5 ຂໍ້ດີທີ່ທ່ານຈະໄດ້ຈາກການໂດດເຊືອກ

- advert banner 728 90 728x90 - 5 ຂໍ້ດີທີ່ທ່ານຈະໄດ້ຈາກການໂດດເຊືອກ

    1. ເຜົາຜານກາລໍຣີໄດ້ດີ ຊ່ວຍຫລຸດນຳ້ໜັກ : ການໂດດເຊືອກ 1 ຊົ່ວໂມງ ສາມາດເຜົາຜານກາລໍຣີໄດ້ຫລາຍເຖິງ 1.300 ກິໂລກາລໍຣີ ຖ້າປຽບທຽບແບບໄລຍະສັ້ນກ່ວານັ້ນກໍແມ່ນໂດດເຊືອກຕໍ່ເນື່ອງດົນ 10 ນາທີ ເຜົາຜານກາລໍຣີໄດ້ເທົ່າກັບການແລ່ນໃນໄລຍະທາງ 1,6 ກິໂລແມັດ.

- lattana 1 - 5 ຂໍ້ດີທີ່ທ່ານຈະໄດ້ຈາກການໂດດເຊືອກ
- 021305 2019 - 5 ຂໍ້ດີທີ່ທ່ານຈະໄດ້ຈາກການໂດດເຊືອກ

     2. ຝຶກສະມາທິ ຊ່ວຍໃຫ້ສະໝອງພັດທະນາ : ຂໍ້ມູນຈາກສະຖາບັນການໂດດເຊືອກແຫ່ງສະຫະລັດອາເມລິກາ ເຜີຍວ່າການໂດດເຊືອກຈະສາມາດຊ່ວຍພັດທະນາສະໝອງທັງເບື້ອງຊ້າຍ ແລະ ຂວາ ຊ່ວຍໃຫ້ມີສະມາທິທີ່ດີຂຶ້ນ ເພາະເວລາໂດດເຊືອກຕ້ອງມີໃຈຈົດຈໍ່ກັບການໂດດ ເຮັດໃຫ້ຮູ້ສຶກຈົດຈໍ່ຢູ່ກັບສິ່ງທີ່ເຮັດຢູ່.

     3. ດີຕໍ່ຫົວໃຈ ແລະ ຫລອດເລືອດ : ຜົນການສຶກສາຈາກ American College of Sports Medicine ເຜີຍວ່າ ການໂດດ ເຊືອກຈະຊ່ວຍໃຫ້ຫົວໃຈເຕັ້ນແຮງ, ປອດຂະຫຍາຍ, ສາມາດຟອກເລືອດໄປລ້ຽງຫົວໃຈໄດ້ດີຂຶ້ນ. ທາງນັກວິໄຈແນະນຳໃຫ້ໂດດເຊືອກເທື່ອລະ 12 – 20 ນາທີເປັນຢ່າງໜ້ອຍ ແລະ ເຮັດຢ່າງໜ້ອຍ 3 – 5 ເທື່ອຕໍ່ອາທິດ ຮ່າງກາຍຈະແຂງແຮງຫລາຍຂຶ້ນ, ລະບົບຫົວໃຈ ແລະ ປອດແຂງແຮງກ່ວາເກົ່າ ຈະເຮັດໃຫ້ຮູ້ສຶກບໍ່ເມື່ອຍງ່າຍເວລາເຮັດກິດຈະກຳຕ່າງໆນຳ.

     4. ກ້າມຊີ້ນ ແລະ ກະດູກແຂງແຮງ : ການໂດດເຊືອກເປັນການອອກກຳລັງກາຍແບບແອໂຣບິກ ແລະ ຖືເປັນການເຄື່ອນໄຫວຮ່າງກາຍທີ່ບໍ່ຮຸນແຮງ ທັງຍັງໄດ້ອອກກຳລັງກາຍເກືອບທຸກພາກສ່ວນ, ເປັນການໄດ້ໃຊ້ກ້າມຊີ້ນໄດ້ທົ່ວຮ່າງກາຍ ແລະ ບໍ່ຄ່ອຍສ່ຽງຕໍ່ການບາດເຈັບ ດຣ. Daniel W. Barry ຜູ້ຊ່ວຍສາດສະດາຈານຄະນະແພດສາດຈາກ University of Colorado ພ້ອມທີມວິໄຈໄດ້ສຶກສາເລື່ອງຄວາມເສື່ອມຂອງກະດູກກ່ອນໄວອັນຄວນໃນນັກກິລາອາຊີບ ແລະ ພົບວ່າ ການໂດດເຊືອກນັ້ນເປັນການອອກກຳລັງກາຍທີ່ຊ່ວຍເສີມສ້າງຄວາມແຂງແຮງຂອງກະດູກທີ່ດີທີ່ສຸດ.

- 1 1 - 5 ຂໍ້ດີທີ່ທ່ານຈະໄດ້ຈາກການໂດດເຊືອກ
- Tiger Head 728x90 - 5 ຂໍ້ດີທີ່ທ່ານຈະໄດ້ຈາກການໂດດເຊືອກ

     5. ຫລຸດຄວາມເຄັ່ງຄຽດ : ລະຫວ່າງການອອກກຳລັງກາຍໂດຍການໂດດເຊືອກ ທ່ານຈະຮູ້ສຶກມ່ວນຜ່ອນຄາຍ, ປອດໂປ່ງ, ຫາຍໃຈໂລ່ງຂຶ້ນ ຫາກໃຜທີ່ມີຄວາມເຄັ່ງຄຽດຫລາຍຢູ່ ກໍຈະສາມາດຊ່ວຍ ຄາຍຄວາມກັງວົນຄວາມເຄັ່ງຄຽດຕ່າງໆໄດ້ ແນະນຳໃຫ້ເປີດເພງຈັງຫວະມ່ວນໆປະກອບນຳ ຈະຍິ່ງຊ່ວຍໃຫ້ທ່ານມ່ວນ ແລະ ເພີດເພີນໃນການອອກກຳລັງກາຍຫລາຍຍິ່ງຂຶ້ນ.

error: Content is protected !!