ປະທານອົງການ KOICA ຢືນຢັນຈະສືບຕໍ່ໍໃຫ້ການຊ່ວຍເຫລືອລາວ

- advert banner 728 90 728x90 - ປະທານອົງການ KOICA ຢືນຢັນຈະສືບຕໍ່ໍໃຫ້ການຊ່ວຍເຫລືອລາວ

ໃນໂອກາດເຂົ້າຢ້ຽມຂໍ່ານັບທ່ານນາຍົກລັດຖະມົນຕີ ທອງລຸນ ສີສຸລິດ ຂອງທ່ານນາງ ລີ ມີ ຢັງ (Lee Mi Kyung) ປະທານອົງການຮ່ວມມືສາກົນ ສ.ເກົາຫລີ (KOICA) ເມື່ອວັນທີ 15 ພຶດສະພານີ້ຢູ່ນະຄອນຫລວງວຽງຈັນ. ທ່ານນາງ ລີ ມີ ຢັງ ໄດ້ສະແດງຄວາມຂອບໃຈເປັນຢ່າງສູງຕໍ່ທ່ານ ນາຍົກລັດຖະມົນຕີ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມຢືນຢັນຈະສືບຕໍ່ໃຫ້ການຊ່ວຍເຫລືອເພື່ອການພັດທະນາຢູ່ ສປປ ລາວ ໃຫ້ຫລາຍຂຶ້ນ ເພື່ອເສີມຂະຫຍາຍການພົວພັນຮ່ວມມືລະຫວ່າງລາວ ແລະ ສ.ເກົາຫລີ ໃຫ້ນັບມື້ແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ.

- new3 - ປະທານອົງການ KOICA ຢືນຢັນຈະສືບຕໍ່ໍໃຫ້ການຊ່ວຍເຫລືອລາວ

  ໃນໂອກາດນີ້, ທ່ານນາຍົກລັດຖະມົນຕີ ໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວຂອງທ່ານນາງ ລີ ມີ ຢັງ ໃນຄັ້ງນີ້, ຊຶ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ, ການຮ່ວມມືຊ່ວຍເຫລືອຊຶ່ງກັນ ແລະ ກັນ ລະຫວ່າງ ສປປ ລາວ ແລະ ສ.ເກົາຫລີ ໃຫ້ແໜ້ນແຟ້ນຍິ່ງຂຶ້ນ, ພ້ອມທັງສະແດງຄວາມຍ້ອງຍໍຊົມເຊີຍຕໍ່ການປະຕິບັດງານຂອງອົງການ KOICA ຢູ່ລາວໃນການປະຕິບັດໂຄງການຊ່ວຍເຫລືອຕ່າງໆທີ່ລັດຖະບານ ສ.ເກົາຫລີ ໄດ້ໃຫ້ການຊ່ວຍຫລືອລາວ ຕະຫລອດມາ, ອັນໄດ້ເຮັດໃຫ້ລັດຖະບານ ກໍຄື ປະຊາຊົນສອງປະເທດລາວ ແລະ ສ.ເກົາຫລີ ມີຄວາມເຂົ້າອົກເຂົ້າໃຈກັນຫລາຍຂຶ້ນ ແລະ ເຮັດໃຫ້ການພົວພັນລະຫວ່າງ 2 ປະເທດນັບມື້ກ້າວເຂົ້າສູ່ລວງເລິກ, ໂດຍສະເພາະໃນຊຸມປີຜ່ານມານີ້, ມີຫລາຍໂຄງການໄດ້ຮັບການຈັດຕັ້ງປະຕິບັດໂດຍຜ່ານອົງການ KOICA ເປັນຕົ້ນແມ່ນໂຄງການພັດທະນາຊົນນະບົດແບບມີສ່ວນຮ່ວມຢູ່ແຂວງວຽງຈັນ, ແຂວງສະຫວັນນະເຂດ ແລະ ອື່ນໆ ເຫັນວ່າໄດ້ຮັບຜົນສໍາເລັດດີ ເພື່ອປະກອບສ່ວນຊ່ວຍເຫລືອ ລາວຫລຸດພົ້ນອອກຈາກສະຖານະພາບຄວາມດ້ອຍພັດທະນາ ແລະ ບັນລຸເປົ້າໝາຍຂອງ SDGs ຕາມຄາດໝາຍ, ພ້ອມນີ້ປະທານ KOICA ກໍໄດ້ສະແດງຄວາມຍິນດີຈະຊ່ວຍຟື້ນຟູເຂດປະສົບໄພພິບັດຢູ່ແຂວງອັດຕະປືໃນ 2-3 ປີຕໍ່ໜ້າໃຫ້ບັນລຸຜົນສໍາເລັດ.

- lattana 1 - ປະທານອົງການ KOICA ຢືນຢັນຈະສືບຕໍ່ໍໃຫ້ການຊ່ວຍເຫລືອລາວ
error: Content is protected !!