັ່ງຄຽດ, ຈັດຄວາມດຸ່ນດ່ຽງໃຫ້ກັບສະໝອງ ທັງ 2 ເບື້ອງຂອງເຮົາເພື່ອປັບ ຄວາມດຸ່ນດ່ຽງລະຫ່ວາງຄວາມຄິດຄວາມຮູ້ສຶກ ແລະ ອາລົມ ແລະ ຍັງຊ່ວຍຝຶກສະມາທິ ໃຫ້ຈົດຈໍ່ຢູ່ກັບສິ່ງໃດສິ່ງໜຶ່ງ ເຮັດໃຫ້ຈິດສະຫງົບ, ພໍໃຈສະຫງົບ ແລະ ມີສະມາທິຫລາຍຂຶ້ນ ສະພາບຈິດໃຈເຮົາກໍພ້ອມທີ່ຈະກັບມາອ່ານໜັງສື ຫລື ເຮັດວຽກໄດ້ຢ່າງມີປະສິດທິພາບອີກຄັ້ງ.